I Коринфлилеге 5:1 - Сыйлы Инжил бла Забур

¹ Сизде мажюсюледе окъуна эшитилмеген аллай бир саякълыкъ чыкъгъанды, биреу къатыныны орунуна кесини атасыны къатынын жюрютеди деген керти хапар барды.

I Коринфлилеге 5:1 Iomraidhean Croise

Ишлери 15:20

Алагъа уа, идоллагъа берилип харам болгъан ашладан, саякълыкъдан, мурдар ёлген хайуан этден эмда къандан ала кеслерин сакъласынла эмда кеслерине этилирин сюймеген затланы башхалагъа этмесинле деп жазып иерге керекди.

Ишлери 15:29

Идоллагъа берилип харам болгъан ашладан, къандан, мурдар ёлген хайыуан этден эмда саякълыкъдан кесигизни сакъларгъа эмда кесигизге этилирин сюймеген затланы башхалагъа этмезге керексиз. Бу жорукъланы тутсагъыз, иги этериксиз. Сау болугъуз», – деп жазып ийдиле.

I Коринфлилеге 1:11

Нек десегиз, къарындашларым, сизни арагъызда даулашыула болгъаны, Хлойну юйдегилеринден манга билдирилгенди.

I Коринфлилеге 5:11

Мен а сизге: къарындаш аталып, саякълыкъда, неда жутлукъда, неда идоллагъа табыныучулукъда, неда ачы тиллиликде, неда ичгичиликде, неда жыртхычлыкъда къалгъан адам бла тюбешмегиз, аллай адам бла бирге ашагъан да этмегиз деп жазгъан эдим.

I Коринфлилеге 6:13

Аш къарын ючюндю, къарын да аш ючюндю; алай а Аллах аланы экисин да жокъ этерикди, чархларыбыз а саякълыкъ ючюн тюйюл, Раббий ючюндю, Раббий да чарх ючюндю.

I Коринфлилеге 6:18

Саякълыкъдан къачыгъыз; адам этген хар гюнях чархындан тышындады, саякъ а кесини чархына къажау гюнях этеди.

I Коринфлилеге 6:9

Неда тюзлюклю болмагъанла Аллахны Патчахлыгъындан юлюшлю болмазлыкъларын билмеймисиз? Алданмагъыз: не саякъ жюрюучюле, не идоллагъа табыныучула, не зийначыла, не эр киши бла жатышыучу эр кишиле,

II Коринфлилеге 12:21

Энтда келген заманымда, мени Аллахым мени, сизни аллыгъызда ыйлыкъдырыр эм алгъын гюнях этип, этген харамлыкъларындан, саякълыкъларындан, адепсизликлеринден тобагъа къайтышмагъан кёп адам ючюн мен жиляу этерме деп къоркъама.

II Коринфлилеге 2:5

Жанымы къыйнагъан а мени жанымы къыйнамагъанды, алай а, бир жанындан, кётюртюп айтмаз ючюн, сизни барыгъызны да жаныгъызны къыйнагъанды.

II Коринфлилеге 7:12

Алай бла, мен сизге жазгъан эсем, сора жаннга тийген адам ючюн эм кёлкъалды болгъан адам ючюн жазмагъанма, алай а сизни къайгъыгъызны этгенибиз Аллахны аллында сизге ачыкъ болур ючюн жазгъанма.

Галатиялылагъа 5:19

Адамны гюняхлы табийгъатыны ишлери белгилидиле. Ала: зийначылыкъ, саякълыкъ, харамлыкъ, адепсизлик,

Эфеслилеге 5:3

Саякълыкъны эм хар тюрлю харамлыкъны эм жыртхычлыкъны сизде атлары айтылыргъа окъуна жарарыкъ тюйюлдю, была сыйлылагъа тийишли ишле тюйюлдюле.

Колослулагъа 3:5

Алай бла, бу дуниядагъы гюняхлы санларыгъызны ишлерин: саякълыкъны, харамлыкъны, тыйгъысызлыкъны, аман кюсеулени эмда ол идолгъа табыныу болгъан жутлукъну ёлю этигиз.

I Фесалоникачылагъа 4:7

Нек десегиз Аллах бизни харамлыкъгъа тюйюл, сыйлы жашаугъа чакъыргъанды.

Билим Ачханы 2:21

Аны саякълыкъ этиуюнден тобагъа къайтышыргъа Мен анга заман бергенме, алай а ол тобагъа къайтышыргъа унамайды.

Билим Ачханы 21:8

Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.