I Коринфлилеге 15:1 - Сыйлы Инжил бла Забур

¹ Къарындашла, мен сизге билдирген эмда сиз къабыл этип аны бла бегиген Хайыр Хапарны эсигизге салама.

I Коринфлилеге 15:1 Iomraidhean Croise

Ахия 12:48

Мени къабыл этмегенни эм Мени сёзлерими алмагъанны кесини сюдюсю барды: Мен айтхан сёз ахыр кюн анга сюд этерикди.

Ишлери 11:1

Абустолла бла Иудеяда болгъан къарындашла, башха миллетлиле да Аллахны сёзюн къабыл этгенлерин эшитген эдиле.

Ишлери 2:41

Алай бла аны сёзюн сюйюп алгъанла, сууда кёмюлдюрюлдюле. Ол кюн жамауатха юч минг чакълы адам къошулду.

Римлилеге 11:20

Тюздю. Ала иймансызлыкъдан сыннгандыла, сен а ийманынг бла тураса: ёхтем болма, алай а къоркъ.

Римлилеге 2:16

Мен билдирген Хайыр Хапаргъа кёре, Аллах Масих Иссаны юсю бла адамланы таша ишлерине сюд этерик кюнюнде алай боллукъду.

Римлилеге 5:2

Аны юсю бла уа ийнаныуубуз бла бу биз тургъан шафауатха эркинлик алгъанбыз эм Аллахны махтаууна ышаныу бла махтанабыз.

I Коринфлилеге 16:13

Сагъайып болугъуз, ийманда туругъуз, кишилиги болгъанла, кючлюле болугъуз;

I Коринфлилеге 3:6

Мен орнатханма, Аполлос сугъаргъанды, ёсдюрген а Аллах этгенди;

I Коринфлилеге 4:15

Нек десегиз сизни Масихни жолунда минг устазыгъыз бар эсе да, аталарыгъыз а кёп жокъду. Сизге Хайыр Хапарны билдириуюм бла Масих Иссада сизни мен туудургъанма.

II Коринфлилеге 1:24

Бу уа сизни ийманыгъыз бизни оноуубузда болур ючюн кюрешгенден тюйюлдю; алай а, сиз къууаныр ючюн, биз сизни бла бирге ишлеучю нёгерлебиз. Нек десегиз сиз ийманда къаты турасыз.

I Фесалоникачылагъа 1:6

Сиз да бизге эм Раббийге эниклеучюле болгъансыз; кёп къыйынлыкъла сынагъан эсегиз да, Сыйлы Нюр берген къууанч бла Аллахны сёзюн къабыл этгенсиз.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

I Фесалоникачылагъа 4:1

Къарындашла, сиз къалай жашаргъа эмда Аллахны къалай ыразы этерге керек болгъаныгъызгъа бизден юйреннгенсиз. Сиз да алай жашайсыз. Ахырында бу ишде андан да бек жетишимли болугъуз деп, сизден Раббий Иссаны аты бла тилейбиз эм жалбарабыз.

II Фесалоникачылагъа 3:6

Раббийибиз Масих Иссаны аты бла, къарындашла, сизге фарыз этебиз, сиз бизден эшитген юйрениуню тутмай, ишлемей бош айланнган хар къарындашдан узакъ болугъуз.

I Петер 5:12

Муну къысха жазып, мен сизге, мен ышаннгылы къарындашха санагъан Силуанны къолу бла иеме. Бу сиз ийнанып тургъан Аллахны хакъ керти шафауаты болгъанына шагъатлыкъ этип, сизге кёл этдиреме.