I Коринфлилеге 16:6 - Сыйлы Инжил бла Забур

⁶ Сизде уа, бираз турургъа неда къышны окъуна ашырыргъа болурма, алай бла сиз мени, барлыкъ жериме ашырырсыз.

I Коринфлилеге 16:6 Iomraidhean Croise

Ишлери 15:3

Алай бла жамауат аланы ашырды, ала да, Финикия бла Самарияны юсю бла барып, башха миллетлилени Аллахха къайтышханларын айтып, битеу къарындашланы уллу къууандыра эдиле.

Ишлери 17:15

Пауулну биргесине баргъанла аны Афинагъа дери ашырдыла эм Силагъа бла Тимотейге, ала Пауулгъа теркирек келсинле деген буйрукъну алып, ызларына къайтдыла.

Ишлери 20:38

Бегирек да ол: «Мындан арысында мени бетими кёрлюк тюйюлсюз», – деп айтхан сёзлерине мудах болгъан эдиле. Сора аны кемеге дери ашырдыла.

Ишлери 21:5

Ол кюнледен сора биз андан чыгъып кетдик. Ала барысы да къатынлары эм сабийлери бла бирге бизни шахардан тышына дери окъуна ашырдыла; тенгиз жагъада уа, тобукъланып тилек этдик.

Ишлери 27:12

Ол жер къышны анда ашырыргъа жарамагъаны себепли уа, кемедегиледен кёбюсю, онг болса, андан да кетип, Критни къыбылакюн батхан бла шимал-кюн батхан желлеге ачыкъ болгъан, Финика атлы портуна барып, къышны анда ашырыргъа оноу этдиле.

Ишлери 28:11

Юч айдан сора, къышны ол айрыкамда ётдюрген, «Эгиз Тейриле» атны жюрютген Аскендириялы кемеге минип жолгъа чыкъдыкъ.

Римлилеге 15:24

Испаниягъа барыргъа тебиреген заманымда сизге келликме. Ол себепден, алайтын барып, сизни кёрюрме эм сизни кёрюп бираз зауукъ этгенден сора уа, сиз мени ары ашырырсыз деп умут этеме.

I Коринфлилеге 16:11

Ол себепден аны бир киши да сансыз этмесин, алай а ол манга келир ючюн, аны ырахатлыкъ бла ашырыгъыз; нек десегиз мен къарындашла бла аны сакълайма.

II Коринфлилеге 1:16

Сора сизни шахарыгъызны юсю бла Македониягъа озаргъа, Македониядан а дагъыда сизге келирге ниет этеме. Сиз да мени Иудеягъа ашырырсыз.

Титге 3:12

Санга Артемасны неда Тихикни ийсем, манга Никополгъа келирге ашыкъ; нек десенг мен къышны анда ашырыргъа бегим этгенме.