I Коринфлилеге 13:7 - Сыйлы Инжил бла Забур

⁷ Барына да тёзеди, барына да ийнанады, барына да ышанады, хар нени да кётюреди.

I Коринфлилеге 13:7 Iomraidhean Croise

Маттай 10:22

Мени атым ючюн сизни бары да кёрюп болмай къаллыкъдыла; ахырына дери тёзген а къутхарыллыкъды.

Марк 9:23

Исса анга: «Эталлыкъ эсенг дейсе; ийнаннганнга хар нени да этерге боллукъду», – деди.

Римлилеге 15:1

Биз, ийманы къарыулула, кесибиз сюйгенни этмей, къарыусузланы зайифликлерин кётюрюрге борчлубуз.

Римлилеге 8:24

Нек десегиз биз бу ышаныуубуз бла къутхарылгъанбыз. Ышаннган затыбыз кёрюне эсе уа, ол ышаныу тюйюлдю, нек десегиз адам ышаннганын кёре эсе, сора аны энтда ышаныргъа не кереги барды?

I Коринфлилеге 13:4

Сюймеклик кёп тёзюмлюдю, хатерлиди, сюймеклик зарланмайды, сюймеклик кесин ёрге кётюрмейди, ёхтемлик этмейди,

I Коринфлилеге 9:12

Башхаланы сизде бу эркинликлери бар эсе, бизни уа бегирек да жокъмуду? Алай болгъанлыкъгъа биз бу эркинлик бла хайырланмагъанбыз, алай а, Масихни Хайыр Хапарына бир тюрлю чырмау салмаз ючюн, хар неге да тёзебиз.

Галатиялылагъа 6:2

Бир-биригизни къыйынлыгъын кётюрюгюз, алай бла Масихни Законун толтурурсуз.

II Фесалоникачылагъа 1:4

Алай бла, биз кесибиз Аллахны жамауатларында сизни бла махтанабыз, сиз сынагъан битеу зулмулукълада эм къайгъылада сизни тёзюмюгюз бла эм ийманыгъыз бла махтанабыз.

II Тимотейге 2:24

Раббийни къулуна уа къаугъачы болургъа жарамайды, алай а барына да жумушакъ, юйретирге билген, тёзюмлю болургъа,

II Тимотейге 3:11

Сынагъан зулмулукъларымы эм къыйынлыкъларымы, Антиохияда, Иконияда, Листрада башыма келген къыйынлыкъланы кёрюп тургъанса. Мен къаллай зулмулукъла сынагъан эсем да, Раббий мени аланы барындан да къутхаргъанды.

II Тимотейге 4:5

Алай а сен хар не жаны бла да сакъ бол, къыйынлыкълагъа тёз, Хайыр Хапарчылыкъны ишин эт, къуллукъ этиуюнгю толтур.

Чюйютлелеге 13:13

Алай бла, Аны ючюн бедишлик этилгенибизге тёзе, ыстауатдан тышына чыгъып, Анга барайыкъ.

Якъуп 1:12

Сыналыугъа чыдагъан адам насыплыды; нек десегиз ол, сыналып, Раббий Аны сюйгенлеге берирге айтхан жашауну тажын аллыкъды.

I Петер 2:24

Биз, гюняхларыбыздан къутулуп, тюзлюк амалтын жашар ючюн, Ол Кеси бизни гюняхларыбызны Кесини чархы бла къачха кётюргенди. Сиз Аны жаралары бла сау этилгенсиз.

I Петер 4:8

Хар неден да бег’а бир-биригизге жюрекден сюймеклигигиз болсун; нек десегиз сюймеклик кёп гюняхланы жабады.