I Коринфлилеге 3:10 - Сыйлы Инжил бла Забур

¹⁰ Мен Аллахдан манга берилген шафауат бла, ангылаулу къурулушчу кибик, мурдор салгъанма, башхасы уа аны юсюнде ишлейди; алай а хар ким да къалай ишлегенине къарасын.

I Коринфлилеге 3:10 Iomraidhean Croise

Маттай 24:45

Аны бийи, кесини жумушчуларына тамата этип алагъа заманында аш берирге салгъан ышаннгылы эм акъыллы къул ким эсе?

Маттай 7:24

«Алай бла, Мени бу сёзлериме тынгылап, аланы толтургъан хар адамны, ол кесини юйюн ташны юсюнде ишлеген акъыллы кишиге ушатырма.

Лука 11:35

Алай бла, сакъ бол, сенде болгъан жарыкъ къарангы болуп чыкъмасын!

Лука 21:8

Ол алагъа: «Сакъ болугъуз, сизни бир киши да жангылтмасын. Нек десегиз „(Масих) менме“ эмда „Заман келгенди“ деп, кёпле Мени атым бла келликдиле. Аланы ызларындан бармагъыз.

Ишлери 18:27

Ол Ахаягъа барыргъа мурат этгенде уа, къарындашла андагъы сохталагъа къагъыт жазып, аны къабыл этдирген эдиле. Ол да ары келип, ийнаннганлагъа Аллахны шафауаты бла кёп болушду.

Римлилеге 1:5

Битеу миллетледен адамланы ийманнга бойсундурур ючюн, Масихни юсю бла эм аны аты ючюн Аллахны шафауатын эм абустоллукъ алгъанбыз.

Римлилеге 12:3

Аллах манга берген шафауатха кёре, сизни хар биригизге да айтама: кеси юсюгюзден кереклисинден кёп ойлашмагъыз; алай а Аллах хар биригизге да юлешип берген ийманыгъызны мардасына кёре эслилик бла ойлашыгъыз.

Римлилеге 15:15

Алай а, къарындашларым, манга Аллахдан берилген шафауат бла бир къауум затланы сизни эсигизге тюшюрюр ючюн, сизге бираз таукеллик бла жазгъанма.

Римлилеге 15:20

Аны юсюне да мен, башха адам салгъан мурдорну юсюнде къурамаз ючюн, Хайыр Хапарны Масихни аты белгили болмагъан жерледе жаяргъа кюрешгенме,

I Коринфлилеге 3:11

Нек десегиз бир киши да салыннган мурдордан, алай демеклик Масих Иссадан башха мурдор салаллыкъ тюйюлдю.

I Коринфлилеге 9:2

Башхалагъа мен абустол тюйюл эсем да, сизге уа абустолма; нек десегиз сизни Раббийникиле болгъаныгъыз мени абустоллугъуму мухуруду.

II Коринфлилеге 10:15

Биз, мардабызны билмей, башхаланы урунуулары бла махтанмайбыз, алай а сизни ийманыгъызны ёсюую бла сизни арагъызда ишлер жерибизни дагъыда бек кенгертирге умут этебиз.

Эфеслилеге 2:20

Абустолла бла файгъамбарла салгъан мурдорну юсюнде бегимли болгъансыз, Масих Исса уа Кеси мюйюшню баш ташыды.

Колослулагъа 1:29

Масихни менде жюрюген деменгили кючю бла, мен муну ючюн урунуп кюрешеме.

Колослулагъа 4:17

Архипге: сен Раббийни жолунда алгъан къуллугъунгу толтурургъа сакъ бол деп айтыгъыз.

I Фесалоникачылагъа 3:2

Эмда сизни бегимли этер ючюн эм сизни ийманыгъызда кёллендирир ючюн, къарындашыбыз эм Аллахха къуллукъ этиучю, Масихни Хайыр Хапарын жайыуда нёгерибиз Тимотейни ийген эдик.

I Тимотейге 4:16

Кесинги да, сен юйретген окъууну да тинтип ойлап къара эмда ол окъуугъа тюз бол. Алай этсенг, кесинги да, санга тынгылагъанланы да къутхарлыкъса.

II Тимотейге 2:15

Хакъ керти сёзню тюз юйретип, кесинги Аллахха тийишли, ыйлыгъыр бир заты да болмагъан ишлеучюча тапдырыргъа кюреш.

Якъуп 3:1

Къарындашларым! Биз устазлагъа къаты сюд этиллигин билигиз, аны себепли кёбюгюз устазла болмагъыз.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.

II Петер 3:15

Эмда сюйюлюннген къарындашыбыз Пауул, анга берилген акъылманлыкъ бла сизге жазгъаны кибик, Раббийибизни кёп тёзюую бизге къутхарылыу алыргъа онг береди.

Билим Ачханы 21:14

Шахарны къабыргъасы онеки мурдорну юсюнде ишленнген эди, аланы юсюнде да Къозуну онеки абустолуну атлары жазылып эди.

Билим Ачханы 21:19

Шахарны къабыргъасыны мурдорлары хар тюрлю багъалы ташла бла жасаннгандыла: биринчи мурдору – ясписден, экинчиси – сапфирден, ючюнчюсю – халкидондан, тёртюнчюсю – жашил изумруддан,