I Коринфлилеге 12:27 - Сыйлы Инжил бла Забур

²⁷ Сиз да Масихни чархысыз, башха-башха уа санларысыз.

I Коринфлилеге 12:27 Iomraidhean Croise

Римлилеге 12:5

Биз да кёп эсек да, Масихде бир чарх къурайбыз, башха-башха уа бирибиз-бирибизге санлабыз.

I Коринфлилеге 1:2

Аллахны Коринфде болгъан жамауатына салам! Сизге – Масих Иссада сыйлы этилип, сыйлы болургъа чакъырылгъанлагъа эм хар жерде барыбызны Раббийи Масих Иссаны атын айтып тилек этген битеу адамлагъа –

I Коринфлилеге 10:17

Ётмек бирди, биз да кёп эсек да, бир чарх болабыз; нек десегиз барыбыз да бир ётмекден ашап, бирге къошулабыз.

I Коринфлилеге 12:12

Чарх бир болуп, алай а аны санлары кёп болгъанлары кибик эм битеу санла бир чархны болуп, ала кёп эселе да бир чархны къурагъанлары кибик, Масих да алайды.

I Коринфлилеге 12:26

Бир сан къыйнала эсе, аны бла бирге битеу санла да къыйналадыла. Бир сан махтаулу бола эсе да, аны бла бирге битеу санла да къууанадыла.

I Коринфлилеге 6:15

Сизни чархларыгъыз Масихни санлары болгъанын билмеймисиз? Алай бла, Масихни санларын сыйырып, аланы саякъ тиширыугъа санламы этейим? Чыртда угъай!

Эфеслилеге 1:23

Ол Жамауат а Аны чархыды, барын да хар не бла да Толтургъанны толулугъуду.

Эфеслилеге 4:12

Сыйлыла тамамлы болуп, къуллукъ этер ючюн эмда Масихни чархы ёсер ючюн, алай этгенди.

Эфеслилеге 5:23

Нек десегиз Масих Кесини чархыны – Жамауатыны башы эмда Къутхарыучусу болгъаны кибик, эр да къатыныны башыды.

Эфеслилеге 5:30

Нек десегиз биз Аны чархыны санларыбыз, Аны этинденбиз эм Аны сюеклеринденбиз.

Колослулагъа 1:18

Эмда Ол Кесини чархыны – Жамауатыны башыды; башланыу Анданды, хар неде де да биринчилик Аны болур ючюн ёлгенледен биринчи тиргизилген да Олду.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

Колослулагъа 2:19

Аллай адам, чархны Башы – Масихни тутмайды; битеу чарх а жиклерини эм байламлыкъларыны болушлугъу бла ол Башдан кереклисин алып, бир-бирине бегип, Аллах берген ёсюм бла ёседи.