I Коринфлилеге 8:4 - Сыйлы Инжил бла Забур

⁴ Алай бла идоллагъа этилген къурманланы этлерин ашауну юсюнден, дунияда идол бош зат болгъанын эм бир Аллахдан башха аллах болмагъанын биз билебиз.

I Коринфлилеге 8:4 Iomraidhean Croise

Марк 12:29

Исса анга: «Битеу фарызладан эм уллусу буду: „Тынгыла, Израиль! Бизни Раббий Аллахыбыз бир Раббийди;

Ишлери 14:15

«Инсанла! Сиз былай нек этесиз? Биз да сизни кибик адамлабыз эмда сиз бу жалгъан затланы къоюп, кёкню да, жерни да, тенгизни да эм битеу алада болгъанланы да жаратхан жашау бериучю Аллахха ийнанып къайтышыгъыз деп, Хайыр Хапарны сизге айтабыз.

Ишлери 15:20

Алагъа уа, идоллагъа берилип харам болгъан ашладан, саякълыкъдан, мурдар ёлген хайуан этден эмда къандан ала кеслерин сакъласынла эмда кеслерине этилирин сюймеген затланы башхалагъа этмесинле деп жазып иерге керекди.

Ишлери 19:26

Аны себепли жангыз Эфесде тюйюл, хазна къалмай битеу Асияда окъуна бу Пауул „Адамла къоллары бла этген аллахла аллах тюйюлдюле“ деп, кёп адамланы ийнандырып къайтышдыргъанын сиз кёресиз эм эшитесиз.

I Коринфлилеге 8:1

Идоллагъа этилген къурманланы этлерини юсюнден биз билебиз; нек десегиз бизни барыбызны да билимибиз барды. Алай а билим адамны эсирик этеди, сюймеклиг’а нюр жанындан ёсдюреди.

I Коринфлилеге 8:10

Нек десенг сен, билиминг болуп тургъанлай, идоллагъа къурман этилген жерде столда олтургъанынгы биреу кёрсе, сора аны къарыусуз жюреги идоллагъа этилген къурманны этин ашаргъа тартмазмы?

I Коринфлилеге 8:11

Сора сени билимингден, Масих аны ючюн ёлген, ийманы къарыусуз къарындаш жоюллукъду!

Галатиялылагъа 4:8

Алгъын, Аллахны билмеген заманыгъызда уа, сиз кертиси бла аллах болмагъан затлагъа къуллукъ этип тургъансыз.

Эфеслилеге 4:6

Барыбызны да Аллахыбыз эм Атабыз бирди, Ол а барыбызгъа да бийлик этеди, барыбызны юсюбюз бла иш этеди эм барыбызда да барды.

I Тимотейге 1:17

Ёмюрлени Патчахына, ёлмезлик, кёрюнмеген, терен акъыллы бир Аллахха уа хурмет да, махтау да ёмюрледен ёмюрлеге болсун! Амин.

I Тимотейге 2:5

Нек десегиз Аллах бирди, Аллахны бла адамланы арасында келечи да бирди, Ол а Адам Масих Иссады.

Яхуда 1:25

Бизни Къутхарыучубуз терен акъыллы бир Аллахха, бизни Раббийибиз Масих Иссаны юсю бла махтау да, уллулукъ да, кюч да, власть да, битеу ёмюрледен алгъа да, энди да эм битеу ёмюрледе да болсун! Амин.