I Коринфлилеге 4:6 - Сыйлы Инжил бла Забур

⁶ Къарындашла, сиз Китапда жазылгъандан артыкъ ойлашып кюрешмезге бизден юйренигиз эм биригиз-биригизден кесигизни уллугъа кётюрмегиз деп, мен сизни ючюн бу затланы кесиме бла Аполлосха жорукъ этгенме.

I Коринфлилеге 4:6 Iomraidhean Croise

Забур 146:3

Ол жюреклери сыннганланы сау этеди, аланы къайгъыларына багъады.

Забур 8:4

Мен Сени кёклеринге – Сени бармакъларынгы ишине, Сен салгъан айгъа бла жулдузлагъа къарагъан заманымда,

Ишлери 18:24

Бу кезиуде, Аскендирияда туугъан, Аполлос атлы бир иудейли Эфесге келген эди. Ол ариу сёзлю, Сыйлы Китапладан кёп билими болгъан адам эди.

Ишлери 19:1

Аполлос Коринфде тургъан заманда, Пауул, огъаргъы къыраллада айланып, Эфесге келди эм анда бир къауум сохтала табып,

Римлилеге 12:3

Аллах манга берген шафауатха кёре, сизни хар биригизге да айтама: кеси юсюгюзден кереклисинден кёп ойлашмагъыз; алай а Аллах хар биригизге да юлешип берген ийманыгъызны мардасына кёре эслилик бла ойлашыгъыз.

I Коринфлилеге 1:12

Айтханым буду: сизни хар биригиз да: «Мен Пауулнукъума», «Мен Аполлоснукъума», «Мен Кефаныкъыма», «Мен а Масихникиме», – деп айтады.

I Коринфлилеге 1:19

Нек десегиз Китапда: «Акъылманланы акъылманлыкъларын жоярма, оюмлуланы да оюмларын бузарма», – деп жазылгъанды.

I Коринфлилеге 1:31

Аны ючюн, Китапда жазылгъаны кибик: «Махтаннган Раббий бла махтансын».

I Коринфлилеге 13:4

Сюймеклик кёп тёзюмлюдю, хатерлиди, сюймеклик зарланмайды, сюймеклик кесин ёрге кётюрмейди, ёхтемлик этмейди,

I Коринфлилеге 3:19

Нек десегиз бу дунияны акъылманлыгъы Аллахны аллында акъылсызлыкъды. Китапда жазылгъаны кибик: «Аллах акъылманланы аланы хыйлачылыкълары бла тутады».

I Коринфлилеге 3:21

Алай бла бир киши да адамла бла махтанмасын; нек десегиз бары да сизнидиле:

I Коринфлилеге 5:2

Сиз а ёхтемленнгенсиз! Андан эсе жилясагъыз иги эди. Аллай ишни этген адам арагъыздан къысталсын.

I Коринфлилеге 5:6

Сизни махтаныр затыгъыз жокъду. Аз ачытхыч битеу тылыны ачытханын билмеймисиз?

I Коринфлилеге 8:1

Идоллагъа этилген къурманланы этлерини юсюнден биз билебиз; нек десегиз бизни барыбызны да билимибиз барды. Алай а билим адамны эсирик этеди, сюймеклиг’а нюр жанындан ёсдюреди.

I Коринфлилеге 9:23

Быланы барын да Хайыр Хапарны жайыуну ишине къатышыр мурат бла, Хайыр Хапар ючюн этеме.

II Коринфлилеге 10:12

Нек десегиз кеслери-кеслерин кёргюзтюрге кюрешгенле бла биз кесибизни келишдирип неда тенглешдирип къараргъа базынмайбыз. Ала кеслерин – кеслери бла ёлчелеп тенглешдириулери бла оюмсузлукъ этедиле.

II Коринфлилеге 10:15

Биз, мардабызны билмей, башхаланы урунуулары бла махтанмайбыз, алай а сизни ийманыгъызны ёсюую бла сизни арагъызда ишлер жерибизни дагъыда бек кенгертирге умут этебиз.

II Коринфлилеге 10:7

Адамны тыш сыфатынамы къарайсыз? Мен Масихникиме деп, кесине толу ийнаннган ол кеси-кесинден, ол Масихники болгъаны кибик, биз да Масихникиле болгъаныбызны ойлашсын.

II Коринфлилеге 11:4

Нек десегиз ким болсада биреу, сизге келип, биз сизге билдирмеген башха Иссаны билдирип башласа, неда сиз алгъын алмагъан башха нюр алсагъыз неда сиз къабыл этмеген башха хайыр хапарны къабыл этсегиз, сиз анга бек иги тёзесиз.

II Коринфлилеге 12:19

Алыкъа биз жаланда сизни аллыгъызда кесибизни ариулагъанмы сунасыз? Биз муну, Масихникиле болуп, Аллахны аллында айтабыз. Была бары да, сюйюлюннгенле, сиз ийманда кючленир ючюндюле.

II Коринфлилеге 12:20

Нек десегиз мен сизге келсем, сизни мен жаратмагъанла болуп табарма эм сиз да мени сиз жаратмагъан болуп табарсыз: сизде къаугъала, зарлыкъла, ачыуланыула, даулашыула, сёз этиуле, тилчиликле, ёхтемликле, низамсызлыкъла табарма деп къоркъама.

II Коринфлилеге 12:6

Алай а, махтаныргъа сюйсем да, акъылсыз боллукъ тюйюлме, нек десегиз тюзюн айтырыкъма. Алай болсада, бир киши да мени, кёргенинден неда эшитгенинден уллугъа санамаз ючюн, мен кесими тыйып турама.

II Коринфлилеге 4:15

Быланы бары да сизни ючюндю, алай бла Аллахны шафауаты жайылып, дагъыда кёп адамгъа жетип, Аллахха дагъыда кёп махтау салыныр эм шукур этилир ючюндю.

Колослулагъа 2:18

Бир киши да кеси аллына сабыр акъыллылыкъ этиую бла эм мёлеклеге табыныуу бла, зауукъланып, кесини кёрген кёрюнюулерине ышанып эмда кесини табийгъат акъылы бла керексиз ёхтемленип, сизни терилтип, аллыкъ саугъагъыздан къуру къалдырмасын.

I Фесалоникачылагъа 1:5

Нек десегиз бизни сизге Хайыр Хапарны жайгъаныбыз жаланда сёз бла болуп къалмагъанды, алай а кюч бла эм Сыйлы Нюр бла эм толу ышаныу бла болгъанды; биз сизни ючюн сизни арагъызда къалай болгъаныбызны сёзсюз сиз кесигиз билесиз.

II Тимотейге 2:10

Ол себепден Аллах сайлагъанла, Масих Исса алагъа берлик къутхарыуну эм ёмюрлюк махтауну алсынла деп, ала ючюн хар неге да тёземе.