I Коринфлилеге 12:28 - Сыйлы Инжил бла Забур

²⁸ Аллах сора бир къауумланы жамауатда биринчиге абустолла этип, экинчиге файгъамбарла этип, ючюнчюге устазла этип салгъанды. Андан сора бир къауумлагъа къудуретли ишле этерге кючле эмда ауругъанланы сау этиу саугъала, болушлукъ этиу, оноу этиу, тюрлю-тюрлю тилле бергенди.

I Коринфлилеге 12:28 Iomraidhean Croise

Марк 16:17

Ийнаннганлада уа быллай илишанла боллукъдула: Мени атым бла жинлени къыстарыкъдыла, жангы тилле бла сёлеширикдиле.

Лука 6:14

Кеси Петер атагъан Шимон, аны къарындашы Эндрей, Якъуп, Ахия, Филип, Барталмай,

Ишлери 11:27

Ол кюнледе Иерусалимден Антиохиягъа файгъамбарла келдиле.

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

I Коринфлилеге 10:32

Не иудейлилеге, не греклилеге, не Аллахны жамауатына чырмау болмагъыз.

I Коринфлилеге 12:18

Алай а Аллах, санланы хар бирин чархха жарашдырып, Кеси сюйгенча къурагъанды.

I Коринфлилеге 12:29

Бары да абустолламыдыла? Бары да файгъамбарламыдыла? Бары да устазламыдыла? Бары да къудуретли ишле этиучюлемидиле?

I Коринфлилеге 12:30

Ауругъанланы сау этиу саугъала барындамы барды? Билинмеген тилле бла бары дамы сёлешедиле? Бары да тиллени ангылатыучуламыдыла?

I Коринфлилеге 14:2

Нек десегиз билинмеген тилде сёлешген адам, адамлагъа тюйюл, Аллахха айтады; нек десегиз аны киши ангыламайды, ол нюрю бла таша затланы айтады.

I Коринфлилеге 14:4

Билинмеген тилде сёлешген адам кесикесин ёсдюреди, файгъамбарлыкъ этген адам а жамауатны ёсдюреди.

I Коринфлилеге 14:5

Сиз барыгъыз да тилледе сёлеширигизни сюеме, алай а файгъамбарлыкъ этсегиз игиди; нек десегиз тилледе сёлешген адам жамауатны нюр жанындан ёсдюрюр ючюн айтханларын кёчюрмесе, файгъамбарлыкъ этиучюден гитчеди.

Эфеслилеге 2:20

Абустолла бла файгъамбарла салгъан мурдорну юсюнде бегимли болгъансыз, Масих Исса уа Кеси мюйюшню баш ташыды.

Эфеслилеге 3:5

Адам улуланы алгъыннгы туудукъларына билдирилмеген, энди уа Масихни сыйлы абустолларына бла файгъамбарларына Сыйлы Нюрню юсю бла ачыкъ этилген сыр а ма буду:

I Тимотейге 5:17

Жамауатха иги башчылыкъ этген таматалагъа, бегирек да Аллахны сёзюн жайыу бла эм юйретиу бла уруннганлагъа, энчи хурмет этилсин.

Чюйютлелеге 13:17

Жамауатларыгъызны оноучуларына бойсунугъуз эм айтханларын этигиз; нек десегиз ала сизни ючюн жууап берирге борчлулача тохтаусуз сизни жанларыгъызны къайгъысын этип турадыла. Ала къуллукъларын, ахтынып этмей, къууанып этсинле; нек десегиз, аны ахтынып этселе, сизге файда болмаз.

Чюйютлелеге 13:24

Битеу оноучуларыгъызгъа эм битеу сыйлылагъа салам айтыгъыз. Италиядан келгенле сизге салам айтадыла.