I Коринфлилеге 13:5 - Сыйлы Инжил бла Забур

⁵ Адепсизлик этмейди, кесине файданы излемейди, ёпкелемейди, аман ниет тутмайды,

I Коринфлилеге 13:5 Iomraidhean Croise

Маттай 5:22

Мен а сизге: кесини къарындашына керексиз ачыуланнган хар адамгъа, сюд этилирге тийишлиди деп айтама; кесини къарындашына: „Ракъа“, деген адам а синедрионнга тийишлиди; „Акъылсыз“ деген адам а жаханим отуна тийишлиди.

Маттай 9:4

Исса уа, аланы ойлашыуларын билип: «Сиз жюреклеригизде аманны нек ойлашасыз?

Марк 3:5

Ол а, аланы жюреклерини къатылыгъына жаны къыйналып, алагъа ачыуланып къарап, ол адамгъа: «Къолунгу узат!» – деди. Ол да узатды, узатханлай аны къолу, бирси къолуча сау болуп къалды.

Лука 7:39

Иссаны чакъыргъан фарисей, муну кёрюп, кеси-кесине: «Бу файгъамбар болса эди, сора Анга ким эм къаллай тиширыу тийгенин, ол гюняхлы тиширыу болгъанын билир эди», – дей эди.

I Коринфлилеге 10:24

Бир киши да кесине хайырны излемесин, алай а хар ким да башхагъа хайырны излесин.

I Коринфлилеге 10:33

Мен да кесиме хайырны тюйюл, алай а ала къутхарылыр ючюн кёплеге хайырны излеп, хар зат бла да барысыны да кёллерине жетерге кюрешеме.

I Коринфлилеге 11:18

Нек десегиз, башындан башлап, сиз жамауатха жыйылгъан заманда, сизни арагъызда келишмей айырылыула боладыла деп эшитеме, анга уа бир жаны бла ийнанама.

I Коринфлилеге 12:25

Алай бла чархда айрылыкъ болмайды, алай а битеу санла бир-бирлерине бирча къайгъырадыла.

I Коринфлилеге 7:36

Кесини жетген къызы алай къалгъаны анга ушагъыусузгъа санагъан а, къалай сюе эсе, алай этсин, гюнях этерик тюйюлдю; аллайла эрге барсынла.

II Коринфлилеге 5:19

Нек десегиз Аллах, адамланы гюняхларын аланы боюнларына салмай, Масихни юсю бла дунияны Кеси бла жарашдыргъанды эм бизге жарашдырыу сёзюн аманат этгенди.

Галатиялылагъа 5:13

Азатлыкъгъа чакъырылгъансыз сиз, къарындашла. Сизни бу азатлыгъыгъыз гюняхлы табийгъатыгъызны сюйгенин этерге сылтау болмасын анса; алай а сюймеклик бла бир-биригизге къуллукъ этигиз.

II Фесалоникачылагъа 3:7

Сиз бизге къалай эниклерге керегигизни кесигиз билесиз; нек десегиз биз сизде болгъаныбызда, ишлемей бош айланнганла тюйюл эдик.

II Тимотейге 2:10

Ол себепден Аллах сайлагъанла, Масих Исса алагъа берлик къутхарыуну эм ёмюрлюк махтауну алсынла деп, ала ючюн хар неге да тёземе.

II Тимотейге 4:16

Мен сюдде берген биринчи жууабымда мени бир киши да жакъламагъанды, алай а бары да мени къоюп кетгендиле. Аны ючюн аланы боюнларына гюнях салынмасын!

Якъуп 1:19

Алай бла, сюйюлюннген къарындашларым, хар адам эшитирге терк, сёз айтыргъа сабыр, ачыуланыргъа да сабыр болсун;