I Коринфлилеге 1:8 - Сыйлы Инжил бла Забур

⁸ Раббийибиз Масих Исса уа, Кесини кюнюнде сиз айыпсыз болур ючюн, сизни ахырына дери бегимли этерикди.

I Коринфлилеге 1:8 Iomraidhean Croise

Забур 37:17

Мен: «Душманларым манга кёл кенгдирмесинле», – дедим. Мени аягъым тентиреген заманда, мени аллымда ала кеслерин уллудан кёредиле.

Лука 17:24

Нек десегиз, шыбыла, кёкню бир жанындан жашнап, кёкню бирси жанына дери жылтырагъаны кибик, Адам Улу да Кесини кюнюнде алай боллукъду.

Лука 17:30

Адам Улу кёрюннген кюнде да алай боллукъду.

Римлилеге 14:4

Кимсе сен, башханы къулун терслеген? Къулну ариулагъан да, терсге санагъан да кесини бийиди. Эмда къул тюз болуп чыгъарыкъды, нек десенг аны ариуларгъа Аллахны кючю барды.

Римлилеге 8:19

Аллах жаратхан алам Аллахны уланларыны ачыкъ боллукъларын ышанып сакълайды.

I Коринфлилеге 3:13

Хар кимни иши ачыкъ болур, нек десегиз къыямат кюн аны кёргюзтюр. Хар кимни иши от бла ачыкъ болур, хар ишни къаллай болгъанын от сынар.

I Коринфлилеге 5:5

Ол адам, аны гюняхлы табийгъаты жоюлур ючюн, шайтаннга берилсин. Раббийибиз Масих Иссаны кюнюнде аны нюрю къутхарылсын.

II Коринфлилеге 1:13

Биз сизге, ол сиз окъуп ангылагъандан башха зат жазмайбыз. Бизни бир жаны бла ангылагъаныгъыз кибик, толусунлай ангыларсыз деп, умут этеме.

II Коринфлилеге 1:14

Алай бла, бизни Раббийибиз Масих Иссаны кюнюнде биз сизни бла махтаннган кибик, сиз да бизни бла махтанырсыз.

II Коринфлилеге 1:21

Бизни сизни бла бирге Масихде бегимли этген эм бизни майлагъан а Аллахды;

Эфеслилеге 5:27

Аны тамгъасы неда кемлиги, неда аны кибик бир заты болмай, алай а ол сыйлы эм айыпсыз болсун деп, аны Кесини аллына махтаулу Жамауат этип салыр ючюн, Кесин къурманнга бергенди.

Колослулагъа 1:22

Энди уа Масих, сизни сыйлы, бузукъсуз эм терсликсиз этип Аллахны аллына чыгъарыр ючюн, Кесини эт чархыны ёлюмю бла сизни Аллах бла жарашдыргъанды.

Колослулагъа 2:7

Масихде тамырланып эм бегинип эмда ийман бла кючленип, сиз юйреннгенигизча, Аллахха шукур этиу бла ийманда жетишимли болугъуз.

I Фесалоникачылагъа 3:13

Раббийибиз Масих Исса, сизни жюреклеригизни кючлендирип, битеу сыйлылары бла келишинде Атабыз Аллахны аллында сыйлылыкъда айыпсыз этсин. Амин.

I Фесалоникачылагъа 5:2

Нек десегиз Раббийни кюню, кече гудучу келген кибик алай келлигин, сиз кесигиз ишексиз билесиз.

II Фесалоникачылагъа 2:2

Раббийни кюню келгенди деп айтхан бир нюр, бир хапар, неда биз жазып ийген кибик жазып ийилген сизни акъылыгъызны чыртда тентиретмесин эмда жунчутмасын.

II Фесалоникачылагъа 3:3

Алай а, сизни бегимли этерик эм ибилисден сакъларыкъ Раббий ышаннгылыды.

II Тимотейге 1:12

Аны себепли къыйналама мен былай; алай а ыйлыкъсынмайма. Нек десенг мен билеме Кимге ийнаннганымы эм Ол манга ышанып бергенин ол Кюннге сакъларгъа Аны кючю болгъанына толу ийнанама.

II Тимотейге 1:18

Раббий Кесини келген кюнюнде анга мархамат этсин. Ол манга Эфесде къаллай бир болушханын а сен иги билесе.

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

II Петер 3:10

Раббийни кюню уа, кечегиде гудучу къалай келе эсе, алай келликди. Ол заманда кёкле таууш этип жокъ боллукъдула, табийгъатны затлары уа жанып бузуллукъдула, жер эм аны юсюнде этилген ишле кюерикдиле.

II Петер 3:14

Алай бла, сюйюлюннгенле, бу затланы сакълагъаныгъызгъа кёре, Аллахны аллына, харамлыкъсызла эм бузукъсузла эмда ырахатлыкъны сюйюучюле болуп барыргъа кюрешигиз.