I Коринфлилеге 2:14 - Сыйлы Инжил бла Забур

¹⁴ Табийгъат халы бла адам Аллахны Нюрюнден болгъан затланы къабыл этмейди. Нек десегиз ол быланы акъылсызлыкъгъа санайды, быланы юсюнден нюр бла оюм этилгени себепли, быланы ангыларгъа болалмайды.

I Коринфлилеге 2:14 Iomraidhean Croise

Маттай 16:23

Ол а айланып Петерге: «Мени къатымдан кет, шайтан! Сен Мени терилтирге кюрешесе; нек десенг сен Аллах жанындан тюйюл, адам жанындан ойлайса», – деди.

Ахия 10:20

Аладан кёбюсю: «Аны жин бийлеп турады, Ол шашхынлыкъ этеди; неге тынгылайсыз Анга?» – дей эдиле.

Ахия 12:37

Ол аланы алларында аллай бир илишанла этгенлей да ала Анга ийнанмагъан эдиле.

Ахия 14:17

Аны уа дуния къабыл эталмайды, нек десегиз Аны кёрмейди эм танымайды. Сиз а таныйсыз Аны, нек десегиз Ол сизни бла болуп турады эм ичигизде боллукъду.

Ахия 14:26

Ата Мени атым бла иерик, Жюрек Жапсарыучу, Сыйлы Нюр а, сизни хар неге да юйретир эм битеу Мен сизге айтханланы сизни эсигизге салыр.

Ахия 15:26

Мен сизге Атадан иерик Жюрек Жапсарыучу – Кеси Атадан чыгъа тургъан Хакъ Кертини Нюрю – келген заманда уа, Ол Мени юсюмден шагъатлыкъ этерикди.

Ахия 5:44

Сиз бир-биригизден махтау аласыз, бир Аллахдан болгъан махтауну уа излемейсиз, сора сиз Манга къалай ийнаналлыкъсыз?

Ахия 8:43

Сиз Мени айтханымы нек ангыламайсыз? Мени сёзюмю эшитип болалмагъаныгъыз себепли ангыламайсыз.

Ишлери 16:14

Тиатира шахардан Лидия атлы, къызгъылдым къумач сатыучу, кеси да Аллахха табыныучу, бир тиширыу тынгылай эди; Пауулну не айтханына эсин бёлюрге Раббий аны жюрегин ачхан эди.

Ишлери 17:18

Сора эпикурей эм стоик философладан бир къаууму Пауул бла даулашып башладыла. Аладан бир къаууму: «Бу фана сёзлю не айтыргъа кюрешеди?» – дей эдиле, башхалары уа: «Ол тыш къыраллы тейриледен ууаз бергеннге ушайды», – дей эдиле; нек десегиз ол алагъа Иссаны юсюнден эм тиргизилиуден Хайыр Хапарны билдире эди.

Ишлери 17:32

Ёлгенлени тиргизилиуюню юсюнден эшитгенде, бир къауумлары хыликкя этдиле, башхалары уа: «Аны юсюнден санга башха заманда тынгыларбыз», – дедиле.

Ишлери 18:15

Алай а сизни даулашыуугъуз окъууугъузну, адам атларыгъызны эм законугъузну юсюнден болгъаны себепли уа, анга кесигиз къарагъыз. Мен аны юсюнден сизге сюдюлюк этерге сюймейме», – деди.

Ишлери 25:19

Аланы уа, кеси динлерини юсюнден эм ёлген – Пауул а Ол сауду деген – Исса атлы бир Адамны юсюнден аны бла даулашыулары бар эди.

I Коринфлилеге 1:18

Къачны юсюнден сёз жоюла тургъанлагъа акъылсызлыкъды, бизге уа, къутхарылгъанлагъа, Аллахны кючюдю.

I Коринфлилеге 1:21

Нек десегиз Аллахны акъылманлыгъына кёре, бу дуния кесини акъылманлыгъы бла Аллахны танымагъаны себепли, Аллах ийнаннганланы, акъылсызлыкъгъа саналгъан хапар бла къутхарыргъа тап кёргенди.

I Коринфлилеге 1:23

Биз а, къачха керилген Масихни билдиребиз. Иудейлиле муну айыпха, греклиле уа акъылсызлыкъгъа санайдыла.

I Коринфлилеге 1:25

Нек десегиз Аллахны «акъылсыз» деп айтылгъан заты адамланы акъылманлыкъларындан эсе уллуду, Аллахны «къарыусуз» деп айтылгъаны да адамладан эсе кючлюдю.

I Коринфлилеге 15:44

Жанлы чарх болуп себиледи, нюрлю чарх болуп тиргизиледи. Жанлы чарх барды, нюрлю чарх да барды.

I Коринфлилеге 15:46

Алай а алгъа нюрден болгъан тюйюлдю, жандан болгъан алгъады, нюрден болгъан а артдады.

I Коринфлилеге 2:12

Алай а, бизге Аллахдан берилген саугъаланы билир ючюн, биз бу дунияны нюрюн тюйюл, Аллахдан келген Нюрню къабыл этгенбиз.

I Коринфлилеге 3:1

Къарындашла, мен сизни бла Сыйлы Нюрге тынгылаучула бла сёлешгенча сёлеширге болалмагъанма, алай а гюняхлы табийгъатларына кёре жашагъанла бла, Масихни жолунда къагъанакъ сабийле бла сёлешгенча сёлешгенме.

Якъуп 3:15

Бу огъартындан келген акъылманлыкъ тюйюлдю, алай а дунияданды, нафысданды, жинледенди.

I Ахия 2:20

Алай а сиз Сыйлы Нюрден майланнгансыз эм нени да билесиз.

I Ахия 2:27

Алай а, сиз Масихден алгъан майланыу сизде болуп турады эм сизни киши юйретир кереклигиз да жокъду; алай а сизни хар неге да юйретген ол майланыу жалгъан тюйюл, керти болгъаны себепли, ол сизни юйретгени кибик, Масихде болуп туругъуз.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.

Яхуда 1:19

Айрылыкъ салыучула быладыла. Была кеслерини нафысларына бойсуннган, Сыйлы Нюр алада болмагъан адамладыла.