I Коринфлилеге 10:17 - Сыйлы Инжил бла Забур

¹⁷ Ётмек бирди, биз да кёп эсек да, бир чарх болабыз; нек десегиз барыбыз да бир ётмекден ашап, бирге къошулабыз.

I Коринфлилеге 10:17 Iomraidhean Croise

Римлилеге 12:5

Биз да кёп эсек да, Масихде бир чарх къурайбыз, башха-башха уа бирибиз-бирибизге санлабыз.

I Коринфлилеге 10:21

Раббийни аягъын да, жинлени аягъын да ичерге болаллыкъ тюйюлсюз. Раббийни ашына да, жинлени ашларына да къошулаллыкъ тюйюлсюз.

I Коринфлилеге 12:12

Чарх бир болуп, алай а аны санлары кёп болгъанлары кибик эм битеу санла бир чархны болуп, ала кёп эселе да бир чархны къурагъанлары кибик, Масих да алайды.

I Коринфлилеге 12:27

Сиз да Масихни чархысыз, башха-башха уа санларысыз.

Эфеслилеге 3:6

Башха миллетлиле да, Хайыр Хапарны жайылыуу бла, Израиль бла бирча игиликге ие боладыла, бир чархны санлары болуп, Аллахны Масих Иссада ант сёз бла бергенинден юлюшлю боладыла.

Эфеслилеге 4:16

Аны оноуунда битеу чарх, хар тюрлю жалгъагъан байламлыкъланы болушлугъу бла къуралып эм къошулуп, хар санны тап ишлеую бла ёсюм алады эм алай бла кесикесин сюймекликде ёсдюрюп кючлендиреди.

Эфеслилеге 4:25

Ол себепден, ётюрюкню къоюп, хар ким кесини жууугъуна кертини айтыгъыз; нек десегиз биз барыбыз да бир чархны санларыбыз.

Эфеслилеге 4:4

Сиз чакъырылгъаныгъызда бир умутха чакъырылгъаныгъыз кибик, Нюр бирди, чарх да бирди,

Колослулагъа 2:19

Аллай адам, чархны Башы – Масихни тутмайды; битеу чарх а жиклерини эм байламлыкъларыны болушлугъу бла ол Башдан кереклисин алып, бир-бирине бегип, Аллах берген ёсюм бла ёседи.

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.

Колослулагъа 3:15

Сизни жюреклеригизде Аллахны ырахатлыгъы бийлик этсин. Сиз да, бир чархны санлары болуп, ол ырахатлыкъгъа чакъырылгъансыз. Шукур этиучюле болугъуз.