I Коринфлилеге 4:12 - Сыйлы Инжил бла Забур

¹² Эм кеси къолларыбыз бла ишлеп урунабыз. Бизге аман айтадыла, биз алгъыш этебиз; бизге зулму этедиле, биз тёзебиз;

I Коринфлилеге 4:12 Iomraidhean Croise

Маттай 5:11

Мени ючюн сизни сёкселе эм сизге зулму этселе эм хар тюрлю тюзлюксюз аман айтсала, сиз насыплысыз.

Маттай 5:44

Мен а сизге айтама: душманларыгъызны сюйюгюз, сизге къаргъыш этгенлеге алгъыш этигиз, сизни кёрюп болмагъанлагъа ахшылыкъ этигиз, сизни жюреклеригизни къыйнагъанла ючюн, сизге зулму этгенле ючюн тилек этигиз.

Лука 23:34

Исса уа: «Ата! Кеч былагъа; была не этгенлерин билмейдиле», – деди. Сора (аскерчиле) Аны кийимлерин чёп атып юлеше эдиле.

Лука 6:28

Сизге къаргъыш этгенлеге алгъыш этигиз эм сизни жюрегигизни къыйнагъанла ючюн тилек этигиз.

Ахия 15:20

Мен сизге: „Къул кесини бийинден уллу тюйюлдю“ деп айтхан сёзню эсигизде тутугъуз. Манга зулму этген эселе, сизге да зулму этерикдиле; Мени сёзюмю тутхан эселе, сизни сёзюгюзню да тутарыкъдыла.

Ишлери 18:3

Эм ала бла усталыкълары бирча болгъаны себепден, ала бла къалып, ишлеп турду: аланы усталыкълары уа чатыр ишлеу эди.

Ишлери 20:34

Мени кереклиме да, мени биргеме болгъанланы кереклилерине да мени бу къолларым жарагъанларын кесигиз билесиз.

Ишлери 7:60

Эмда, тобукъланып, уллу ауаз бла: «Раббий! Бу гюняхны аланы боюнларына салма!» – деди. Сора, муну айтханлай, жан берди.

Римлилеге 12:14

Сизге зулму этгенлеге алгъыш этигиз; алгъыш этигиз, къаргъыш а этмегиз.

Римлилеге 12:20

Алай бла душманынг ач эсе, анга ашат; суусап эсе, анга ичир. Нек десенг муну этип, сен аны башына жаннган кесеуле жыярса.

Римлилеге 8:35

Аллахны сюймеклигинден бизни ким айырлыкъды: къайгъымы, неда тарлыкъмы, неда зулмулукъму, неда ачлыкъмы, неда жаланнгачлыкъмы, неда къоркъуулукъму, неда къылычмы?

I Коринфлилеге 9:6

Неда жангыз мени бла Барнабанымы жокъду ишлемезге эркинлигибиз?

II Коринфлилеге 11:8

Мен сизге къуллукъ этер ючюн башха жамауатладан хакъ алып алагъа къоранч салгъанма эм сизде болгъан заманымда, керекли болгъан эсем да, биригизге да жюк болмагъанма.

Эфеслилеге 4:28

Урлагъан адам энди урламасын. Андан эсе, кесини къоллары бла хайыр этип, урунсун, керекли болгъан адамгъа да берир заты болсун.

I Фесалоникачылагъа 2:9

Ишексиз, къарындашла, бизни урунууубуз эм къыйналгъаныбыз сизни эсигиздеди: сизден биригизни да къыйнамаз ючюн, биз, кече да, кюн да ишлеп, сизге Аллахны Хайыр Хапарын алай билдирген эдик.

II Фесалоникачылагъа 3:8

Биреуде да алайлай ётмек ашамагъанбыз, алай а, сизден биригизни да къыйнамаз ючюн, иш бла эм урунуу бла кече да, кюн да кюрешгенбиз.

I Тимотейге 4:10

Биз аны ючюн урунабыз эм аман сёзлеге тёзебиз. Нек десенг жашау бериучю Аллахха ышанабыз; Ол а битеу адамланы, бегирек да ийманлыланы Къутхарыучусуду.

I Петер 2:23

Анга аман айтылгъанда, Ол къайтарып аман айтмагъанды; азап чеге туруп къоркъутмагъанды, алай а Кесин Тюзлюклю Хукмучугъа ышанып бергенди.

I Петер 3:14

Тюзлюк ючюн азап чеге эсегиз а, сиз насыплысыз, аланы къоркъутууларындан а къоркъмагъыз эм жунчумагъыз.

I Петер 3:9

Аманлыкъгъа аманлыкъ бла неда аман сёзге аман сёз бла жууап этмегиз. Ол угъай эсенг, алгъыш этигиз; нек десегиз сиз алгъышлы болургъа чакъырылгъансыз.

I Петер 4:19

Ол себепден Аллахны буйругъуна кёре азап чекгенле, ахшылыкъ эте, Жаратхан ышаннгылы Аллахха, кеслерини жанларын аманат этсинле.

Яхуда 1:9

Баш мёлек Микайыл а, Мусаны ёлюгюню юсюнден ибилис бла сёлешип даулашхан заманында, гурушха сёзле айтып терслерге таукел болмагъанды, алай а: «Сени Раббий тыйсын!» – дегенди.