I Коринфлилеге 14:3 - Сыйлы Инжил бла Забур

³ Файгъамбарлыкъ этген а, адамланы нюр жанындан ёсдюрюрге, кёл этдирирге эм жапсарыргъа адамлагъа айтады.

I Коринфлилеге 14:3 Iomraidhean Croise

Лука 3:18

Алай бла ол, халкъгъа башха кёп акъыл да юйретип, Хайыр Хапарны билдире эди.

Ишлери 13:15

Тауратдан бла файгъамбарланы китапларындан окъугъандан сора, синагоганы башчылары, алагъа адам ийип: «Къарындашла! Сизни халкъгъа насийхат берир сёзюгюз бар эсе, айтыгъыз», – деп айтдырдыла.

Ишлери 14:22

Ол жерледе сохталаны жюреклерине кёл этдирип, ийманда къаты турургъа тюшюндюрюп эм: «Аллахны Патчахлыгъына кёп инжилиуле бла кирирге керекбиз», – деп юйрете эдиле.

Ишлери 15:32

Иуда бла Сила уа, кеслери да файгъамбарла болуп, кёп сёзле бла къарындашлагъа кёл этдирип, аланы ийманда кючлендирдиле.

Ишлери 4:36

Сёз ючюн, Кипрде туугъан эмда абустолла Барнаба – алай демеклик «кёллендириуню жашы» – деп атагъан Левийли Юсюпню,

Ишлери 9:31

Битеу Иудеяда, Галилеяда эм Самарияда болгъан жамауат ла ырахатлыкъда эди ле. Ийманда ёсе, Раббийден къоркъуу бла жашай, Сыйлы Нюрден кёлленип кёп бола эди ле.

Римлилеге 12:8

Насийхатчы эсе, насийхат берсин; юлешиучю эсе, чомартлыкъ бла юлешсин; башчы эсе, кёл салып башчылыкъ этсин; мархамат этиу фахмусу болгъан муну жарыкъ кёллюлюк бла этсин.

Римлилеге 14:19

Алай бла жарашыулукъ келтирген эм бир-бирибизни нюр бла кючлендириуге жарагъан затланы излейик.

Римлилеге 15:2

Бизни хар бирибиз да, жууугъун нюр бла бегимли этер ючюн, анга игилик болсун деп, жууугъуну кёлюне жараргъа керекди.

I Коринфлилеге 10:23

Мен хар затны да этерге эркинме, хайырлы уа хар зат да тюйюлдю; мен хар затны да этерге эркинме, адамны нюр жанындан ёсдюрген а хар зат тюйюлдю.

I Коринфлилеге 14:12

Сиз да алай, Сыйлы Нюрден берилген фахмула алыр ючюн эришгенигизге кёре, жамауатны нюр жанындан ёсдюрюрча фахмуладан бай болургъа кюрешигиз.

I Коринфлилеге 14:17

Сен ахшы шукур этесе, алай а башхасы нюр жанындан ёсдюрюлмейди.

I Коринфлилеге 14:26

Сора не, къарындашла? Сизни жыйылгъан заманыгъызда, сизни хар биригизде да зикир барды, юйретиу барды, тил барды, билим ачылыу барды, тилни ангылатыу барды. Была бары да жамауатны нюр жанындан ёсдюрюр ючюн болсунла.

I Коринфлилеге 14:31

Нек десегиз барыгъыз да юйренир ючюн эм барыгъыз да кёллендирилир ючюн, барыгъыз да бир-бири ызыгъыздан файгъамбарлыкъ этерге боллукъсуз.

I Коринфлилеге 8:1

Идоллагъа этилген къурманланы этлерини юсюнден биз билебиз; нек десегиз бизни барыбызны да билимибиз барды. Алай а билим адамны эсирик этеди, сюймеклиг’а нюр жанындан ёсдюреди.

II Коринфлилеге 1:4

Аллах бизни кесибизни жапсаргъан жапсарыу бла биз хар тюрлю къыйынлыкъда болгъанланы жапсарыргъа болалыр ючюн, Аллах бизни хар тюрлю къыйынлыгъыбызда да жапсарады.

II Коринфлилеге 2:7

Алай бла, аны чексиз мудахлыкъ алмаз ючюн, энди сиз аны кечсегиз эм жапсарсагъыз игиди.

Эфеслилеге 4:29

Сизни ауузугъуздан бир тюрлю аман сёз чыкъмасын, жаланда, кереклисича, эшитгенлени нюр жанындан ёсдюрюп, алагъа шафауат тапдырырча ахшы сёз чыкъсын.

Эфеслилеге 6:22

Аны уа мен сизге ийгеним, сиз бизни хапарыбызны билир ючюн эмда ол сизни жюреклеригизни жапсарыр ючюндю.

Колослулагъа 4:8

Аны уа мен сизге, ол сизни халыгъызны билир эм сизни жюреклеригизни жапсарыр ючюн иеме.

I Фесалоникачылагъа 2:11

Нек десегиз сиз билесиз, сизни хар биригизден да, ата кесини сабийлеринден тилегенча,

I Фесалоникачылагъа 2:3

Нек десегиз бизни чакъырыуубузда не ажашыулукъ, не аман ниетлилик жокъду неда биз сизни алдаргъа кюрешмейбиз.

I Фесалоникачылагъа 3:2

Эмда сизни бегимли этер ючюн эм сизни ийманыгъызда кёллендирир ючюн, къарындашыбыз эм Аллахха къуллукъ этиучю, Масихни Хайыр Хапарын жайыуда нёгерибиз Тимотейни ийген эдик.

I Фесалоникачылагъа 4:1

Къарындашла, сиз къалай жашаргъа эмда Аллахны къалай ыразы этерге керек болгъаныгъызгъа бизден юйреннгенсиз. Сиз да алай жашайсыз. Ахырында бу ишде андан да бек жетишимли болугъуз деп, сизден Раббий Иссаны аты бла тилейбиз эм жалбарабыз.

I Фесалоникачылагъа 4:18

Ол себепли бир-биригизни бу сёзле бла жапсарыгъыз.

II Фесалоникачылагъа 3:12

Аллайлагъа биз Раббийибиз Масих Иссаны аты бла айтабыз, ала, дауурсуз ишлеп, кеслерини къыйынларын ашасынла деп буюрабыз.

I Тимотейге 1:4

Бу затла Аллахны ийманнга таяннган низамына къуллукъ этиуден эсе, даулашыуланы кёп чыгъарадыла.

I Тимотейге 4:13

Мен келгинчи, Сыйлы Китапланы жамауатха окъуу бла, насийхат бериу бла, юйретиу бла кюреш.

I Тимотейге 6:2

Ийманлы бийлери болгъан къулла да, алагъа сансыз къараргъа керек тюйюлдюле, нек десенг ала къарындашладыла; алай а ала ийманлыла эм сюйюлюннгенле болуп эмда алагъа игилик этип тургъанлары ючюн, алагъа андан да иги къуллукъ этерге керекдиле. Бу затлагъа юйрет эм ангылат.

II Тимотейге 4:2

Аллахны сёзюн билдир, заманында да, замансыз да бу ишни бардыр, адамланы тёзюмлюлюк бла юйретип айыпла, тый эмда кёллендир.

Титге 1:9

Башхаланы тюз юйретиу бла кёллендирирге эмда къажау тургъанланы тюшюндюрюрге кючю болур ючюн, кеси юйретилгенича, Аллахны ышаннгылы сёзюн къаты тутаргъа керекди.

Титге 2:15

Быланы айт, хар тюрлю кюч бла тюшюндюр эм айыпла, сени бир киши да сансыз этмесин.

Титге 2:6

Аны кибик жаш уланлагъа да оюмлу болургъа айтып ангылат.

Титге 2:9

Къуллагъа кеслерини бийлерине боюн салыргъа, хар не жаны бла да аланы кёллерине жетерге, аман жууап этмезге,

Чюйютлелеге 10:25

Бир къауумланы адетлерича, кесибизни жыйылыуубузну къоймайыкъ, алай а Иссаны келир кюню жууукълашханын эслеуюбюз бла бир-бирибизни бегирек да кёллендирейик.

Чюйютлелеге 13:22

Къарындашла, сизден тилейме, бу насийхат сёзюмю тёзюмлюк бла къабыл этигиз; мен а сизге кёп да жазмагъанма.

Чюйютлелеге 3:13

Алай а, сизден биреу да гюняхха алдатып терсакъыл болмаз ючюн, заман бошалгъынчы хар кюн сайын бир-биригизге кёл этдиригиз.

I Петер 5:12

Муну къысха жазып, мен сизге, мен ышаннгылы къарындашха санагъан Силуанны къолу бла иеме. Бу сиз ийнанып тургъан Аллахны хакъ керти шафауаты болгъанына шагъатлыкъ этип, сизге кёл этдиреме.

Яхуда 1:20

Сиз а, сюйюлюннгенле, эм сыйлы ийманыгъыз бла кесигизни кючлендирип, Сыйлы Нюр бла тилек этигиз.