I Коринфлилеге 9:26 - Сыйлы Инжил бла Забур

²⁶ Ол себепден мен жалгъан затха чапханча чапмайма, сермешгеним а жаланда хауаны урургъа тюйюлдю.

I Коринфлилеге 9:26 Iomraidhean Croise

Маттай 11:12

Сууда Кёмюлдюрюучю Ахияны заманындан эндиге дери Кёклени Патчахлыгъы кюч бла алынады, кюч салгъанла аны аладыла;

Лука 13:24

«Тар къабакъдан кирирге кюрешигиз, нек десегиз сизге айтама, кёпле кирирге излерикдиле, кираллыкъ да тюйюлдюле.

I Коринфлилеге 14:9

Сиз да алай, тилигиз бла ангылашынмагъан сёзле айта эсегиз, сора сизни не айтханыгъыз къалай билинир? Сиз хауагъа айтырыкъсыз!

II Коринфлилеге 5:1

Ол себепден бизни жердеги юйюбюз, бу чархыбыз бузулса, бизни Аллахдан кёкледе мекямыбыз, къол бла ишленмеген ёмюрлюк чархыбыз болгъанын билебиз.

II Коринфлилеге 5:8

Сора биз тынч кёллю болабыз эм, чархыбыздан чыгъып кетип, Раббий бла жашаргъа сюебиз.

Галатиялылагъа 2:2

Баргъанымда уа билим ачылыу бла баргъан эдим. Андагъылагъа, артыгъыракъ да, бек белгилилеге, миллетлеге Хайыр Хапарны билдириуюмю юсюнден, мен бошму кюрешеме неда бошму кюрешген болурма деп айтхан эдим.

Эфеслилеге 6:12

Нек десегиз бизни къазауатыбыз адамлагъа къажау къазауат тюйюлдю, алай а башчылагъа къажау, властьлагъа къажау, къарангылыкъны бу ёмюрлю дуния оноучуларына къажау, тюп кёкледеги огъурсуз нюрлеге къажау къазауатды.

Колослулагъа 1:29

Масихни менде жюрюген деменгили кючю бла, мен муну ючюн урунуп кюрешеме.

II Тимотейге 1:12

Аны себепли къыйналама мен былай; алай а ыйлыкъсынмайма. Нек десенг мен билеме Кимге ийнаннганымы эм Ол манга ышанып бергенин ол Кюннге сакъларгъа Аны кючю болгъанына толу ийнанама.

II Тимотейге 2:5

Спортсмен да эришиуню жорукъларын буза эсе, саугъа аллыкъ тюйюлдю.

II Тимотейге 4:7

Мен ахшы кюрешни бардыргъанма, жолуму бошагъанма, ийманымы сакълагъанма.

Чюйютлелеге 12:1

Бизни тёгерегибизде булутла кибик алай кёп шагъатла бардыла! Ол себепден битеу бизге чырмау болгъан затланы, бизни бийлеп тургъан битеу гюняхларыбызны юсюбюзден атайыкъ эмда бизге белгиленнген жолубузда тёзюмлюк бла барайыкъ.

Чюйютлелеге 4:1

Ол себепден, Аны берлик ырахатлыгъына кирирге энтда ант бла берилген сёзню кючю бар заманда, бизден биреу да андан къуру къалмаз ючюн сакъ болайыкъ.

I Петер 5:1

Мен, бир тамата эм Масихни азап чекгенине шагъат эм ачыллыкъ махтаууна къошулгъан нёгер, сизни таматаларыгъыздан тилейме:

II Петер 1:10

Ол себепден, къарындашла, чакъырылыуугъузну эм сайланыуугъузну къаты этерге бекден-бек кюрешигиз. Алай этсегиз, бир заманда да тентиремезсиз.