I Коринфлилеге 6:9 - Сыйлы Инжил бла Забур

⁹ Неда тюзлюклю болмагъанла Аллахны Патчахлыгъындан юлюшлю болмазлыкъларын билмеймисиз? Алданмагъыз: не саякъ жюрюучюле, не идоллагъа табыныучула, не зийначыла, не эр киши бла жатышыучу эр кишиле,

I Коринфлилеге 6:9 Iomraidhean Croise

Маттай 19:29

Эмда Мени атым ючюн юйлерин, неда къарындашларын, неда эгечлерин, неда атасын, неда анасын, неда къатынын, неда сабийлерин, неда жерлерин ким къойса да, жюз кере артыкъ аллыкъды эм ёмюрлюк жашаудан юлюшлю боллукъду.

Маттай 25:34

Ол заманда Патчах Кесини онг жанындагъылагъа: „Келигиз, Атамы алгъышлылары, дуния жаратылгъандан бери сизге хазырланып тургъан Патчахлыкъгъа ие болугъуз.

Лука 21:8

Ол алагъа: «Сакъ болугъуз, сизни бир киши да жангылтмасын. Нек десегиз „(Масих) менме“ эмда „Заман келгенди“ деп, кёпле Мени атым бла келликдиле. Аланы ызларындан бармагъыз.

Ишлери 20:32

Энди уа къарындашла, сизни Аллахха эм Аны шафауатыны сёзюне аманат этеме, ол сёз а сизни кючлендираллыкъды эмда сизге битеу сыйлы болгъанла бла юлюш берирге болаллыкъды.

Ишлери 24:25

Пауул тюзлюкню юсюнден, кесинги тыйыуну юсюнден эм къыямат кюн боллукъ сюдню юсюнден айтханы себепли уа, Феликсге къоркъуу тюшдю эм: «Энди бар, заман тапсам а, сени чакъыртырма», – деп жууап этди.

Римлилеге 1:18

Хакъ кертиге аманлыкъ бла чырмау этген адамланы битеу аллахсызлыкъларына бла аманлыкъларына къажау кёкден Аллахны чамланыуу ачылады.

I Коринфлилеге 15:33

Алданмагъыз: «Аман нёгерле иги адетлени бузадыла».

I Коринфлилеге 15:50

Алай а муну сизге айтайым, къарындашла, эт бла къан Аллахны Патчахлыгъындан юлюшлю болаллыкъ тюйюлдюле эм чиририк, чиримезликден юлюшлю тюйюлдю.

I Коринфлилеге 3:16

Сиз Аллахны юйю болгъаныгъызны эм Аллахны Нюрю сизде жашагъанын билмеймисиз?

I Коринфлилеге 5:1

Сизде мажюсюледе окъуна эшитилмеген аллай бир саякълыкъ чыкъгъанды, биреу къатыныны орунуна кесини атасыны къатынын жюрютеди деген керти хапар барды.

I Коринфлилеге 5:10

Алай а бу дунияны саякъ неда жут адамлары бла, неда жыртхычлары бла, неда идоллагъа табыныучулары бла тюбешмегиз деп айтмайма. Нек десегиз алайсыз сизге бу дуниядан чыгъаргъа керек болур эди!

I Коринфлилеге 5:11

Мен а сизге: къарындаш аталып, саякълыкъда, неда жутлукъда, неда идоллагъа табыныучулукъда, неда ачы тиллиликде, неда ичгичиликде, неда жыртхычлыкъда къалгъан адам бла тюбешмегиз, аллай адам бла бирге ашагъан да этмегиз деп жазгъан эдим.

I Коринфлилеге 6:10

Не гудучула, не жутла, не ичгичиле, не ачы тиллиле, не жыртхычла Аллахны Патчахлыгъындан юлюшлю боллукъ тюйюлдюле.

I Коринфлилеге 6:18

Саякълыкъдан къачыгъыз; адам этген хар гюнях чархындан тышындады, саякъ а кесини чархына къажау гюнях этеди.

I Коринфлилеге 6:19

Сизни чархларыгъыз, сиз Аллахдан алгъан, Ол сизде жашагъан Сыйлы Нюрню юйю болгъанын эмда сиз кесигизге ие болмагъаныгъызны билмеймисиз?

I Коринфлилеге 9:24

Стадионда чапханла бары да чабып, саугъа уа биреу алгъанын билмеймисиз? Сиз саугъа алырча чабыгъыз!

II Коринфлилеге 12:21

Энтда келген заманымда, мени Аллахым мени, сизни аллыгъызда ыйлыкъдырыр эм алгъын гюнях этип, этген харамлыкъларындан, саякълыкъларындан, адепсизликлеринден тобагъа къайтышмагъан кёп адам ючюн мен жиляу этерме деп къоркъама.

Галатиялылагъа 6:7

Ажашмагъыз, Аллахны алдаргъа амал жокъду. Адам не сепсе, аны орур:

Колослулагъа 3:5

Алай бла, бу дуниядагъы гюняхлы санларыгъызны ишлерин: саякълыкъны, харамлыкъны, тыйгъысызлыкъны, аман кюсеулени эмда ол идолгъа табыныу болгъан жутлукъну ёлю этигиз.

Чюйютлелеге 12:14

Битеу адамла бла жарашыулу жашаргъа эмда сыйлы болургъа кюрешигиз; сыйлы болмаса, бир киши да Раббийни кёрлюк тюйюлдю.

Чюйютлелеге 12:16

Сизни арагъызда бир тюрлю саякъ неда Эсауча Аллахдан узакъ болгъан адам болмасын. Эсау бир ашарыкъ ючюн кесини тюнгюч эркинлигин сатханды.

Чюйютлелеге 13:4

Некях барыгъызда да багъалы кёрюлсюн эмда жатхан жеригиз айыпсыз болсун; саякълагъа бла зийначылагъа уа Аллах сюд этерикди.

Якъуп 1:16

Сюйюлюннген къарындашларым, алданмагъыз:

I Ахия 3:7

Сабийле! Сизни бир киши да терилтмесин. Масих тюзлюклю болгъаны кибик, тюзлюк этген адам да тюзлюклюдю.

Билим Ачханы 21:8

Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.

Билим Ачханы 22:15

Ит адамла эм хыйнычыла, саякъ адамла эм мурдарла, идоллагъа табыныучула эм ётюрюкню сюйюучю эм этиучю хар адам шахардан тышындадыла.