I Коринфлилеге 15:52 - Сыйлы Инжил бла Забур

⁵² Билмей тургъанлай, кёзню жумуп ачхынчы, ахыргъы сур быргъы согъулгъанда тюрленирикбиз; нек десегиз сур согъуллукъду, ёлгенле да чиримезлик болуп тиргизилликдиле, биз а тюрленирикбиз;

I Коринфлилеге 15:52 Iomraidhean Croise

Забур 73:19

Сени кёгюрчюнюнгю жанын огъурсуз жаныуарлагъа берип къойма, унукъгъанларынгы жашауларын ёмюрге унутуп къойма.

Маттай 24:31

Ол Кесини мёлеклерин уллу ауазлы сур быргъы бла иерикди, ала Аны сайлагъанларын дунияны тёрт жанындан, кёклени бир къыйырындан бирси къыйырына дери жыярыкъдыла.

Ахия 5:25

Кертисин, кертисин айтама сизге: ёлгенле Аллахны Уланыны ауазын эшитирик эм эшитгенде сау боллукъ заман келеди, энди келген да этгенди.

Ахия 5:28

Мынга сейирсинмегиз: нек десегиз битеу къабырладагъыла Аллахны Уланыны ауазын эшитирик заман келеди.

I Коринфлилеге 15:23

Хар ким кесини кезиуюнде: биринчи тиргизилген Масихди, андан сора Аны келген заманында Масихникиле тиргизилликдиле.

I Коринфлилеге 15:42

Ёлгенлени тиргизилиую да алайды: чарх чирир зат болуп себиледи, чиримезлик болуп тиргизиледи.

I Коринфлилеге 15:50

Алай а муну сизге айтайым, къарындашла, эт бла къан Аллахны Патчахлыгъындан юлюшлю болаллыкъ тюйюлдюле эм чиририк, чиримезликден юлюшлю тюйюлдю.

I Фесалоникачылагъа 4:15

Муну бизге Раббий Кеси айтханды, энди биз да сизге айтабыз: биз, жашагъанла, Раббийни келлик заманына дери сау къалгъанла, ёлгенледен алгъа боллукъ тюйюлбюз.

II Петер 3:10

Раббийни кюню уа, кечегиде гудучу къалай келе эсе, алай келликди. Ол заманда кёкле таууш этип жокъ боллукъдула, табийгъатны затлары уа жанып бузуллукъдула, жер эм аны юсюнде этилген ишле кюерикдиле.

Билим Ачханы 8:13

Сора мен бир къушну кёкню ортасында учханын кёрдюм эмда уллу ауазы бла: «Юч мёлекни, ала согъарыкъ къалгъан сур быргъы тауушларындан, жер башында жашагъанлагъа палах, палах, палах!» – дегенин эшитдим.

Билим Ачханы 8:2

Сора мен ала Аллахны аллында тургъан жети мёлекни кёрдюм; алагъа жети сур быргъы берилди.