I Петер 1:1 - Сыйлы Инжил бла Забур

¹ Масих Иссаны абустолу болгъан мен Петерден Понтда, Галатияда, Кападокияда, Асияда эм Битинияда жайылгъан киргинчилеге салам болсун!

I Петер 1:1 Iomraidhean Croise

Забур 44:11

Эй къыз, эшит, къара, къулагъынгы сал, халкъынгы да атангы юйюн да унут.

Маттай 10:2

Онеки абустолну уа атлары быладыла: биринчиси Петер аталгъан Шимон, аны къарындашы Эндрей, Зебедейни жашлары Якъуп бла Ахия,

Маттай 24:22

Ол кюнле аз этилмеселе эди, бир адам да къутулмаз эди; алай а сайланнганла ючюн ол кюнле аз этилликдиле.

Маттай 4:18

Галилея кёлню къаты бла бара туруп, Исса эки къарындашны, Петер аталгъан Шимонну эм аны къарындашы Эндрейни, чабакъ ауну кёлге ата тургъанлай кёрдю; нек десегиз ала чабакъчыла эдиле.

Лука 18:7

Аллах а, кече да, кюн да, Андан тилек этип тургъан, Кесини сайлагъанларын къорууларыкъ тюйюлмюдю? Аланы кёп заман сакълатырыкъмыды?

Ахия 11:52

Эм жаланда ол халкъ ючюн тюйюл, Аллахны чачылып айланнган сабийлерин да бирге жыяр ючюн ёллюгюн алгъындан айтхан эди.

Ахия 7:35

Ол заманда иудейлиле кеси араларында: «Биз Аны тапмазча, къайры барлыкъды Ол? Огъесе Ол, греклиле арасында чачылгъан иудейлиле тургъан жерлеге барып, греклиленими юйретирик болур?

Ишлери 18:2

Анда, Понтда туугъан, Акила атлы бир иудейлиге эм аны къатыны Прискилагъа тюбеди. Ала кёп болмай Италиядан келген эдиле; нек десегиз император Клаудий битеу иудейлилеге Римден кетерге буйрукъ берген эди. Пауул алагъа келди

Ишлери 18:23

Анда бир талай заман тургъандан сора, жолгъа чыкъды, Галатия къыралгъа бла Фригиягъа кезиу айланып, битеу сохталаны кючлендирди.

Ишлери 19:10

Ол алай этип эки жылгъа дери турду, алай бла битеу Асияда жашагъанла, иудейлиле да, греклиле да Раббий Иссаны юсюнден Хайыр Хапарны эшитген эдиле.

Ишлери 6:9

Азатланы, Киринейлилени эм Аскендириялыланы Синагогасы атлы синагогадан бир къауумла эм Киликиядан бла Асиядан да бир къауумла Истефан бла даулашха тюшдюле.

Ишлери 8:4

Ол заманда чачылгъан ийнаннганла, хар жерде айланып, Хайыр Хапарны жая эдиле.

I Коринфлилеге 16:19

Асияны жамауатлары сизге салам айтадыла. Акила бла Прискила юйдеги жамауатлары бла бирге сизге Раббийде къызыу салам айтадыла.

II Коринфлилеге 1:8

Къарындашла, Асияда бизни башыбызгъа келген къыйынлыкъланы сизге билдирмей къояргъа сюймейбиз; нек десегиз биз чексиз ауур эм кючюбюз жетмеген азиятлыкъ кёрген эдик, алай бла сау къалыргъа да умутубуз жокъ эди.

Галатиялылагъа 1:2

Эм битеу мени биргеме болгъан къарындашладан Галатияны жамауатларына салам!

Эфеслилеге 2:12

Сиз ол заманда Масихсиз эдигиз; Израильни жамауатындан тышхы эдигиз, Аллахны ант сёз бла этген кесаматларындан юлюшсюз эдигиз, умутугъуз жокъ эди эм бу дунияда Аллахдан къуру эдигиз.

Эфеслилеге 2:19

Алай бла сиз энди тыш адамла эм киргинчиле тюйюлсюз, алай а сыйлыла бла бир халкъсыз эм Аллахны юйюрюсюз.

II Тимотейге 1:15

Битеу асиячыла мени атып къойгъанларын сен билесе, Фигел бла Эрмоген да ала бла бирге.

Чюйютлелеге 11:13

Ала бары да, берирге ант бла сёз берилгенлени алмагъанлай, ийман бла ёлгендиле, алай а, аланы узакъдан кёрюп, къууанып, кеслерини юслеринден: «Бу дунияда жолоучулабыз эм киргинчилебиз», – деп ачыкъ айтхандыла.

Якъуп 1:1

Аллахны эм Раббий Масих Иссаны къулу Якъуп, Израильни чачылып айланнган онеки тукъумуна – салам!

I Петер 2:11

Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

Билим Ачханы 1:11

Бу кёргенинги китапха жаз эм Асияда болгъан жети жамауатха: Эфесге, Измирге, Бергамагъа, Тиатирагъа, Сардисге, Филадельфиягъа эм Лаодикиягъа жибер», – деп айтханын эшитдим.