I Коринфлилеге 5:8 - Сыйлы Инжил бла Забур

⁸ Ол себепден эски ачытхыч бла, аман къылыкъ эм хыйлачылыкъ ачытхыч бла угъай, алай а таза жюреклиликни эм тюз ниетлиликни мыстысыз ётмеклери бла байрам этейик.

I Коринфлилеге 5:8 Iomraidhean Croise

Забур 32:2

Раббийге сазла бла махтау салыгъыз, он къыллы къобуз бла Анга зикир айтыгъыз.

Забур 42:4

Сора Аллахны къурман ташыны къатына, мени къууандырыучу эм сюйюндюрюучю Аллахыма барлыкъма эмда Санга сазла бла махтау саллыкъма, Аллах, эй Аллахым!

Маттай 16:12

Ол заманда ала, Ол алагъа ётмек ачытхычдан тюйюл, фарисейлени бла садукейлени окъууларындан кеслерин сакъласынла деп айтханын ангыладыла.

Маттай 16:6

Исса алагъа: «Къарагъыз, фарисейлени бла садукейлени ачытхычларындан кесигизни сакълагъыз!» – деди.

Марк 8:15

Ол а алагъа: «Къарагъыз, фарисейлени ачытхычларындан бла Иродну ачытхычындан кесигизни сакълагъыз», – деп къаты айтды.

Лука 12:1

Ол заманда халкъ, мингле бла жыйылып, алай бла бир бирлерин тар этгенде, Исса алгъа Кесини сохталарына былай айтып башлады: «Фарисейлени ачытхычларындан кесигизни сакълагъыз, ол да эки бетлиликди.

Ахия 1:47

Исса, Натанелни Анга келе тургъанын кёрюп, аны юсюнден: «Ма, аны хыйлалыгъы болмагъан, керти израильчи!» – деди.

I Коринфлилеге 3:3

Не ючюн десегиз сиз алыкъа гюняхлы табийгъатыгъызгъа кёре жашайсыз. Сизни арагъызда зарлыкъ, даулашыула эм келишмеулюкле бар эселе, сора сиз гюняхлы табийгъатыгъызгъа кёре жашагъанла эмда адамланы адетлерин этгенле тюйюлмюсюз?

I Коринфлилеге 5:1

Сизде мажюсюледе окъуна эшитилмеген аллай бир саякълыкъ чыкъгъанды, биреу къатыныны орунуна кесини атасыны къатынын жюрютеди деген керти хапар барды.

I Коринфлилеге 5:6

Сизни махтаныр затыгъыз жокъду. Аз ачытхыч битеу тылыны ачытханын билмеймисиз?

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

II Коринфлилеге 2:17

Нек десегиз биз, кёплеча, Аллахны сёзюн кесибизге файда болур ючюн жюрютюучюле тюйюлбюз, алай а Аллах ийгенле, Масихникиле болуп, Аллахны аллында таза жюрекден айтабыз.

II Коринфлилеге 8:8

Муну уа буйрукъча айтмайма, алай а башхаланы къадалып этгенлери бла сизни сюймеклигигизни таза жюрекден болгъанын сынайма.

Эфеслилеге 6:24

Аллахны шафауаты бизни Раббийибиз Масих Иссаны таймай сюйгенлени барысы бла да болсун. Амин.

I Петер 4:2

Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.