I Коринфлилеге 5:11 - Сыйлы Инжил бла Забур

¹¹ Мен а сизге: къарындаш аталып, саякълыкъда, неда жутлукъда, неда идоллагъа табыныучулукъда, неда ачы тиллиликде, неда ичгичиликде, неда жыртхычлыкъда къалгъан адам бла тюбешмегиз, аллай адам бла бирге ашагъан да этмегиз деп жазгъан эдим.

I Коринфлилеге 5:11 Iomraidhean Croise

Забур 10:3

Мурдорла оюлгъан заманда, тюзлюклю не этерикди?» – деп къалай айтасыз?

Забур 101:5

Мени жюрегим бузулгъанды эм кырдыкча къуругъанды, мен ётмегими ашаргъа да унутуп къояма.

Маттай 18:17

Алагъа да тынгыламаса уа, жамауатха айт; жамауатха да тынгыламаса уа, сора ол санга, мажюсюча эм жасакъ жыйыучуча болсун.

Маттай 23:25

Сизге палах, дин алимле бла фарисейле, эки бетлиле! Аякъны бла табакъны тышын тазалайсыз, аланы ичлери уа урлаудан бла тыйгъысызлыкъдан толуп турады.

Лука 18:11

Фарисей, туруп, кеси-кесинден: „Аллах! Мен, башха адамлача тонаучу, ётюрюкчю, зийна этиучю неда бу жасакъ жыйыучуча болмагъаным ючюн, Санга шукур этеме.

Лука 21:34

Кесигизге сакъ болугъуз, сизни жюреклеригиз артыкъ ашаудан, ичгичиликден, жашау къайгъыладан ауурланмасынла эмда ол кюн сизге билмей тургъаныгъызлай келмесин.

Ишлери 1:15

Ол кюнледе Петер, жюз жыйырма чакълы сохта жыйылгъан бир жыйылыуну арасында туруп:

Ишлери 9:17

Ханания, барып, ол юйге кирди, сора Шауулну юсюне къолларын салып: «Шауул къарындашым! Сени келген жолунгда, санга кёрюннген Раббий Исса, сени кёзлеринг кёрюр эмда сен Сыйлы Нюрден толур ючюн мени санга ийгенди», – деди.

Римлилеге 13:13

Не тойгъа-оюннга эм ичгичиликге, не хаулеликге эм адепсизликге, не къаугъалагъа эм зарлыкъгъа кесибизни бермегенлей, кюндюзгю кюндеча, кесибизни иги низам бла тутайыкъ.

Римлилеге 16:17

Къарындашла, сизден тилейме, ол сиз юйреннген окъуугъа къарамагъанлай, сизни арагъызда айырылыула чыгъаргъанладан эм чырмау этгенледен кесигизни сакълагъыз эм аладан бир жанына туругъуз.

I Коринфлилеге 10:14

Алай бла, сюйюлюннгенлерим, идоллагъа табыныудан къачыгъыз.

I Коринфлилеге 11:21

Нек десегиз хар ким башхаладан алгъа кесини ашын ашаргъа ашыгъады, алай бла биреу ач къалады, башхасы уа эсиреди.

I Коринфлилеге 5:13

Тыш адамлагъа уа сюд Аллах этеди. Алай бла, аман адамны арагъыздан чыгъарып атыгъыз.

I Коринфлилеге 6:10

Не гудучула, не жутла, не ичгичиле, не ачы тиллиле, не жыртхычла Аллахны Патчахлыгъындан юлюшлю боллукъ тюйюлдюле.

I Коринфлилеге 6:6

Алай а къарындаш къарындаш бла сюдюге киреди, иймансызланы аллында окъуна!

I Коринфлилеге 6:9

Неда тюзлюклю болмагъанла Аллахны Патчахлыгъындан юлюшлю болмазлыкъларын билмеймисиз? Алданмагъыз: не саякъ жюрюучюле, не идоллагъа табыныучула, не зийначыла, не эр киши бла жатышыучу эр кишиле,

I Коринфлилеге 7:12

Болсада Раббий угъай, мен айтама: къарындашны къатыны ийманлыладан тюйюл эсе, ол къатын а аны бла жашаргъа ыразы эсе, ол къарындаш аны къоймасын.

I Коринфлилеге 7:15

Ийманлы болмагъан айырылыргъа сюе эсе уа, айырылсын. Алай эсе къарындаш неда эгеч байламлы тюйюлдюле. Бизни жарашыулукъгъа чакъыргъанды Аллах.

I Коринфлилеге 8:11

Сора сени билимингден, Масих аны ючюн ёлген, ийманы къарыусуз къарындаш жоюллукъду!

Галатиялылагъа 2:12

Нек десегиз бир къауумла Якъупдан келгинчиге дери, Петер башха миллетлиле бла бирге ашап тургъан эди. Ала келгенде уа, сюннетлиледен къоркъуп, бугъунуп эм къатышмай, бир жанына туруп башлагъан эди.

Эфеслилеге 5:18

Эм чагъыр ичип эсирмегиз, нек десегиз андан хаулелик болады; алай а Сыйлы Нюрден толугъуз,

Эфеслилеге 5:5

Нек десегиз бир тюрлю саякъ, неда харам адамны, неда идоллагъа табыныучу бла бирча болгъан жыртхыч адамны, Масихни эмда Аллахны Патчахлыгъындан юлюшю болмагъанын билигиз.

Колослулагъа 3:5

Алай бла, бу дуниядагъы гюняхлы санларыгъызны ишлерин: саякълыкъны, харамлыкъны, тыйгъысызлыкъны, аман кюсеулени эмда ол идолгъа табыныу болгъан жутлукъну ёлю этигиз.

II Фесалоникачылагъа 3:14

Бу жазып ийгенибизде бизни сёзюбюзге тынгыламагъан ким болсада, аны эсге алып къоюгъуз эм аны уялтыр ючюн аны бла шуёхлукъ жюрютмегиз.

II Фесалоникачылагъа 3:6

Раббийибиз Масих Иссаны аты бла, къарындашла, сизге фарыз этебиз, сиз бизден эшитген юйрениуню тутмай, ишлемей бош айланнган хар къарындашдан узакъ болугъуз.

I Тимотейге 3:3

Ичгичи болмагъан, тюйюшюучю болмагъан, кесине хайырны сюйюучю болмагъан, алай а тынч, жарашыулукъну сюйюучю, ахча сюйюучю болмагъан,

I Тимотейге 6:5

Хакъ кертиден узакъ болгъан, бузукъ акъыллы адамланы арасында керексиз даулашыула чыгъадыла. Ала Аллахны жолун жаланда кеслерине файда тюшюрюр ючюн жюрютедиле. Аллайладан узакъ бол.

II Ахия 1:10

Сизге келип, бу юйретиуню келтирмеген адамны юйге алмагъыз эм анга салам бермегиз.

Билим Ачханы 2:14

Алай а санга къажау айтыр бир аз затым да барды: сизни арагъызда Биламны юйретиуюн тутханла бардыла. Ол, Израил улуланы терилтип, алагъа идоллагъа этилген къурманланы этлерин ашатыргъа эм аланы саякъ этерге Балакъны юйретгенди.

Билим Ачханы 2:20

Алай а санга къажау айтыр затым да барды: сен кесине файгъамбар атагъан къатын Изабелни, Мени къулларымы саякълыкъ этерге эм идоллагъа этилген къурманланы этлерин ашаргъа юйретирге эм ажашдырыргъа бошлап къояса.

Билим Ачханы 21:8

Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.

Билим Ачханы 22:15

Ит адамла эм хыйнычыла, саякъ адамла эм мурдарла, идоллагъа табыныучула эм ётюрюкню сюйюучю эм этиучю хар адам шахардан тышындадыла.