I Коринфлилеге 15:15 - Сыйлы Инжил бла Забур

¹⁵ Аны юсюне да биз Аллахны юсюнден ётюрюк шагъатлыкъ этиучюле болур эдик; нек десегиз Аллах Масихни тиргизгенди деп шагъатлыкъ этгенбиз. Ёлгенле керти да тиргизилмей эселе уа, Аллах Масихни да тиргизмегенди.

I Коринфлилеге 15:15 Iomraidhean Croise

Ишлери 2:24

Аллах а, ёлюмню бугъоуларын бузуп, Аны тиргизгенди; нек десегиз ёлюмге Аны тыяргъа амал жокъ эди.

Ишлери 2:32

Бу Иссаны Аллах тиргизгенди, анга биз барыбыз да шагъатлабыз.

Ишлери 20:21

Иудейлилени да, греклилени да Аллахны аллында тобагъа къайтышыргъа эмда Раббийибиз Масих Иссагъа ийнаныргъа чакъыргъанма.

Ишлери 4:10

Сизни барыгъызгъа да, битеу Израильни халкъына да белгили болсун, сиз къачха керген, Аллах а ёлгенледен тиргизген Назаретли Масих Иссаны аты бла бу адам сау болуп аллыгъызда сюелип турады.

Ишлери 4:33

Абустолла уа уллу кюч бла Раббий Масих Иссаны тиргизилгенине шагъатлыкъ эте эдиле эм аланы барысыны да юслеринде уллу шафауат бар эди.

I Коринфлилеге 15:13

Ёлгенлеге тиргизилиу жокъ эсе уа, Масих да тиргизилмегенди.

I Коринфлилеге 15:16

Ол себепден ёлгенле тиргизилмей эселе, Масих да тиргизилмегенди.

I Коринфлилеге 15:20

Алай а Масих, ёлгенледен биринчи болуп, ёлюмден тиргизилгенди.