I Коринфлилеге 15:58 - Сыйлы Инжил бла Забур

⁵⁸ Алай бла, эй сюйюлюннген къарындашларым, къаты, деменгили болугъуз, хар заманда да Раббийни ишинде жетишимли болугъуз; Раббийни жолунда урунууугъуз бошуна болмагъанын билигиз.

I Коринфлилеге 15:58 Iomraidhean Croise

Забур 112:6

Кёкге бла жерге къарар ючюн ийиледи.

Забур 73:13

Сен кючюнг бла тенгизни ортасын айыргъанса, Сен суулада жилянланы башларын ууатханса.

Забур 78:8

Бизни ата-бабаларыбызны гюняхларын бизге жетдирме: Сени ырахматынг къысха заманда аллыбызгъа чыкъсын, нек десенг биз бек къарыусуз болгъанбыз.

Марк 3:3

Ол а къолу къурушхан адамгъа: «Ортагъа чыкъ!» – деди.

Лука 19:19

Анга да: „Сен да беш шахаргъа оноучу бол“, дегенди.

I Коринфлилеге 16:10

Тимотей сизге келсе уа, ол сизде къоркъуусуз болуруна къарагъыз; нек десегиз, мени кибик, ол да Раббийни ишин этеди.

I Коринфлилеге 3:8

Орнатыучу бла сугъарыучу уа бирдиле, алай а хар бири да кесини урунуууна кёре саугъа аллыкъды.

II Коринфлилеге 7:1

Алай бла, сюйюлюннгенле, Аллахны бизде аллай ант сёзлери болгъаны себепли, чархыбызны неда нюрюбюзню харам этген хар бир затдан кесибизни тазалайыкъ эмда Аллахдан къоркъуу бла толусунлай Аллахха берилейик.

Галатиялылагъа 4:11

Мен сизде бошму уруннганма деп, сизни ючюн къоркъама.

Галатиялылагъа 6:9

Ахшылыкъ этиуден безмейик; нек десегиз жунчуп къалмасакъ, заманы келгенде орурбуз.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 2:5

Нек десегиз мен чархым бла сизни биргегизге тюйюл эсем да, нюрюм бла уа сизни блама; сизни тап къуралгъаныгъызны эм сизни Масиххе ийнаныуугъуз къаты болгъанын кёрюп, къууанама.

Колослулагъа 2:7

Масихде тамырланып эм бегинип эмда ийман бла кючленип, сиз юйреннгенигизча, Аллахха шукур этиу бла ийманда жетишимли болугъуз.

I Фесалоникачылагъа 1:3

Сизни ийманыгъыз бла этген ишлеригизни, сюймеклигигиз бла урунууугъузну эмда Раббийибиз Масих Иссагъа ышаныуугъуздан келген тёзюмлюлюгюгюзню Атабыз Аллахны аллында тохтаусуз эсибизде тутабыз.

I Фесалоникачылагъа 3:12

Сизни уа Раббий бир-биригизни да, битеу адамланы да сюймеклигигизни, биз сизни сюйген марда бла кёбейтип артыкъ этсин.

I Фесалоникачылагъа 3:3

Аны бу азапладан бир киши да тентиремесин деп ийген эдик, нек десегиз бизге къадар алай болгъанын сиз кесигиз билесиз.

I Фесалоникачылагъа 3:5

Ол себепден мен да, андан кёп тёзмей, терилтиучю сизни терилтип, бизни урунууубуз файдасыз болупму къалды деп, ийманыгъыздан хапар билир ючюн Тимотейни ийген эдим.

I Фесалоникачылагъа 4:1

Къарындашла, сиз къалай жашаргъа эмда Аллахны къалай ыразы этерге керек болгъаныгъызгъа бизден юйреннгенсиз. Сиз да алай жашайсыз. Ахырында бу ишде андан да бек жетишимли болугъуз деп, сизден Раббий Иссаны аты бла тилейбиз эм жалбарабыз.

II Фесалоникачылагъа 1:3

Къарындашла, биз дайым сизни ючюн Аллахха тийишлисича шукур этерге керекбиз; нек десегиз сизни ийманыгъыз ёседи эм хар биригизде бир-биригизни сюймеклик сизни барыгъызны да арагъызда кёп болады.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 13:21

Кесин ыразы этген ишлени Масих Иссаны юсю бла сизде чыгъарып, сиз Аны буйругъун толтурур ючюн, сизни хар тюрлю ахшы ишде тамамлы этсин. Анга ёмюрледен ёмюрлеге махтау болсун! Амин.

Чюйютлелеге 3:14

Нек десегиз алгъы бурун бизде болгъан ышаныуубузну ахырына дери къаты сакъласакъ, биз Масих бла бир боллукъбуз.

Чюйютлелеге 6:10

Нек десегиз Аллах тюзлюксюз тюйюлдю. Сизни урунууугъузну эм сиз Аны сюйген сюймеклигигизни – Аны аты ючюн сыйлылагъа къуллукъ этгенигизни эм энтда эте тургъаныгъызны – Ол унутурукъ тюйюлдю.

II Петер 3:14

Алай бла, сюйюлюннгенле, бу затланы сакълагъаныгъызгъа кёре, Аллахны аллына, харамлыкъсызла эм бузукъсузла эмда ырахатлыкъны сюйюучюле болуп барыргъа кюрешигиз.