I Коринфлилеге 4:19 - Сыйлы Инжил бла Забур

¹⁹ Алай а мен, Раббий буюрса, кёп турмай сизге келликме эм ёхтемленнгенлени сёзлерин тюйюл, кючлерин сынарыкъма.

I Коринфлилеге 4:19 Iomraidhean Croise

Ишлери 18:21

«Келе тургъан байрамны мен Иерусалимде ашырыргъа керекме; сизге уа дагъыда къайтырма, Аллах буюрса», – деп ала бла саламлашып айырылды эм кеме бла Эфесден кетди. Акила бла Прискила уа Эфесде къалдыла.

Ишлери 19:21

Бу ишле болгъандан сора уа, Пауул, Македонияны бла Ахаяны юсю бла озуп, Иерусалимге барыргъа ниет этди. «Анда бираз тургъандан сора мен Римни да кёрюрге керекме», – деп айта эди.

Ишлери 20:2

Ол жерлени юсю бла барып, ийнаннганлагъа да кёп сёзле бла насийхат берип Грециягъа келди.

Римлилеге 15:32

Эмда Аллах буюрса, мен сизге къууанч бла келип, сизни бла жюрегим ырахат болур ючюн тилек этигиз.

I Коринфлилеге 11:34

Ач адам а, сизни жыйылыуугъуз айыпланыргъа болмаз ючюн, юйюнде ашасын. Къалгъан ишлени уа келсем жарашдырырма.

I Коринфлилеге 14:5

Сиз барыгъыз да тилледе сёлеширигизни сюеме, алай а файгъамбарлыкъ этсегиз игиди; нек десегиз тилледе сёлешген адам жамауатны нюр жанындан ёсдюрюр ючюн айтханларын кёчюрмесе, файгъамбарлыкъ этиучюден гитчеди.

I Коринфлилеге 16:5

Мен Македониядан озгъандан сора, сизге келликме; нек десегиз мен Македонияны юсю бла барама.

I Коринфлилеге 16:7

Ол себепден мен энди сизни бла жолда бара кёрюшюрге сюймейме, алай а, Аллах онг берсе, сизде бир бёлек заманны турургъа умут этеме.

I Коринфлилеге 2:6

Акъылманлыкъны уа биз тамамлыкъгъа жетишгенлени арасында билдиребиз, алай а билдиргенибиз бу ёмюрню кёпге бармазлыкъ башчыларыны акъылманлыкълары тюйюлдю.

I Коринфлилеге 4:18

Мен сизге келмезлик сунуп, сизде бир къауумла ёхтемленнгендиле;

I Коринфлилеге 4:6

Къарындашла, сиз Китапда жазылгъандан артыкъ ойлашып кюрешмезге бизден юйренигиз эм биригиз-биригизден кесигизни уллугъа кётюрмегиз деп, мен сизни ючюн бу затланы кесиме бла Аполлосха жорукъ этгенме.

II Коринфлилеге 1:23

Аллахны жаныма шагъат этеме, мен эндиге дери Коринфге сизни аяп келмей тургъаныма.

II Коринфлилеге 10:9

Алай а, мен сизни жазып ийгенлерим бла къоркъутургъа кюрешген сунмагъыз.

Чюйютлелеге 6:3

Аллах онг берсе, тамамлыкъгъа да жетербиз.

Якъуп 4:15

Сиз: «Раббий онг берсе эм сау болсакъ, аны да неда башхасын да этербиз», – деп айтырны орунуна,