I Коринфлилеге 12:10 - Сыйлы Инжил бла Забур

¹⁰ Биреуге къудуретли ишле этиу, башхасына файгъамбарлыкъ, башхасына нюрлени айырып таныу, башхасына тюрлю тилле, башхасына тиллени ангылатыу фахму бериледи.

I Коринфлилеге 12:10 Iomraidhean Croise

Марк 16:17

Ийнаннганлада уа быллай илишанла боллукъдула: Мени атым бла жинлени къыстарыкъдыла, жангы тилле бла сёлеширикдиле.

Марк 16:20

Ала уа, кетип, хар жерде ууаз бергендиле. Раббий алагъа болушханды эмда сёзюн артда болгъан илишанла бла бегитгенди. Амин.]

Лука 24:49

Мен сизге Атамы берирге айтханын иерикме, сиз а, огъартындан кюч алгъынчы, Иерусалим шахарда къалыгъыз», – деди.

Ахия 14:12

Кертисин, кертисин айтама сизге: Манга ийнаннган, Мен этген ишлени кеси да этерикди эм аладан да уллусун этерикди; нек десегиз Мен Атама барама.

Ахия 16:13

Ол, Хакъ Кертини Нюрю келген заманда уа, сизни хар тюрлю кертиликге тюзетирикди; нек десегиз Ол Кесинден айтырыкъ тюйюлдю, алай а не эшитсе да, аны айтырыкъды эмда боллукъну сизге билдирликди.

Ишлери 1:8

Сиз а Сыйлы Нюр юсюгюзге тюшгенде кюч алырсыз, сора Иерусалимде, битеу Иудеяда, Самарияда эм жерни этегине дери да Мени шагъатларым болурсуз», – деди.

Ишлери 11:27

Ол кюнледе Иерусалимден Антиохиягъа файгъамбарла келдиле.

Ишлери 11:28

Аладан Агап атлы биреулен, туруп, битеу дунияда бек уллу ачлыкъ боллугъун Сыйлы Нюрню юсю бла билдирди, ол ачлыкъ да Клаудий кесарьны заманында болду.

Ишлери 19:6

Сора Пауул аланы юслерине къолларын салгъанда, алагъа Сыйлы Нюр тюшдю эмда ала кеслери билмеген тилледе сёлешип, файгъамбарлыкъ этип башладыла.

Ишлери 5:3

Петер а анга: «Ханания! Жюрегинги шайтаннга нек бердинг, Сыйлы Нюрге ётюрюк айтып жеринги багъасыны бир кесегин кесинге нек къойдунг?

Римлилеге 12:6

Аллахны бизге берген шафауатына кёре, бизни тюрлю нюр фахмуларыбыз барды. Файгъамбарлыкъ фахмусу болгъан адам, ийманыны мардасына кёре, файгъамбарлыкъ этсин;

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

I Коринфлилеге 11:4

Башы жабылып тилек этген неда файгъамбарлыкъ этген хар эр киши кесини башын уятлы этеди.

I Коринфлилеге 13:8

Сюймеклик бир заманда да тохтамайды. Файгъамбарлыкъ этиуле бошалырла, тилле да тынарла, билим да къоратылыр.

I Коринфлилеге 14:13

Ол себепден а билинмеген тилде сёлешген, кёчюрюрге фахмусу болур ючюн тилек этсин.

I Коринфлилеге 14:39

Алай бла, къарындашла, файгъамбарлыкъ этер ючюн эришигиз, алай а билинмеген тилледе сёлешгенлени да тыймагъыз.

Галатиялылагъа 3:5

Сизге Сыйлы Нюрню берген эм сизни арагъызда къудуретли ишле этген Аллах, быланы Тауратны фарызларын тутханыгъыз ючюнмю, огъесе сиз Хайыр Хапаргъа тынгылап анга ийнаннганыгъыз ючюнмю этеди?

I Фесалоникачылагъа 5:20

Файгъамбарлыкъланы сансыз этмегиз.

Чюйютлелеге 2:4

Аллах да ол хапаргъа илишанла бла, сейирликле бла, кёп тюрлю къудуретли ишле бла эмда Сыйлы Нюрню саугъалары бла шагъатлыкъ этгенди; аланы уа адамлагъа Кеси сюйгенча юлешгенди.

I Ахия 4:1

Сюйюлюннгенле! Хар тюрлю нюрге ийнанып къалмагъыз, алай а нюрлени Аллахдан болгъанларын сынагъыз. Нек де сегиз дунияда кёп жалгъан файгъамбарла чыкъгъандыла.

Билим Ачханы 2:2

„Сени ишлеринги, урунууунгу, чыдамлылыгъынгы эмда сен аман адамлагъа тёзмегенинги билеме. Ала абустол болмагъанлай, кеслерине абустол атагъанланы сынагъанса эмда аланы ётюрюкчю болгъанларын ангылагъанса.