I Коринфлилеге 3:18 - Сыйлы Инжил бла Забур

¹⁸ Бир киши да кеси-кесин терилтмесин. Сизден биреу бу ёмюрде кесин акъылманнга санай эсе, ол керти акъылман болур ючюн «акъылсыз» болсун!

I Коринфлилеге 3:18 Iomraidhean Croise

Маттай 13:22

Чыгъана ичине себилген а, сёзню эшитген, алай а бу ёмюрню къайгъысы эм байлыкъгъа алданыулукъ сёзню кючлеп, ол сёз тирлик бермеген адамны кёргюзтеди.

Маттай 18:4

Алай бла, бу сабий кибик, кесин ким кичилендирсе, Кёклени Патчахлыгъында ол эм уллуду.

Марк 10:15

Кертисин айтама сизге: Аллахны Патчахлыгъын сабийча къабыл этмеген адам анга кирлик тюйюлдю», – деди.

Лука 18:17

Кертисин айтама сизге, Аллахны Патчахлыгъын сабийча къабыл этмеген адам анга кирлик тюйюлдю», – деди.

Лука 21:8

Ол алагъа: «Сакъ болугъуз, сизни бир киши да жангылтмасын. Нек десегиз „(Масих) менме“ эмда „Заман келгенди“ деп, кёпле Мени атым бла келликдиле. Аланы ызларындан бармагъыз.

Римлилеге 11:25

Къарындашла, сиз кесигизни уллудан кёрмез ючюн, бу тасханы сизге билдирмей къояргъа сюймейме: Израильни терсакъыл болгъаны жангыз бир заманнга дери, башха миллетлиледен къутхарыллыкъланы саны толгъунчугъа дериди.

Римлилеге 12:16

Кеси арагъызда бир акъыллы болугъуз. Уллу билимлилик этерге кюрешмегиз, алай а сабырлагъа нёгер болугъуз, кесигизни уллудан кёрмегиз.

I Коринфлилеге 15:33

Алданмагъыз: «Аман нёгерле иги адетлени бузадыла».

I Коринфлилеге 3:17

Аллахны юйюн чачхан адамны уа, Аллах жояр; нек десегиз Аллахны юйю сыйлыды, ол юй а сизсиз.

I Коринфлилеге 4:10

Биз Масих ючюн акъылсызбыз, сиз а Масихде акъыллысыз. Биз къарыусузбуз, сиз а кючлюсюз. Сиз махтаудасыз, биз а сансызлыкъдабыз.

I Коринфлилеге 6:9

Неда тюзлюклю болмагъанла Аллахны Патчахлыгъындан юлюшлю болмазлыкъларын билмеймисиз? Алданмагъыз: не саякъ жюрюучюле, не идоллагъа табыныучула, не зийначыла, не эр киши бла жатышыучу эр кишиле,

Галатиялылагъа 6:3

Нек десегиз сансыз адам болгъанынлай, кесин бир затха санагъан адам, кесикесин алдайды.

Галатиялылагъа 6:7

Ажашмагъыз, Аллахны алдаргъа амал жокъду. Адам не сепсе, аны орур:

Эфеслилеге 5:6

Бир киши да сизни бош сёзле бла терилтмесин; нек десегиз бойсунмагъан адамланы юслерине, аллай затла ючюн Аллахны чамланыуу келеди.

II Тимотейге 3:13

Огъурсуз адамла бла терсине юйретиучюле уа ажашдыра эм ажаша, амандан аман бола барлыкъдыла.

Титге 3:3

Нек десенг биз да бир заманлада оюмсузла, боюн салмагъанла, ажашханла эдик, тюрлю кюсеулеге бла жубанчлагъа къул эдик, аман ниетде бла зарлыкъда жашай эдик, жийиргенчли эдик, бир-бирибизни кёрюп болмай эдик.

Якъуп 1:22

Ол сёзню толтуруучула болугъуз, жаланда тынгылаучула болуп, толтурмай кеслери-кеслерин алдаучула болмагъыз.

Якъуп 1:26

Сизден биригиз да, кесин дин ахлу сунуп, тилин а тыймай, кесини жюрегин алдай эсе уа, аны дин ахлулугъу бошду.

I Ахия 1:8

Гюняхыбыз жокъду дей эсег’а, кесикесибизни алдайбыз эм бизде хакъ керти жокъду.