I Коринфлилеге 7:23 - Сыйлы Инжил бла Забур

²³ Сиз уллу багъа бла сатып алыннгансыз: адамлагъа къул болмагъыз.

I Коринфлилеге 7:23 Iomraidhean Croise

Маттай 6:24

Бир киши да эки бийге къуллукъ эталлыкъ тюйюлдю: нек десегиз неда бирин кёрюп боллукъ тюйюлдю, экинчисин а сюерикди; неда бирине кёл саллыкъды, экинчисине уа эс бурлукъ тюйюлдю. Аллахха да, байлыкъгъа да къуллукъ этерге болаллыкъ тюйюлсюз».

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

I Коринфлилеге 6:20

Нек десегиз сиз уллу багъа бла сатып алыннгансыз. Ол себепден чархларыгъыз бла эм нюрлеригиз бла Аллахха махтау салыгъыз. Была Аллахдандыла.

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

Билим Ачханы 5:9

Эмда жангы зикир айтадыла: «Сен тийишлисе китапны алыргъа эм аны юсюнден мухурларын ачаргъа; нек десенг Сен союлгъанса эм Кесинги къанынг бла хар тукъумдан эм хар тилден, хар халкъдан эм хар миллетден бизни Аллахха жулугъанса