I Коринфлилеге 15:54 - Сыйлы Инжил бла Забур

⁵⁴ Бу чиририк чархыбыз чиримезликни кийсе эм бу ёллюк чархыбыз ёлюмсюзлюкню кийсе, ол заманда уа, Китапда: «Ёлюм хорланып жокъ этилгенди», – деп жазылгъан сёз къабыл боллукъду.

I Коринфлилеге 15:54 Iomraidhean Croise

Лука 20:36

Энди ёлюрге да болаллыкъ тюйюлдюле, нек десегиз ала мёлеклеге тенгдиле эмда, тиргизилиуню уланлары болуп, Аллахны уланларыдыла.

Римлилеге 1:23

Эм ёмюрлюк Аллахны махтауун, чиририк адамгъа, къанатлылагъа, тёрт аякълылагъа, сюркелиучюлеге ушагъан суратлагъа тюрлендиргендиле.

Римлилеге 2:7

Тохтамай игилик этип, махтау, хурмет эм ёлюмсюзлюк излегенлеге ёмюрлюк жашау берир;

Римлилеге 6:12

Алай бла, сизни ёллюк чархыгъызда гюнях бийлик этмесин, сиз аны кюсегенлерине бойсунмазча.

Римлилеге 8:11

Иссаны ёлгенледен тиргизген Аллахны Нюрю сизде жашай эсе уа, сора Масихни ёлгенледен тиргизген Аллах, Кесини сизде жашагъан Нюрю бла, сизни ёллюк чархларыгъызгъа да жашау берликди.

II Коринфлилеге 4:11

Ол себепден, бизни ёллюк чархыбызда Иссаны жашауу ачыкъ кёрюнюр ючюн, биз саула Исса ючюн тохтаусуз ёлюмге бериле турабыз.

II Коринфлилеге 5:4

Биз, бу чархыбызда тургъан заманыбызда, ауур жюк тюбюнде ахтынабыз; нек десегиз тешинирге сюймейбиз, ёллюк чархыбызны ёлюмсюзлюк жутар ючюн кийинирге сюебиз.

II Фесалоникачылагъа 1:10

Быланы бары да Раббий Кесини сыйлы халкъында махтаулу болургъа эмда битеу ийманлыларын сейирсиндирирге келген кюнюнде боллукъду. Сиз а ийманлыласыз; нек десегиз бизни шагъатлыгъыбызгъа ийнаннгансыз.

Билим Ачханы 20:14

Андан сора ёлюм да, ахырат да от кёлге атылдыла. От кёл экинчи ёлюмдю.

Билим Ачханы 21:4

Аллах аланы кёзлеринден хар жилямукъларын сюртюрюкдю, энди ёлюм боллукъ тюйюлдю. Не бушуу, не ачы къычырыкъ, не ауруу энди боллукъ тюйюлдю; нек десенг алгъыннгы озгъанды», – дегенин эшитдим.