I Коринфлилеге 15:2 - Сыйлы Инжил бла Забур

² Мен сизге берген Хайыр Хапарны мен юйретгенча тута эсегиз, сиз аны бла къутхарыласыз. Алай тюйюл эсе уа сизни ийман салгъаныгъыз бошунады.

I Коринфлилеге 15:2 Iomraidhean Croise

Лука 8:13

Таш юсюне тюшген а, ала сёзню эшитген заманларында, къууанып къабыл этгенле, алай болсада аланы тамырлары болмай, бир кезиуге ийнаннганла, сыналыу заманда уа иймандан тайгъанладыла.

Ишлери 2:47

Аллахха махтау сала, битеу халкъгъа кеслерин сюйдюре эдиле. Раббий да хар кюнден жангы къутхарылгъанланы жамауатха къоша эди.

Ишлери 8:13

Шимон кеси да ийнаннган эди эм сууда кёмюлдюрюлюп, Филипни къатындан кетмей эди; эм болуннган илишанланы бла уллу къудуретли ишлени кёрюп сейирсине эди.

Римлилеге 1:16

Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

Римлилеге 11:22

Алай бла Аллахны ахшылыгъын эм къатылыгъын кёресе. Ол тайып къалгъанлагъа къатыды; санга уа, Аны ахшылыгъында турсанг, ахшылыкълыды; турмасанг а, сен да кесилип тюшериксе.

I Коринфлилеге 1:18

Къачны юсюнден сёз жоюла тургъанлагъа акъылсызлыкъды, бизге уа, къутхарылгъанлагъа, Аллахны кючюдю.

I Коринфлилеге 1:21

Нек десегиз Аллахны акъылманлыгъына кёре, бу дуния кесини акъылманлыгъы бла Аллахны танымагъаны себепли, Аллах ийнаннганланы, акъылсызлыкъгъа саналгъан хапар бла къутхарыргъа тап кёргенди.

I Коринфлилеге 11:2

Къарындашла, сиз, мен юйретгенлени барысын да эсигизде тутуп, сизге юйретгенимча этгенигиз ючюн, сизни махтайма.

I Коринфлилеге 15:14

Масих тиргизилмеген эсе уа, сора бизни билдириуюбюз бошду, сизни ийнаныуугъуз да бошду.

II Коринфлилеге 2:15

Нек десегиз биз, къутхарыла тургъанлада эм жоюла тургъанлада Аллахха Масихни ариу ийисибиз:

II Коринфлилеге 6:1

Биз а, Аллах бла бирге урунуучулача, Аллахны шафауатын къабыл этгенигиз бошуна болмасын деп, сизге жалбарабыз.

Галатиялылагъа 3:4

Сизни ол къадар къыйынлыкъгъа тёзгенигиз керексизгеми болду? Кертиси да была бары да керексизге тюйюлдюле.

Эфеслилеге 2:8

Нек десегиз сиз Аны шафауаты бла, ийнаныуугъузну юсю бла къутхарылгъансыз, ол да сиз жетишген зат тюйюлдю, Аллахны саугъасыды.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

II Фесалоникачылагъа 2:15

Алай бла, къарындашла, къаты туругъуз эм сиз не сёз бла, неда бизни жазып ийгенибиз бла юйреннген окъууугъузну тутугъуз.

II Тимотейге 1:9

Аллах, бизни ишлерибизге кёре тюйюл, Кесини муратына эм шафауатына кёре бизни къутхарып, сыйлы жашаугъа чакъыргъанды. Ол шафауат бизге Масих Иссада ёмюрледен да алгъын берилгенди,

Чюйютлелеге 10:23

Ачыкъ къабыл этген умутубузну таймай тутайыкъ, нек десегиз бизге сёз Берген ышаннгылыды.

Чюйютлелеге 2:1

Ол себепден биз, тюз жолдан ажашмаз ючюн, эшитгенлерибизге бек эс берирге керекбиз.

Чюйютлелеге 3:14

Нек десегиз алгъы бурун бизде болгъан ышаныуубузну ахырына дери къаты сакъласакъ, биз Масих бла бир боллукъбуз.

Чюйютлелеге 3:6

Масих а Аллахны юйюнде Уланыча тюздю. Биз таукеллигибизни эм аны бла махтаннган ышаныуубузну ахырына дери къаты сакъласакъ, Аны юйю бизбиз.

Чюйютлелеге 4:14

Алай бла, Аллахны Уланы Исса кёкледен озгъан уллу Баш Дин Къуллукъчубуз болгъанына кёре, ачыкъ къабыл этген ийманыбызны къаты тутайыкъ.

Якъуп 2:14

Къарындашларым, адам ийманым барды дей эсе, ахшы ишлери уа жокъ эсе, не файда? Аллай ийман аны къутхаралырмы?

Якъуп 2:17

Ийман да алай, ахшы ишлери жокъ эсе, кеси-кесинлей ёлюдю.

Якъуп 2:26

Нек десегиз, сан нюрсюз ёлю болгъаны кибик, ийнаныу да ахшы ишсиз ёлюдю.