I Коринфлилеге 3:5 - Сыйлы Инжил бла Забур

⁵ Кимди Пауул? Кимди Аполлос? Ала жаланда сиз аладан эшитип ийман салгъан къуллукъ этиучюледиле. Раббий хар бирибизге бир иш бергенди.

I Коринфлилеге 3:5 Iomraidhean Croise

Маттай 25:15

Сора, хар бирини кючюне кёре, бирине ол беш талант, экинчисине эки, ючюнчюсюне бир талант берди, кеси уа олсагъатдан атланды.

Лука 1:2

(Болуннганланы) башындан башлап кёзлери бла кёргенле эм (Аллахны) Сёзюн билдирип къуллукъ этгенле бизге айтханлары кибик, хапар жыйышдырып башлагъандыла.

Ахия 3:27

Ахия алагъа жууапха: «Адам, анга кёкден берилмесе, бир зат да алаллыкъ тюйюлдю.

Ишлери 18:24

Бу кезиуде, Аскендирияда туугъан, Аполлос атлы бир иудейли Эфесге келген эди. Ол ариу сёзлю, Сыйлы Китапладан кёп билими болгъан адам эди.

Ишлери 19:1

Аполлос Коринфде тургъан заманда, Пауул, огъаргъы къыраллада айланып, Эфесге келди эм анда бир къауум сохтала табып,

Римлилеге 15:16

Аллахны шафауаты бла мен Масих Иссагъа миллетледе къуллукъ этиучю болгъанма. Миллетле Сыйлы Нюр бла сыйлы болуп, Аллахны ыразы этген къурман болур ючюн, мен Аллахны Хайыр Хапарын дин къуллукъчуча жаяма.

I Коринфлилеге 12:28

Аллах сора бир къауумланы жамауатда биринчиге абустолла этип, экинчиге файгъамбарла этип, ючюнчюге устазла этип салгъанды. Андан сора бир къауумлагъа къудуретли ишле этерге кючле эмда ауругъанланы сау этиу саугъала, болушлукъ этиу, оноу этиу, тюрлю-тюрлю тилле бергенди.

I Коринфлилеге 16:12

Аполлос къарындашны юсюнден а, ол къарындашла бла сизге барсын деп, мен андан бек тилеген эдим, алай а ол бу сагъатда барыргъа бир да сюймегенди. Онг тапхан заманында келликди.

I Коринфлилеге 3:10

Мен Аллахдан манга берилген шафауат бла, ангылаулу къурулушчу кибик, мурдор салгъанма, башхасы уа аны юсюнде ишлейди; алай а хар ким да къалай ишлегенине къарасын.

I Коринфлилеге 3:22

Пауулму, неда Аполлосму, неда Кефамы, неда дуниямы, неда жашауму, неда ёлюммю, неда бу сагъатдагъымы, неда келлик замандагъымы – бары да сизниди.

I Коринфлилеге 3:7

Ол себепден орнатыучу да, сугъарыучу да бошду, бары да ёсдюрюучю Аллахданды.

I Коринфлилеге 9:17

Аны кесим сюйюп эте эсем, саугъа аллыкъма; кесим сюйюп этмей эсем а, жаланда манга берилген къуллукъну толтурама.

II Коринфлилеге 11:23

Масихни жумушчуларымыдыла? Акъылдан чыкъгъанча айтама! Мен а бегирек да. Мен кёбюрек да уруннганма, чексиз тюйюлгенме, кёп кере тюрмеде эм кёп кере ёлюмге къаршы болгъанма.

II Коринфлилеге 3:3

Сиз Масихни письмосу болгъаныгъызны кёргюзтесиз. Ол письмо уа бизни къуллукъ этиуюбюзню юсю бла шакъы бла угъай, жашау бериучю Аллахны Нюрю бла, таш гыйылагъа тюйюл, эт гыйылагъа, адамланы жюреклерине жазылгъанды.

II Коринфлилеге 3:6

Ол бизни, жазылгъан жорукълагъа тюйюл, Сыйлы Нюрге таяннган Жангы Кесаматны къуллукъчулары болургъа жетишимли этгенди. Жазылгъан жорукъ ёлтюреди, Нюр а жашатады.

II Коринфлилеге 4:1

Аллахны мархаматындан бизни аллай къуллукъ этиуюбюз болгъаны себепли биз мудах болмайбыз.

II Коринфлилеге 4:5

Биз кесибизни юсюбюзден билдирмейбиз, алай а Масих Иссаны Раббий болгъанын билдиребиз; биз а Исса ючюн сизни къулларыгъызбыз.

II Коринфлилеге 4:7

Бизде артыгъы бла болгъан кючню бизден тюйюл, Аллахдан келгени билинир ючюн а, ол хазнаны биз топуракъ сауутлада кесибизни чархларыбызда жюрютебиз.

II Коринфлилеге 5:18

Бары да Масих Иссаны юсю бла бизни Кеси бла жарашдыргъан эм бизге жарашдырыуну къуллугъун берген Аллахданды.

II Коринфлилеге 6:1

Биз а, Аллах бла бирге урунуучулача, Аллахны шафауатын къабыл этгенигиз бошуна болмасын деп, сизге жалбарабыз.

II Коринфлилеге 6:4

Алай а Аллахха къуллукъ этиучюлеча уллу тёзюмлюлюк бла, къыйынлыкълада, кереклиликледе, тарлыкъ халлада,

Эфеслилеге 3:7

Аллахны менде жюрюген кючю бла манга берген шафауатыны саугъасы бла мен ол Хайыр Хапарны жайыучу жумушчу болгъанма.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:25

Аллах сизни ючюн манга берген къуллукъ бла ол Жамауатны жумушчусу болгъанма. Къуллугъум, Аллахны Сёзюн –

I Тимотейге 1:12

Манга кюч берген Раббийибиз Масих Иссагъа шукур этеме; нек десегиз Ол мени, ышаннгылыгъа санап, къуллукъ этерге салгъанды.

I Петер 4:10

Хар ким ол алгъан саугъагъыз бла, Аллахны кёп тюрлю шафауатында огъурлу юй жюрютюучюле кибик, бир-биригизге къуллукъ этигиз.