I Коринфлилеге 14:26 - Сыйлы Инжил бла Забур

²⁶ Сора не, къарындашла? Сизни жыйылгъан заманыгъызда, сизни хар биригизде да зикир барды, юйретиу барды, тил барды, билим ачылыу барды, тилни ангылатыу барды. Была бары да жамауатны нюр жанындан ёсдюрюр ючюн болсунла.

I Коринфлилеге 14:26 Iomraidhean Croise

Римлилеге 1:13

Къарындашла, сизге билдирмей къояргъа сюймейме, башха миллетледе болгъаны кибик, сизде да хайырым болур ючюн, мен сизге келирге кёп кере ниет этгенме, алай а эндиге дери окъуна чырмаулагъа жолугъуп тургъанма.

Римлилеге 12:7

Къуллугъу болгъан, къуллукъ этиуде турсун; устаз эсе устазлыкъ этсин.

Римлилеге 14:19

Алай бла жарашыулукъ келтирген эм бир-бирибизни нюр бла кючлендириуге жарагъан затланы излейик.

Римлилеге 15:2

Бизни хар бирибиз да, жууугъун нюр бла бегимли этер ючюн, анга игилик болсун деп, жууугъуну кёлюне жараргъа керекди.

I Коринфлилеге 14:15

Сора не этейим? Нюрюм бла да этерикме тилек, акъылым бла да этерикме тилек; нюрюм бла да зикир айтырыкъма, акъылым бла да зикир айтырыкъма.

I Коринфлилеге 14:2

Нек десегиз билинмеген тилде сёлешген адам, адамлагъа тюйюл, Аллахха айтады; нек десегиз аны киши ангыламайды, ол нюрю бла таша затланы айтады.

I Коринфлилеге 14:27

Билинмеген тилде сёлеширикле бар эселе уа, эки неда кёбюсю юч адам бир-бири ызындан сёлешсинле, биреу да айтылгъанланы ангылатсын.

I Коринфлилеге 14:40

Хар неда адеп бла эм низам бла болсун ансы.

II Коринфлилеге 12:19

Алыкъа биз жаланда сизни аллыгъызда кесибизни ариулагъанмы сунасыз? Биз муну, Масихникиле болуп, Аллахны аллында айтабыз. Была бары да, сюйюлюннгенле, сиз ийманда кючленир ючюндюле.

II Коринфлилеге 13:10

Кесим сизни арагъызда болмай муну жазгъаным а, келген заманымда, Раббий манга бузаргъа тюйюл, къураргъа берген эркинлигим бла къатылыкъ этмез ючюндю.

Эфеслилеге 4:12

Сыйлыла тамамлы болуп, къуллукъ этер ючюн эмда Масихни чархы ёсер ючюн, алай этгенди.

Эфеслилеге 4:16

Аны оноуунда битеу чарх, хар тюрлю жалгъагъан байламлыкъланы болушлугъу бла къуралып эм къошулуп, хар санны тап ишлеую бла ёсюм алады эм алай бла кесикесин сюймекликде ёсдюрюп кючлендиреди.

Эфеслилеге 4:29

Сизни ауузугъуздан бир тюрлю аман сёз чыкъмасын, жаланда, кереклисича, эшитгенлени нюр жанындан ёсдюрюп, алагъа шафауат тапдырырча ахшы сёз чыкъсын.

Эфеслилеге 5:19

Бир-биригизни Забур бла гимнле бла эмда Сыйлы Нюр учундургъан зикир айтыула бла юйрете, битеу жюрегигизден Раббийге зикир айтыгъыз эмда махтау салыгъыз.

I Фесалоникачылагъа 5:11

Ол себепден, сиз этгенигиз кибик, бирбиригизни жапсарыгъыз эм нюр жанындан бегимли этигиз.