I Коринфлилеге 3:3 - Сыйлы Инжил бла Забур

³ Не ючюн десегиз сиз алыкъа гюняхлы табийгъатыгъызгъа кёре жашайсыз. Сизни арагъызда зарлыкъ, даулашыула эм келишмеулюкле бар эселе, сора сиз гюняхлы табийгъатыгъызгъа кёре жашагъанла эмда адамланы адетлерин этгенле тюйюлмюсюз?

I Коринфлилеге 3:3 Iomraidhean Croise

Римлилеге 13:13

Не тойгъа-оюннга эм ичгичиликге, не хаулеликге эм адепсизликге, не къаугъалагъа эм зарлыкъгъа кесибизни бермегенлей, кюндюзгю кюндеча, кесибизни иги низам бла тутайыкъ.

I Коринфлилеге 1:10

Къарындашла, Раббийибиз Масих Иссаны аты бла сизге жалбарама, сиз барыгъыз да бирни айтыгъыз, арагъызда айырылыу болмасын, сиз бир ниетде эм бир акъылда бирлешигиз.

I Коринфлилеге 1:11

Нек десегиз, къарындашларым, сизни арагъызда даулашыула болгъаны, Хлойну юйдегилеринден манга билдирилгенди.

I Коринфлилеге 11:18

Нек десегиз, башындан башлап, сиз жамауатха жыйылгъан заманда, сизни арагъызда келишмей айырылыула боладыла деп эшитеме, анга уа бир жаны бла ийнанама.

I Коринфлилеге 3:4

Биригиз: «Мен Пауулнума», биригиз а «Мен Аполлоснума», – дей эсегиз, сора сиз гюняхлы табийгъатыгъызгъа кёре жашагъанла тюйюлмюсюз?

II Коринфлилеге 12:20

Нек десегиз мен сизге келсем, сизни мен жаратмагъанла болуп табарма эм сиз да мени сиз жаратмагъан болуп табарсыз: сизде къаугъала, зарлыкъла, ачыуланыула, даулашыула, сёз этиуле, тилчиликле, ёхтемликле, низамсызлыкъла табарма деп къоркъама.

Галатиялылагъа 5:15

Сиз бир-биригизни къаба эм ашай эсегиз а, сора сиз бир-биригизни жокъ этмез ючюн сакъ болугъуз.

Титге 3:3

Нек десенг биз да бир заманлада оюмсузла, боюн салмагъанла, ажашханла эдик, тюрлю кюсеулеге бла жубанчлагъа къул эдик, аман ниетде бла зарлыкъда жашай эдик, жийиргенчли эдик, бир-бирибизни кёрюп болмай эдик.

Якъуп 3:16

Нек десегиз зарлыкъ бла эгоистлик къайда эсе, низамсызлыкъ эмда хар тюрлю аман иш андады.

I Петер 4:2

Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.