I Коринфлилеге 4:11 - Сыйлы Инжил бла Забур

¹¹ Эндиге дери окъуна ачлыкъгъа эм суусаплыкъгъа, жаланнгачлыкъгъа эм тюйюлюуге тёзебиз, бир жерде да тынчаймай айланабыз

I Коринфлилеге 4:11 Iomraidhean Croise

Маттай 8:20

Анга Исса: «Тюлкюлени тешиклери, кёкдеги къанатлыланы да уялары барды; Адам Улуну уа, башын салыр жери да жокъду», – деди.

Ишлери 14:19

Антиохиядан бла Икониядан бир къауум иудейлиле келип, абустолла таукел сёлешген заманда: «Ала бир керти зат айтмайдыла, айтханлары бары да ётюрюкдю», – деп халкъны ийнандырып абустолладан айырдыла. Сора халкъны къозутуп, Пауулну ташла бла тюйдюрдюле эмда, ёлген сунуп, шахардан тышына чыгъарып атдыла.

Ишлери 16:23

Аланы кёп кере ургъандан сора, тюрмеге атдыла, тюрмени сакълауулуна да къаты сакъларгъа буйрукъ бердиле.

Ишлери 23:2

Баш дин къуллукъчу Ханания уа Пауулну къатында тургъанлагъа аны ауузуна урургъа буйрукъ этди.

Римлилеге 8:35

Аллахны сюймеклигинден бизни ким айырлыкъды: къайгъымы, неда тарлыкъмы, неда зулмулукъму, неда ачлыкъмы, неда жаланнгачлыкъмы, неда къоркъуулукъму, неда къылычмы?

I Коринфлилеге 9:4

Неда бизни ашаргъа бла ичерге эркинлигибиз жокъмуду?

II Коринфлилеге 11:20

Сизни къул этгенлеге, къыйыныгъызны ашагъанлагъа, сизни алдагъанлагъа, кеслерин ёрге кётюргенлеге, бетигизге ургъанлагъа сиз тёзесиз.

II Коринфлилеге 4:8

Биз хар жанындан къыйынлыкъ сынайбыз, алай а жунчумайбыз. Биз тюнгюлюрча халдабыз, алай а тюнгюлмейбиз.

II Тимотейге 3:11

Сынагъан зулмулукъларымы эм къыйынлыкъларымы, Антиохияда, Иконияда, Листрада башыма келген къыйынлыкъланы кёрюп тургъанса. Мен къаллай зулмулукъла сынагъан эсем да, Раббий мени аланы барындан да къутхаргъанды.