I Коринфлилеге 9:23 - Сыйлы Инжил бла Забур

²³ Быланы барын да Хайыр Хапарны жайыуну ишине къатышыр мурат бла, Хайыр Хапар ючюн этеме.

I Коринфлилеге 9:23 Iomraidhean Croise

Марк 8:35

Нек десегиз кесини жанын сакъларгъа сюйген адам, аны жояр; Мени ючюн эмда Хайыр Хапар ючюн кесини жанын жойгъан адам а, аны сакълар.

Римлилеге 11:17

Бутакъладан бир бёлеги сыннган эселе уа, сен а, кийик зейтун терек, аланы жерлерине жалгъанып, зейтун терекни тамырына бла суууна ала бла бирча къошулгъан эсенг,

I Коринфлилеге 9:12

Башхаланы сизде бу эркинликлери бар эсе, бизни уа бегирек да жокъмуду? Алай болгъанлыкъгъа биз бу эркинлик бла хайырланмагъанбыз, алай а, Масихни Хайыр Хапарына бир тюрлю чырмау салмаз ючюн, хар неге да тёзебиз.

I Коринфлилеге 9:22

Къарыусузланы табар ючюн, къарыусузлагъа къарыусузча болгъанма. Бир да болмаса да бир къауумларын къутхарыр ючюн, барысына да барысыча болгъанма.

I Коринфлилеге 9:24

Стадионда чапханла бары да чабып, саугъа уа биреу алгъанын билмеймисиз? Сиз саугъа алырча чабыгъыз!

II Коринфлилеге 2:4

Мен сизни жаныгъызны къыйнар ючюн тюйюл, алай а менде сизни сюймеклик къалай толу болгъанын сиз ангылар ючюн, мен сизге уллу къайгъыдан эм жюрегими такъырлыгъындан кёп жилямукъла бла жазгъан эдим.

Галатиялылагъа 2:5

Хайыр хапарны хакъ тюзлюгю сизде сакъланыр ючюн, биз алагъа бир сагъатха да хорлатмагъанбыз эм бой салмагъанбыз.

II Тимотейге 2:10

Ол себепден Аллах сайлагъанла, Масих Исса алагъа берлик къутхарыуну эм ёмюрлюк махтауну алсынла деп, ала ючюн хар неге да тёземе.

II Тимотейге 2:6

Жерге уруннган адам жыйылгъан тирликден юлюшюн биринчи болуп алыргъа керекди.

Чюйютлелеге 3:1

Алай бла, кёкню чакъырыууна къошулгъан сыйлы къарындашла, биз ачыкъ къабыл этген ийманыбызны Келечиси эм Баш Дин Къуллукъчусу болгъан Масих Иссаны ангылагъыз.

Чюйютлелеге 3:14

Нек десегиз алгъы бурун бизде болгъан ышаныуубузну ахырына дери къаты сакъласакъ, биз Масих бла бир боллукъбуз.

I Петер 5:1

Мен, бир тамата эм Масихни азап чекгенине шагъат эм ачыллыкъ махтаууна къошулгъан нёгер, сизни таматаларыгъыздан тилейме:

I Ахия 1:3

Сизни да бизни бла бирикмеклигигиз болур ючюн, биз кёргенибизни эм эшитгенибизни сизге билдиребиз. Бизни бирикмеклигибиз да Ата бла эм Аны Уланы Масих Исса блады.