I Коринфлилеге 9:22 - Сыйлы Инжил бла Забур

²² Къарыусузланы табар ючюн, къарыусузлагъа къарыусузча болгъанма. Бир да болмаса да бир къауумларын къутхарыр ючюн, барысына да барысыча болгъанма.

I Коринфлилеге 9:22 Iomraidhean Croise

Римлилеге 11:14

Алай бла кеси миллетлилеримде эришиулюк чыгъарып, аладан бир къауумларын къутхарыргъа болурма деп умут этеме.

Римлилеге 14:1

Ийманы къарыусуз адамны фикирлени юсюнден даулашмай къабыл этигиз.

Римлилеге 14:2

Нек десегиз биреу хар нени да ашаргъа жарагъанына толу ийнанады, къарыусуз а жаланда тахта кёгетле ашайды.

Римлилеге 15:1

Биз, ийманы къарыулула, кесибиз сюйгенни этмей, къарыусузланы зайифликлерин кётюрюрге борчлубуз.

Римлилеге 15:2

Бизни хар бирибиз да, жууугъун нюр бла бегимли этер ючюн, анга игилик болсун деп, жууугъуну кёлюне жараргъа керекди.

I Коринфлилеге 10:33

Мен да кесиме хайырны тюйюл, алай а ала къутхарылыр ючюн кёплеге хайырны излеп, хар зат бла да барысыны да кёллерине жетерге кюрешеме.

I Коринфлилеге 7:16

Къатын, сен эринги къутхармазлыгъынгы къайдан билесе? Неда сен, эр, къатынынгы къутхармазлыгъынгы къайдан билесе?

I Коринфлилеге 8:13

Ол себепден, аш мени къарындашыма чырмау бола эсе, къарындашыма чырмау болмаз ючюн ёмюрде да эт ашарыкъ тюйюлме.

I Коринфлилеге 9:19

Ол себепден барындан да азат болуп тургъанымлай, андан да кёп адам табар ючюн кесими барына да къул этгенме.

I Коринфлилеге 9:23

Быланы барын да Хайыр Хапарны жайыуну ишине къатышыр мурат бла, Хайыр Хапар ючюн этеме.

II Коринфлилеге 11:29

Ким къарыусуз болады, аны бла мен да къарыусуз болмагъан? Ким териледи, аны ючюн мен жанмагъан?

Галатиялылагъа 6:1

Къарындашла! Бир адамны бир тюрлю гюняхха тюшгени ачыкъ болса, сиз, Сыйлы Нюрге тынгылагъанла, аллайны жууаш хал бла тюзетигиз. Сиз да терилмез ючюн кесигизге сакъ болугъуз.