I Коринфлилеге 3:16 - Сыйлы Инжил бла Забур

¹⁶ Сиз Аллахны юйю болгъаныгъызны эм Аллахны Нюрю сизде жашагъанын билмеймисиз?

I Коринфлилеге 3:16 Iomraidhean Croise

Ахия 14:17

Аны уа дуния къабыл эталмайды, нек десегиз Аны кёрмейди эм танымайды. Сиз а таныйсыз Аны, нек десегиз Ол сизни бла болуп турады эм ичигизде боллукъду.

Римлилеге 6:16

Сиз, кимге боюн салып, кесигизни кимни айтханын этерге къулгъа бере эсегиз, аны къуллары болгъаныгъызны билмеймисиз? Не ёлюм келтирген гюняхны къулларысыз, неда тюзлюклюлюк келтирген боюн салыуну къулларысыз.

Римлилеге 6:3

Биз барыбыз да, Масих Иссагъа сууда кёмюлдюрюлюп ийман салгъанла, Аны ёлгенине кёмюлдюрюлгенибизни билмеймисиз?

Римлилеге 8:11

Иссаны ёлгенледен тиргизген Аллахны Нюрю сизде жашай эсе уа, сора Масихни ёлгенледен тиргизген Аллах, Кесини сизде жашагъан Нюрю бла, сизни ёллюк чархларыгъызгъа да жашау берликди.

Римлилеге 8:9

Алай а Аллахны Нюрю сизде жашай эсе, сиз гюняхлы табийгъатыгъызны тюйюл, Нюрню оноуундасыз. Масихни Нюрю анда болмагъан адам а Масихни тюйюлдю.

I Коринфлилеге 3:17

Аллахны юйюн чачхан адамны уа, Аллах жояр; нек десегиз Аллахны юйю сыйлыды, ол юй а сизсиз.

I Коринфлилеге 3:9

Нек десегиз биз Аллахха къуллукъ этиучю нёгерлебиз, сиз а Аллахны сабанысыз, Аллахны къурулуш мекямысыз.

I Коринфлилеге 5:6

Сизни махтаныр затыгъыз жокъду. Аз ачытхыч битеу тылыны ачытханын билмеймисиз?

I Коринфлилеге 6:16

Неда саякъ тиширыугъа къошулгъан, аны бла бирге бир чарх болуп къалгъанын билмеймисиз? Нек десегиз: «Экиси бир чарх боллукъдула», – деп айтылгъанды.

I Коринфлилеге 6:19

Сизни чархларыгъыз, сиз Аллахдан алгъан, Ол сизде жашагъан Сыйлы Нюрню юйю болгъанын эмда сиз кесигизге ие болмагъаныгъызны билмеймисиз?

I Коринфлилеге 6:9

Неда тюзлюклю болмагъанла Аллахны Патчахлыгъындан юлюшлю болмазлыкъларын билмеймисиз? Алданмагъыз: не саякъ жюрюучюле, не идоллагъа табыныучула, не зийначыла, не эр киши бла жатышыучу эр кишиле,

I Коринфлилеге 9:13

Табыныучу юйде къуллукъ этиучюле ары келтирилген затладан ашап жашагъанларын, къурман этилиучю жерде жумуш этиучюле да андан юлюш алгъанларын билмеймисиз?

I Коринфлилеге 9:24

Стадионда чапханла бары да чабып, саугъа уа биреу алгъанын билмеймисиз? Сиз саугъа алырча чабыгъыз!

II Коринфлилеге 6:16

Аллахны юйюню идолла бла бирге не келишиую барды? Нек десегиз сиз, жашау берген Аллахны юйюсюз: «Алада мекям салып, араларында жюрюрюкме. Мен аланы Аллахы боллукъма, ала да Мени халкъым боллукъдула, – деп Аллахны айтханы кибик.

I Тимотейге 3:15

Мычысам а, сен Аллахны юйюрюнде къалай этерге тийишли болгъанын билир ючюн, быланы санга жазама. Ол юйюр жашау бериучю Аллахны Жамауатыды, хакъ кертини тамалыды эм чигинжисиди.

II Тимотейге 1:14

Санга ышанып берилген огъурлу окъууну бизде жашагъан Сыйлы Нюрню болушлугъу бла сакъла!

Чюйютлелеге 3:6

Масих а Аллахны юйюнде Уланыча тюздю. Биз таукеллигибизни эм аны бла махтаннган ышаныуубузну ахырына дери къаты сакъласакъ, Аны юйю бизбиз.

Якъуп 4:4

Зийначыла бла хаулечиле! Бу дуния бла шуёхлукъ Аллахха къажау душманлыкъ болгъанын билмеймисиз? Алай бла бу дуниягъа шуёх болургъа сюйген адам Аллахха душман болады.

I Петер 2:5

Кесигиз да, тири ташла кибик, кесикесигизден нюр юй къурагъыз; алай бла сиз, Масих Иссаны юсю бла Аллахны ыразы этерча, нюр къурманла этер ючюн, Аллахха сыйлы къуллукъ этиучюле болурсуз.

I Ахия 4:12

Аллахны бир киши бир заманда кёрмегенди. Биз бир-бирибизни сюе эсег’а, сора Аллах бизде жашайды, Аны сюймеклиги да бизде толу барды.