I Коринфлилеге 14:2 - Сыйлы Инжил бла Забур

² Нек десегиз билинмеген тилде сёлешген адам, адамлагъа тюйюл, Аллахха айтады; нек десегиз аны киши ангыламайды, ол нюрю бла таша затланы айтады.

I Коринфлилеге 14:2 Iomraidhean Croise

Забур 78:2

Сени къулларынгы мыллыкларын кёкде учхан къанатлылагъа, Сени сыйлыларынгы ёлюклерин жердеги жаныуарлагъа ашаргъа бердиле.

Маттай 13:11

Ол, алагъа жууапха: «Кёклени Патчахлыгъыны сырлары сизге ачылгъандыла, алагъа уа ачылмагъаны ючюн.

Марк 16:17

Ийнаннганлада уа быллай илишанла боллукъдула: Мени атым бла жинлени къыстарыкъдыла, жангы тилле бла сёлеширикдиле.

Марк 4:11

Исса алагъа: «Аллахны Патчахлыгъыны сыры сизге ачылгъанды, ол тышхылагъа уа бары да оюм берген таурухла бла айтылады.

Ишлери 10:46

Нек десегиз аланы, кеслери билмеген тилле бла сёлешип, Аллахны уллулугъуна махтау салгъанларын эшите эдиле. Ол заманда Петер:

Ишлери 19:6

Сора Пауул аланы юслерине къолларын салгъанда, алагъа Сыйлы Нюр тюшдю эмда ала кеслери билмеген тилледе сёлешип, файгъамбарлыкъ этип башладыла.

Ишлери 22:9

Мени биргеме болгъанла уа жарыкъны кёрген эдиле, мени бла Сёлешгенни айтханын а ангыламагъан эдиле.

I Коринфлилеге 12:10

Биреуге къудуретли ишле этиу, башхасына файгъамбарлыкъ, башхасына нюрлени айырып таныу, башхасына тюрлю тилле, башхасына тиллени ангылатыу фахму бериледи.

I Коринфлилеге 12:28

Аллах сора бир къауумланы жамауатда биринчиге абустолла этип, экинчиге файгъамбарла этип, ючюнчюге устазла этип салгъанды. Андан сора бир къауумлагъа къудуретли ишле этерге кючле эмда ауругъанланы сау этиу саугъала, болушлукъ этиу, оноу этиу, тюрлю-тюрлю тилле бергенди.

I Коринфлилеге 13:1

Мен адам тилледе эм мёлек тилледе окъуна сёлеше эсем да, сюймеклигим жокъ эсе уа, сора мен зынгырдагъан багъырма неда таууш этген кимвалма.

I Коринфлилеге 13:2

Файгъамбарлыгъым бар эсе да эм битеу тасхаланы биле эсем да эм, хар тюрлю билимим эм битеу ийнаныуум болуп, алай бла тауланы бир жерден бир жерге окъуна салаллыкъ эсем да, сюймеклигим жокъ эсе уа, сора мен бир зат да тюйюлме.

I Коринфлилеге 14:16

Ол себепден сен нюрюнг бла Аллахха шукур этсенг, сора алайда тургъан бош адам сени шукур дууанга: «Амин», – деп къалай айтыр? Нек десенг ол сени не айтханынгы ангыламайды.

I Коринфлилеге 14:26

Сора не, къарындашла? Сизни жыйылгъан заманыгъызда, сизни хар биригизде да зикир барды, юйретиу барды, тил барды, билим ачылыу барды, тилни ангылатыу барды. Была бары да жамауатны нюр жанындан ёсдюрюр ючюн болсунла.

I Коринфлилеге 15:51

Ма, сизге тасханы айтама: биз барыбыз ёллюк тюйюлбюз, алай а барыбыз да,

I Коринфлилеге 2:10

Бизге уа Аллах аны Кесини Нюрю бла ачыкъ этгенди, нек десегиз Нюр хар нени да Аллахны теренликлерин да тинтеди.

I Коринфлилеге 2:7

Алай а Аллах ёмюрледен да алгъа бизни махтауубузгъа буюргъан, Аллахны таша, жашырын акъылманлыгъын билдиребиз.

Эфеслилеге 6:19

Эм мени ючюн да тилек этигиз; мен Хайыр Хапарны сырын таукеллик бла ачыкъ билдирирге манга сёз берилир ючюн,

Колослулагъа 2:2

Аланы жюреклери жапсарылып, сюймеклик бла бирлешип, хар не жаны бла да толу ангылаудан бай болуп, ала Аллах Ата ны тасхасын – Масихни ангылар ючюн алай этеме.

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

I Тимотейге 3:9

Ийманны тасхасын таза жюрекде сакълаучула болургъа керекдиле.

Билим Ачханы 10:7

Жетинчи мёлекни ауазыны кюнлеринде уа, ол сур быргъы сокъгъан заманда, Аллах Кесини файгъамбар къулларына хайыр хапар билдиргени кибик, Аллахны жашырын планы тамамланырыкъды», – деди.