I Коринфлилеге 7:22 - Сыйлы Инжил бла Забур

²² Нек десенг Раббийни чакъырыуун алгъан заманында къул болгъан адам, Раббийни азатыды; аны кибик азат болуп чакъырылгъан да Масихни къулуду.

I Коринфлилеге 7:22 Iomraidhean Croise

Римлилеге 1:1

Масих Иссаны къулу, Аллахны Хайыр Хапарын билдирирге сайланып, абустол болургъа чакъырылгъан мен Пауулдан салам!

I Коринфлилеге 7:21

Сен къул болуп чакъырылгъан эсенг да, жунчума; азат болаллыкъ эсенг а, игисинден хайырлан.

I Коринфлилеге 9:19

Ол себепден барындан да азат болуп тургъанымлай, андан да кёп адам табар ючюн кесими барына да къул этгенме.

I Коринфлилеге 9:21

Мен, Аллахны аллында законсуз тюйюл, алай а Масихни Законуну оноуунда болгъанымлай, Закону болмагъанланы табар ючюн Закону болмагъан адамча болгъанма.

Галатиялылагъа 1:10

Мен энди адамланы ыразылыгъынмы, огъесе Аллахны ыразылыгъынмы излейме? Адамланы кёллерине жетергеми кюрешеме? Мен энтда адамланы кёллерине жетсем эди, Масихни къулу болмаз эдим.

Галатиялылагъа 5:1

Алай бла бизге Масих берген азатлыкъда туругъуз эм энтда жангыдан къул болууну боюнсасын боюнугъузгъа такъмагъыз.

Галатиялылагъа 5:13

Азатлыкъгъа чакъырылгъансыз сиз, къарындашла. Сизни бу азатлыгъыгъыз гюняхлы табийгъатыгъызны сюйгенин этерге сылтау болмасын анса; алай а сюймеклик бла бир-биригизге къуллукъ этигиз.

Колослулагъа 4:12

Масих Иссаны къулу, сиз тамамлы болур ючюн эм Аллахны ыразы этген хар затдан толур ючюн, сизни ючюн хар заманда да тилек этип кюрешиучю сизни Эпафрас сизге салам айтады.

Филимоннга 1:16

Аны энди къулнуча тюйюл, къулдан бийик, сюйюлюннген къарындашныча, ызына алырса. Ол манга бек багъалыды, санга уа кеси адамынгча да, Раббийни адамыча да, андан да бек багъалы боллукъду.

I Петер 2:16

Азатлача жашагъыз; азатлыкъны, аман ишлени жашырыр ючюн жюрютгенлеча тюйюл, алай а Аллахны къулларыча жашагъыз.

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

Яхуда 1:1

Масих Иссаны къулу эм Якъупну къарындашы мен Яхудадан, Аллах Ата сыйлы этген, Масих Исса сакълагъан, чакъырылгъанлагъа салам болсун!