I Коринфлилеге 4:5 - Сыйлы Инжил бла Забур

⁵ Ол себепден, Раббий келгинчи, замандан алгъа бир тюрлю сюд да этмегиз. Ол а къарангыда жашырылгъанланы жарыкъгъа чыгъарыр эм адамланы жюреклериндеги ниетлерин ачыкъ этер. Ол заманда уа хар кимге да махтау Аллахдан болур.

I Коринфлилеге 4:5 Iomraidhean Croise

Маттай 10:26

«Ол себепден аладан къоркъмагъыз; нек десегиз ачылмазлыкъ бир жашырын зат жокъду, билинмей къаллыкъ тасха да жокъду.

Маттай 24:30

Ол заманда кёкде Адам Улуну илишаны кёрюнюрюкдю; ол заманда битеу жерни халкълары жилярыкъдыла, Адам Улуну, уллу къудурети бла эм аламатлыгъы бла кёк булутланы юсюнде келгенин кёрлюкдюле.

Маттай 24:46

Аны бийи, келип, аны алай эте тургъанлай тапса, ол къул насыплыды.

Маттай 25:21

Аны бийи анга: „Игиди, ышаннгылы, ахшы къулум! Аз мюлкде тюз болгъанса, сени кёп мюлкге баш этип салырма; бийинги къууанчына къошул“ дегенди.

Маттай 25:23

Аны бийи анга: „Игиди, ышаннгылы, ахшы къулум! Аз мюлкде тюз болгъанса, сени кёп мюлкге баш этип салырма; бийинги къууанчына къошул“ дегенди.

Лука 6:37

«Терслемегиз, сиз да терсленмезсиз; айыпламагъыз, сиз да айыпланмазсыз; кечигиз, сиз да кечилирсиз.

Ахия 21:22

Исса анга: «Аны Мен келгинчи жашарын сюе эсем, андан санга не? Сен Мени ызымдан кел», – деди.

Ахия 21:23

Сора „ол сохта ёллюк тюйюлдю“ деген сёз къарындашланы арасында жайылды. Исса уа анга: «Ёллюк тюйюлдю», – демеген эди, алай а: «Аны Мен келгинчи жашарын сюе эсем, андан санга не?» – деген эди.

Ахия 5:44

Сиз бир-биригизден махтау аласыз, бир Аллахдан болгъан махтауну уа излемейсиз, сора сиз Манга къалай ийнаналлыкъсыз?

Римлилеге 14:4

Кимсе сен, башханы къулун терслеген? Къулну ариулагъан да, терсге санагъан да кесини бийиди. Эмда къул тюз болуп чыгъарыкъды, нек десенг аны ариуларгъа Аллахны кючю барды.

Римлилеге 2:1

Алай бла сен, ким да бол, башханы терслеучю адам, кечгинликли тюйюлсе. Нек десенг башханы не терслик бла терслей эсенг, кесинги да ол терслик бла терслейсе; не ючюн десенг, башханы терслеп, кесинг да аны этесе.

Римлилеге 2:16

Мен билдирген Хайыр Хапаргъа кёре, Аллах Масих Иссаны юсю бла адамланы таша ишлерине сюд этерик кюнюнде алай боллукъду.

Римлилеге 2:29

Алай а ол ичинден иудейли болгъан иудейлиди эм сюннетлилик да жазылгъан жорукъла бла тюйюл, жюрекде, нюр бла этилген сюннетлиликди. Анга уа махтау адамладан тюйюлдю, Аллахданды.

Римлилеге 2:7

Тохтамай игилик этип, махтау, хурмет эм ёлюмсюзлюк излегенлеге ёмюрлюк жашау берир;

I Коринфлилеге 1:7

Алай бла, сиз Раббийибиз Масих Иссаны келлигин сакълауугъузгъа кёре, сизни бир тюрлю фахмудан да кемлигигиз жокъду.

I Коринфлилеге 11:16

Даулашыргъа сюйген адам бар эсе уа, не бизни, не Аллахны жамауатларыны аллай адети жокъду.

I Коринфлилеге 11:26

Сиз, бу ётмекни ашагъан эм бу аякъны ичген хар кезиуде, Раббий келгинчиге дери Раббийни ёлгенин билдирип турасыз.

I Коринфлилеге 15:23

Хар ким кесини кезиуюнде: биринчи тиргизилген Масихди, андан сора Аны келген заманында Масихникиле тиргизилликдиле.

I Коринфлилеге 3:13

Хар кимни иши ачыкъ болур, нек десегиз къыямат кюн аны кёргюзтюр. Хар кимни иши от бла ачыкъ болур, хар ишни къаллай болгъанын от сынар.

I Коринфлилеге 3:14

Кимни ишлеген иши чыдаса, ол саугъа алыр.

I Коринфлилеге 3:8

Орнатыучу бла сугъарыучу уа бирдиле, алай а хар бири да кесини урунуууна кёре саугъа аллыкъды.

II Коринфлилеге 10:18

Нек десегиз махтау тийишли, кеси-кесин махтагъан адам тюйюлдю, алай а Раббий кимни махтай эсе олду.

II Коринфлилеге 10:9

Алай а, мен сизни жазып ийгенлерим бла къоркъутургъа кюрешген сунмагъыз.

II Коринфлилеге 4:2

Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

II Коринфлилеге 5:10

Нек десегиз биз, чархыбызда жашагъан заманыбызда, ахшылыкъ неда аманлыкъ этгенибизге кёре тийишлисин алыр ючюн, хар бирибиз да Масихни сюдюню аллында кёрюнюрге керекбиз.

I Фесалоникачылагъа 5:2

Нек десегиз Раббийни кюню, кече гудучу келген кибик алай келлигин, сиз кесигиз ишексиз билесиз.

Чюйютлелеге 4:13

Эм жаратылгъанлада Аллахдан жашырылгъан зат жокъду, алай а Аны кёзлерини аллында хар неда жаланды эм ачыкъды: Анга жууап берликбиз.

Якъуп 4:11

Къарындашла, бир-биригизни аманламагъыз. Къарындашын аманлагъан неда къарындашын терслеген адам Тауратны аманлайды эм Тауратны терслейди. Сен Тауратны терслей эсенг а, сора сен Тауратны толтуруучу тюйюлсе, анга сюдюсе.

Якъуп 5:7

Алай бла къарындашла, Раббий келгинчи кёп тёзюмлю болугъуз. Ма, жерге урунуучу, эртте жауун эмда кеч жауун алгъынчы, жерни багъалы тирлигин къаллай тёзюмлюк бла сакълайды!

Якъуп 5:9

Къарындашла, айыпха тюшмез ючюн, бир-биригизден тарыкъмагъыз: ма, Хукмучу эшиклени къатында турады.

I Петер 1:7

Алай бла сизни сыналгъан ийманыгъыз Масих Иссаны келлик заманында сизге махтау, хурмет эм уллулукъ тапдырыр. Ол ийманыгъыз от бла сыналгъан эсе да жоюлгъан алтындан да багъалыды.

I Петер 5:4

Сюрюучюлени Башчысы келген заманда уа, сиз мууал болмазлыкъ махтау таж алырсыз.

II Петер 3:12

Аллахны кюнюню келирин сюйюп сакълап ашыкъдыргъанла? Ол кюнде уа къабындырылгъан кёкле бузуллукъдула эм табийгъатны затлары жанып эририкдиле.

II Петер 3:4

Ала: «Раббийни келлигине сёз берилгени не болду? Нек десегиз дуния жаратылгъанлы, аталарыбыз ёлюп башлагъандан берисинде, хар зат алайлай тюрленмей турады», – деп хыликкя этерикдиле.

Яхуда 1:14

Аланы юсюнден Адам файгъамбардан жети атагъа айланнган Ханох да, файгъамбарлыкъ этип: «Ма, Раббий Кесини кёп минг сыйлы мёлеги бла келеди.

Билим Ачханы 1:7

Ма, булутла бла келеди! Аны хар кёз да, Аны чанчханла да кёрлюкдюле; Аны ючюн дунияны битеу миллетлери сарнап жилярыкъдыла. Алайды. Амин.

Билим Ачханы 20:12

Эмда мен ёлгенлени, уллуланы эм гитчелени Аллахны аллында тургъанларын кёрдюм. Сора китапла ачылдыла. Аты жашау китабы болгъан башха китап да ачылды. Ёлгенлеге уа китаплада жазылгъанла бла, кеслерини этген ишлерине кёре сюд этиле эди.