I Коринфлилеге 14:4 - Сыйлы Инжил бла Забур

⁴ Билинмеген тилде сёлешген адам кесикесин ёсдюреди, файгъамбарлыкъ этген адам а жамауатны ёсдюреди.

I Коринфлилеге 14:4 Iomraidhean Croise

Марк 16:17

Ийнаннганлада уа быллай илишанла боллукъдула: Мени атым бла жинлени къыстарыкъдыла, жангы тилле бла сёлеширикдиле.

Римлилеге 14:19

Алай бла жарашыулукъ келтирген эм бир-бирибизни нюр бла кючлендириуге жарагъан затланы излейик.

I Коринфлилеге 12:10

Биреуге къудуретли ишле этиу, башхасына файгъамбарлыкъ, башхасына нюрлени айырып таныу, башхасына тюрлю тилле, башхасына тиллени ангылатыу фахму бериледи.

I Коринфлилеге 12:28

Аллах сора бир къауумланы жамауатда биринчиге абустолла этип, экинчиге файгъамбарла этип, ючюнчюге устазла этип салгъанды. Андан сора бир къауумлагъа къудуретли ишле этерге кючле эмда ауругъанланы сау этиу саугъала, болушлукъ этиу, оноу этиу, тюрлю-тюрлю тилле бергенди.

I Коринфлилеге 13:1

Мен адам тилледе эм мёлек тилледе окъуна сёлеше эсем да, сюймеклигим жокъ эсе уа, сора мен зынгырдагъан багъырма неда таууш этген кимвалма.

I Коринфлилеге 13:2

Файгъамбарлыгъым бар эсе да эм битеу тасхаланы биле эсем да эм, хар тюрлю билимим эм битеу ийнаныуум болуп, алай бла тауланы бир жерден бир жерге окъуна салаллыкъ эсем да, сюймеклигим жокъ эсе уа, сора мен бир зат да тюйюлме.

I Коринфлилеге 14:12

Сиз да алай, Сыйлы Нюрден берилген фахмула алыр ючюн эришгенигизге кёре, жамауатны нюр жанындан ёсдюрюрча фахмуладан бай болургъа кюрешигиз.

I Коринфлилеге 14:22

Алай бла, тилле ийнаннганлагъа тюйюл, ийнанмагъанлагъа, файгъамбарлыгъ’а ийнанмагъанлагъа тюйюл, ийнаннганлагъа илишанды.

I Коринфлилеге 14:26

Сора не, къарындашла? Сизни жыйылгъан заманыгъызда, сизни хар биригизде да зикир барды, юйретиу барды, тил барды, билим ачылыу барды, тилни ангылатыу барды. Была бары да жамауатны нюр жанындан ёсдюрюр ючюн болсунла.

I Коринфлилеге 14:3

Файгъамбарлыкъ этген а, адамланы нюр жанындан ёсдюрюрге, кёл этдирирге эм жапсарыргъа адамлагъа айтады.

I Коринфлилеге 14:5

Сиз барыгъыз да тилледе сёлеширигизни сюеме, алай а файгъамбарлыкъ этсегиз игиди; нек десегиз тилледе сёлешген адам жамауатны нюр жанындан ёсдюрюр ючюн айтханларын кёчюрмесе, файгъамбарлыкъ этиучюден гитчеди.