I Коринфлилеге 6:2 - Сыйлы Инжил бла Забур

² Сыйлыла бу дуниягъа сюд этериклерин билмеймисиз? Дуниягъа сюдню сиз этерик эсегиз, сора сиз магъанасы аз ишлеге сюд этерге тийишли къалай тюйюлсюз?

I Коринфлилеге 6:2 Iomraidhean Croise

Забур 49:14

Аллахха къурманнга махтау келтир эмда Уллу Аллахха этген нюзюрлеринги толтур

Маттай 19:28

Исса уа алагъа: «Кертисин айтама сизге: сиз, Мени ызымдан тебирегенле, дунияны жангыргъанында, Адам Улу Кесини махтаулу тахтасына олтургъан заманында, сиз да онеки тахтада, Израильни онеки тукъумуна сюд этерге олтурлукъсуз;

Лука 22:30

Мени Патчахлыгъымда Мени столумда ашарыкъсыз эм ичериксиз эмда Израильни онеки тукъумуна сюд этерге тахталада олтурлукъсуз», – деди.

Римлилеге 6:16

Сиз, кимге боюн салып, кесигизни кимни айтханын этерге къулгъа бере эсегиз, аны къуллары болгъаныгъызны билмеймисиз? Не ёлюм келтирген гюняхны къулларысыз, неда тюзлюклюлюк келтирген боюн салыуну къулларысыз.

I Коринфлилеге 1:20

Къайдады акъылман? Къайдады алим? Къайдадыла бу ёмюрню философлары? Аллах бу дунияны акъылманлыгъы акъылсызлыкъ болгъанын кёргюзтмегенмиди?

I Коринфлилеге 1:21

Нек десегиз Аллахны акъылманлыгъына кёре, бу дуния кесини акъылманлыгъы бла Аллахны танымагъаны себепли, Аллах ийнаннганланы, акъылсызлыкъгъа саналгъан хапар бла къутхарыргъа тап кёргенди.

I Коринфлилеге 6:4

Сиз а, жашауда сюдлюк ишлеригиз болгъан заманда, жамауатда магъанасы болмагъанланы кесигизге сюдюлеге саласыз.

II Коринфлилеге 4:18

Биз кёрюннген затлагъа тюйюл, кёрюнмегенлеге къарайбыз. Нек десегиз кёрюннген затла бир кезиуге деридиле, кёрюнмегенле уа ёмюрлюкгедиле.

I Фесалоникачылагъа 3:13

Раббийибиз Масих Исса, сизни жюреклеригизни кючлендирип, битеу сыйлылары бла келишинде Атабыз Аллахны аллында сыйлылыкъда айыпсыз этсин. Амин.

Билим Ачханы 20:4

Сора мен тахталаны да, алада олтургъанланы да кёрдюм. Сюд этерге алагъа эркинлик берилген эди. Иссагъа этген шагъатлыкълары эм Аллахны Сёзю ючюн башлары кесилгенлени жанларын да кёрдюм. Ала уа жаныуаргъа да, аны суратына да сежда этмеген эдиле эм аны тамгъасын не кеслерини мангылайларына, не къолларына къабыл этмеген эдиле. Ала тирилдиле эм Масих бла бирге минг жыл патчахлыкъ этдиле.

Билим Ачханы 3:21

Мен хорлап, Атамы биргесине Аны тахтасында олтургъаным кибик, хорлагъаннга да Мени биргеме Мени тахтамда олтурургъа эркинлик берликме.