I Петер 1:19 - Сыйлы Инжил бла Забур

¹⁹ Алай а къыяусуз эм таза къозуну къаны кибик, Масихни багъалы къаны бла жулуннганыгъызны билигиз.

I Петер 1:19 Iomraidhean Croise

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Маттай 26:28

Бу Мени, гюняхла кечилсинле деп, кёпле ючюн тёгюлген, жангы кесаматны бегим этген къанымды.

Ахия 1:29

Экинчи кюн Ахия Иссаны анга келе тургъанын кёрюп: «Ма Аллахны Къозусу, Ол, дунияны гюняхын Кесини боюнуна алады.

Ахия 1:36

Ол, Иссаны келе тургъанын кёрюп: «Ма Аллахны Къозусу!» – деди.

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

Римлилеге 3:25

Аллах Масихни, Аны къанына ийнаныуубуз бла гюняхларыбызны кечдирген къурманнга бергенди эм алай бла Кесини тюзлюгюн кёргюзтгенди. Нек десегиз Аллах, бизге тёзюп, алгъын этген гюняхларыбызны кечгенди.

Эфеслилеге 1:7

Ол хар тюрлю акъылманлыкъ бла эм ангылаулукъ бла бизни артыгъы бла саугъалагъан шафауатыны байлыгъыны хайырындан,

Колослулагъа 1:14

Аллахны Уланында уа Аны къаны бла бизге жулунуу, гюняхларыбыздан кечилиу барды.

I Петер 1:2

Нюрден сыйлыланыу бла, сёзге тынгылаугъа эм Масих Иссаны къаны бла бюркюлюуге, Аллах Ата алгъындан билип сайлагъанлагъа: сизге шафауат бла ырахатлыкъ кёп болсун.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Ахия 1:7

Аны жарыкъда болгъаны кибик, жарыкъда жюрюй эсег’а, бир-бирибиз бла бирикмеклигибиз барды эм Аны Уланы Масих Иссаны къаны бизни хар гюняхдан тазалайды.

I Ахия 2:2

Ол бизни гюняхларыбызны эм жаланда бизни гюняхларыбызны тюйюл, алай а битеу дунияны гюняхларын да кечдирген къурманды.

Билим Ачханы 1:5

Эм тюз шагъат болгъан, ёлгенледен биринчи болуп тиргизилген, дунияны патчахларыны Бийи Масих Иссадан сизге шафауат эм ырахатлыкъ болсун. Бизни сюйген, Кесини къаны бла гюняхларыбыздан бизни азат этген

Билим Ачханы 14:1

Сора мен, къарап, Къозу Сион тауну башында тургъанын кёрдюм. Аны биргесине да, Аны Атасыны аты аланы мангылайларында жазылгъан жюз къыркъ тёрт минг адам тура эдиле.

Билим Ачханы 14:5

Аланы ауузларында хыйлалыкъ жокъду, Аллахны тахтасыны аллында ала айыпсыздыла.

Билим Ачханы 5:6

Сора мен, къарап, тахтаны эм тёрт хайыуанны арасында эмда таматаланы арасында тургъан, боюну кесилгеннге ушаш Къозуну кёрдюм; Аны жети мюйюзю эм жети кёзю бар эди; была да, Аллахны битеу дуниягъа ийген жети Нюрюдю.

Билим Ачханы 5:9

Эмда жангы зикир айтадыла: «Сен тийишлисе китапны алыргъа эм аны юсюнден мухурларын ачаргъа; нек десенг Сен союлгъанса эм Кесинги къанынг бла хар тукъумдан эм хар тилден, хар халкъдан эм хар миллетден бизни Аллахха жулугъанса

Билим Ачханы 7:14

Мен анга: «Жюйюсхан, сен билесе», – дедим. Ол да манга: «Была ол уллу азапдан келгенледиле; ала, Къозуну къаны бла кеслерини кийимлерин жуууп, аны бла кийимлерин акъ этгендиле;