I Петер 1:12 - Сыйлы Инжил бла Забур

¹² Кёкледен ийилген Сыйлы Нюр бла Хайыр Хапарны айтханланы энди сизге билдиргенлерини хайыры, аланы кеслерине тюйюл, сизге жарагъаны алагъа ачыкъ болгъанды. Бу затлагъа уа мёлекле да къараргъа талпыйдыла.

I Петер 1:12 Iomraidhean Croise

Маттай 11:25

Ол заманда сёзюн бардыра, Исса: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып, гитче сабийлеге ачханынг ючюн, Санга шукур этеме.

Маттай 11:27

Мени Атам хар нени да Манга бергенди. Уланын Атадан башха бир киши да билмейди; Атаны да Уланындан бла, Улан билдирирге сюйген адамдан башха бир киши да билмейди.

Маттай 16:17

Сора Исса анга жууапха: «Жюнюс улу Шимон, сен насыплыса; нек десенг муну санга ачхан адамла тюйюл, Мени кёкледеги Атамды.

Марк 16:15

Сора алагъа былай айтды: «Битеу дуниягъа жюрюп, жаратылгъанланы барысына да Хайыр Хапарны билдиригиз.

Лука 15:10

Сизге айтама: тобагъа къайтышхан бир гюняхлы ючюн да Аллахны мёлеклеринде аллай къууанч болады», – деди.

Лука 2:26

Ол, Раббийни Масихин кёргюнчю, ёлюм сынарыкъ тюйюлдю – деп, Сыйлы Нюрден билим алгъан эди.

Лука 9:6

Ала, кетип, хар жерде Хайыр Хапарны бере эм ауругъанланы сау эте, элледе айландыла.

Ахия 15:26

Мен сизге Атадан иерик Жюрек Жапсарыучу – Кеси Атадан чыгъа тургъан Хакъ Кертини Нюрю – келген заманда уа, Ол Мени юсюмден шагъатлыкъ этерикди.

Ишлери 10:44

Петер бу сёзлени айта тургъан заманда, аны сёзлерине тынгылагъанланы барысына да Сыйлы Нюр тюшдю.

Ишлери 16:10

Пауул кёрген бу кёрюнюуден сора, биз олсагъатдан Македониягъа барыргъа тебиредик, андагъылагъа Хайыр Хапарны билдирирге Раббий бизни чакъыргъанын ангылагъан эдик.

Ишлери 2:33

Алай бла Ол, Аллахны онг жанына чыгъарылып, Атадан, Ол берирге айтхан Сыйлы Нюрню алып, энди, сиз кёргенча эм эшитгенча, бу Нюрню юсюбюзге къуйгъанды.

Ишлери 4:31

Ала тилек этгенден сора, жыйылып тургъан жерлери да титиреди эм барысы да Сыйлы Нюрден толуп Аллахны сёзюн таукеллик бла айта эдиле.

Ишлери 4:8

Ол заманда Петер, Сыйлы Нюрден толуп, алагъа: «Халкъны башчылары эм Израилни таматалары!

Ишлери 8:25

Петер бла Ахия уа шагъатлыкъ этип эм Раббийни сёзюн билдирип, артха Иерусалимге къайтып бара, Самарияны кёп эллеринде да Хайыр Хапарны жайдыла.

Римлилеге 1:15

Алай бла, манга жетгенден, мен сизге, Римде жашагъанлагъа да, Хайыр Хапарны берирге хазырма.

Римлилеге 1:17

Хайыр Хапарда Аллахны тюзлюклюлюгю, Китапда: «Тюзлюклю ийманы бла жашарыкъды», – деп жазылгъаны кибик, ачыкъ этиледи. Тюзлюклюлюк жаланда ийман бла болады.

Римлилеге 10:15

Сора хапар къалай берсинле, хапар берирге ийилмеселе? Китапда жазылгъаны кибик: «Жарашыулукъну Хайыр Хапарын, ахшылыкъны Хайыр Хапарын билдиргенлени аякълары къалай аламатдыла!»

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

I Коринфлилеге 2:10

Бизге уа Аллах аны Кесини Нюрю бла ачыкъ этгенди, нек десегиз Нюр хар нени да Аллахны теренликлерин да тинтеди.

II Коринфлилеге 1:22

Ол бизге мухур салгъанды эм ышандырыр шартха бизни жюреклерибизге Сыйлы Нюрню жерлешдиргенди.

II Коринфлилеге 6:6

Тазалыкъда, билимде, чыдамлылыкъда, ахшылыкъ этиуде, Сыйлы Нюрде, кёзбаусуз сюймекликде,

Галатиялылагъа 1:12

Нек десегиз мен ол Хайыр Хапарны адамдан алмагъанма эмда аны манга адам юйретмегенди, аны манга Масих Исса ачып билдиргенди.

Галатиялылагъа 1:16

Мен Аны Хайыр Хапарын миллетлеге жаяр ючюн, Кесини Уланын манга ачаргъа ыразы болгъанында, мен ол сагъат окъуна инсанла бла кенгешмегенме.

Эфеслилеге 3:10

Аллах, Кесини кёп тюрлю акъылманлыгъы энди Жамауатыны юсю бла кёкледеги башчылагъа бла властьлагъа белгили болур ючюн, алай этгенди.

I Фесалоникачылагъа 2:9

Ишексиз, къарындашла, бизни урунууубуз эм къыйналгъаныбыз сизни эсигиздеди: сизден биригизни да къыйнамаз ючюн, биз, кече да, кюн да ишлеп, сизге Аллахны Хайыр Хапарын алай билдирген эдик.

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

Чюйютлелеге 11:13

Ала бары да, берирге ант бла сёз берилгенлени алмагъанлай, ийман бла ёлгендиле, алай а, аланы узакъдан кёрюп, къууанып, кеслерини юслеринден: «Бу дунияда жолоучулабыз эм киргинчилебиз», – деп ачыкъ айтхандыла.

Чюйютлелеге 2:4

Аллах да ол хапаргъа илишанла бла, сейирликле бла, кёп тюрлю къудуретли ишле бла эмда Сыйлы Нюрню саугъалары бла шагъатлыкъ этгенди; аланы уа адамлагъа Кеси сюйгенча юлешгенди.

Чюйютлелеге 4:2

Нек десегиз къутхарылыуну юсюнден Хайыр Хапар алагъа билдирилгени кибик, бизге да билдирилгенди; алай а ала эшитген сёзню ийман бла къабыл этмегенлери себепли, ол сёз алагъа файда бермегенди.

I Петер 1:25

Раббийни сёзю уа ёмюрде да турады». Ол сёз а бу сизге билдирилген Хайыр Хапарды.

I Петер 4:6

Нек десегиз ёлгенлеге да, ала, башха адамла кибик, чархлары бла сюдге тартылсала да, Аллах кибик, нюр бла жашар ючюн, Хайыр Хапар билдирилгенди.

Билим Ачханы 5:11

Сора тахтаны бла хайыуанланы эм таматаланы тёгерегинде, мен кёп мёлеклени кёрдюм эм ауазларын эшитдим. Аланы саны тул-тубан эм минг-мингле эдиле.