I Коринфлилеге 15:27 - Сыйлы Инжил бла Забур

²⁷ Нек десегиз Аллах барын да Масихни аякъ тюбюне бойсундургъанды. Анга бары да бойсуннганды деп айтылгъанда уа, Анга барын да бойсундургъан Аллах бери саналмагъаны белгилиди.

I Коринфлилеге 15:27 Iomraidhean Croise

Забур 8:6

Сен аны мёлекледен бираз алаша этгенсе, махтау эм хурмет тажны аны башына салгъанса;

Маттай 11:27

Мени Атам хар нени да Манга бергенди. Уланын Атадан башха бир киши да билмейди; Атаны да Уланындан бла, Улан билдирирге сюйген адамдан башха бир киши да билмейди.

Маттай 28:18

Исса, жууукълашып, алагъа: «Кёкде да, жерде да хар тюрлю оноу да Манга берилгенди:

Ахия 13:3

Исса, барын да Ата Аны къолуна бергенин эмда Ол Аллахдан чыгъып келгенин эм Аллахха къайтырыгъын билип,

Ахия 3:35

Ата Уланын сюеди эм барын да Аны къолуна бергенди.

Эфеслилеге 1:20

Ол къудурет, Аллах, Масихни ёлгенледен тиргизип, кёкледе Кесини онг жанында олтуртхан заманында Масихде кёргюзтген деменгили кючю этгенча ишле этеди.

Эфеслилеге 1:22

Эм битеу барын да Аны аякъ тюбюне бойсундургъанды эм Аны битеу барындан да уллугъа салып, Аны Жамауатына баш этгенди.

Чюйютлелеге 1:13

Аллах мёлеклени кимине къачан: «Мен душманларынгы Сени аякъ тюбюнге салгъынчыгъа дери, Мени онг жанымда олтур», – деп айтханды?

Чюйютлелеге 10:12

Исса уа, гюняхла ючюн бир къурман келтирип, ёмюрлюкге Аллахны онг жанында олтургъанды.

Чюйютлелеге 2:8

Хар нени да аны аякъ тюбюне бойсундургъанса», – дегенди. Аллах хар нени да адамгъа бойсундургъанында, анга бойсундурмай бир затны да къоймагъанды. Энди уа алыкъа хар неда адамгъа бойсунуп кёрмейбиз.

I Петер 3:22

Масих Исса уа, кёкге чыгъып, Аллахны онг жанындады. Анга мёлекле да, властьла да, кючле да бойсуннгандыла.

Билим Ачханы 1:18

Сау Менме. Ёлген да болгъанма; ма къара, ёмюрледен ёмюрлеге да саума. Амин. Ахыратны эм ёлюмню ачхычлары Мендедиле.