I Коринфлилеге 13:13 - Сыйлы Инжил бла Забур

¹³ Энди уа бу ючюсю жашап турадыла: ийман, умут, сюймеклик, алай а сюймеклик аланы барындан уллуду.

I Коринфлилеге 13:13 Iomraidhean Croise

Забур 146:5

Бизни Раббийибиз уллуду, Аны къудурети уллуду, Аны акъылыны чеги жокъду.

Забур 43:5

Мени Патчахым, Аллахым Сен ол Кесингсе; Якъупха къутхарыу бер.

Лука 10:27

Ол жууапха: «Раббий Аллахынгы битеу жюрегинг бла, битеу жанынг бла, битеу кючюнг бла, битеу акъылынг бла сюй, жууугъунгу да кеси-кесинги сюйгенча сюй», – деди.

Лука 22:32

Алай болгъанлыкъгъа, Мен сени ийманынг таркъаймасын деп, сени ючюн тилек этгенме, сен да къайтышхан заманынгда къарындашларынгы бегимли эт», – деди.

Римлилеге 15:13

Умут берген Аллах, сиз Сыйлы Нюрню кючюнден ышаныу бла бай болур ючюн ийманда сизни хар тюрлю къууанчдан эм ырахатлыкъдан толтурсун.

I Коринфлилеге 14:1

Сюймекликге жетерге кюрешигиз; Сыйлы Нюрден берилген фахмуларыгъыз болур ючюн, бегирек да файгъамбарлыкъ этер ючюн эришигиз.

I Коринфлилеге 16:14

Сизде хар неда сюймеклик бла болсун.

I Коринфлилеге 3:14

Кимни ишлеген иши чыдаса, ол саугъа алыр.

I Коринфлилеге 8:1

Идоллагъа этилген къурманланы этлерини юсюнден биз билебиз; нек десегиз бизни барыбызны да билимибиз барды. Алай а билим адамны эсирик этеди, сюймеклиг’а нюр жанындан ёсдюреди.

I Коринфлилеге 8:3

Алай а Аллахны сюйген адамны Аллах биледи.

II Коринфлилеге 5:10

Нек десегиз биз, чархыбызда жашагъан заманыбызда, ахшылыкъ неда аманлыкъ этгенибизге кёре тийишлисин алыр ючюн, хар бирибиз да Масихни сюдюню аллында кёрюнюрге керекбиз.

II Коринфлилеге 5:15

Жашагъанла энди кеслери ючюн жашамай, алай а ала ючюн ёлген эм тиргизилген Масих ючюн жашасынла деп, Масих битеу адамла ючюн ёлгенди.

Галатиялылагъа 5:6

Нек десегиз Масих Иссада не сюннетлиликни, не сюннетсизликни кючю жокъду, алай а кюч сюймеклик бла жюрюген иймандады.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

Колослулагъа 3:14

Барындан да бег’а сюймекликни кийигиз; нек десегиз сюймеклик толу бирликни тапдыргъан байламлылыкъды.

I Фесалоникачылагъа 1:3

Сизни ийманыгъыз бла этген ишлеригизни, сюймеклигигиз бла урунууугъузну эмда Раббийибиз Масих Иссагъа ышаныуугъуздан келген тёзюмлюлюгюгюзню Атабыз Аллахны аллында тохтаусуз эсибизде тутабыз.

I Фесалоникачылагъа 5:8

Биз а кюндюзню уланлары эсек, юсюбюзге ийманны бла сюймекликни кюбесин, башыбызгъа да къутхарылыугъа ышаныуну темир бёркюн кийип аязып турайыкъ.

I Тимотейге 1:5

Бу буйрукъну мураты уа таза жюрекден бла ахшы ниетден эм кёзбаусуз иймандан келген сюймекликди.

II Тимотейге 1:7

Нек десенг Аллах бизге къоркъакълыкъны нюрюн тюйюл, алай а къудуретни эм сюймекликни эмда тыйгъылылыкъны нюрюн бергенди.

Чюйютлелеге 10:35

Ол себепли уллу саугъасы боллукъ ышаныуугъузну къоймагъыз.

Чюйютлелеге 10:39

Биз а ийманларындан тайып жоюлгъанладан тюйюлбюз, алай а, ийманда туруп, жанларын къутхаргъанладанбыз.

Чюйютлелеге 6:11

Сизни хар биригиз да, умут этиуде толу ышаныулу болур ючюн, ахырына дери да аллай эришиулюк этеригизни сюебиз;

Чюйютлелеге 6:19

Бу умутубуз а жан ючюн къоркъуусуз эм къаты якорь кибикди эм Аллахны табыныучу юйюндеги жабыуну ары жаныны ичине киреди.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Ахия 2:10

Къарындашын сюйген адам жарыкъда турады эм башхаланы абындырмайды.

I Ахия 2:14

Атала, мен сизге жазгъанма, нек десегиз сиз башланнгандан бери Болуп Тургъанны таныгъансыз. Жашла, мен сизге жазгъанма, нек десегиз сиз кючлюсюз, Аллахны сёзю сизде жашайды, сиз ибилисни да хорлагъансыз.

I Ахия 2:24

Алай бла, ауалдан эшитгенигиз сизде болуп турсун; ауалдан эшитгенигиз сизде болуп турса уа, сора сиз да Уланда эм Атада болуп турурсуз.

I Ахия 3:3

Эм Масиххе бу ышаныуу болгъан хар адам, Масих таза болгъаны кибик, кесин тазалайды.

I Ахия 3:9

Аллахдан туугъан адам гюнях этмейди, нек десегиз Аны урлугъу ол адамда болуп турады; Аллахдан туугъаны себепли ол гюнях этерге болаллыкъ тюйюлдю.