I Коринфлилеге 1:6 - Сыйлы Инжил бла Забур

⁶ Нек десегиз Масихни юсюнден шагъатлыгъыбыз сизде бегимли болгъанды.

I Коринфлилеге 1:6 Iomraidhean Croise

Марк 16:20

Ала уа, кетип, хар жерде ууаз бергендиле. Раббий алагъа болушханды эмда сёзюн артда болгъан илишанла бла бегитгенди. Амин.]

Ишлери 11:17

Алай бла, Аллах бизге, Раббий Масих Иссагъа ийнаннганлагъа бергени кибик, алагъа да аллай саугъа берген эсе, мен а кимме, Аллахха къажау турургъа?» – деди.

Ишлери 11:21

Раббийни кючю ала бла эди эм бек кёп адамла ийнанып, Раббийге къайтышдыла.

Ишлери 18:5

Македониядан Сила бла Тимотей келгенде уа, Пауул, Иссаны Масих болгъанына иудейлилеге шагъатлыкъ этип, кесин саулай Аллахны сёзюн жаяргъа берди.

Ишлери 20:21

Иудейлилени да, греклилени да Аллахны аллында тобагъа къайтышыргъа эмда Раббийибиз Масих Иссагъа ийнаныргъа чакъыргъанма.

Ишлери 20:24

Алай а мен бир затха да къайгъырмайма эм кеси жашаууму аямайма, мен ишими – Раббий Иссадан алгъан къуллугъуму, Аллахны шафауатыны юсюнден Хайыр Хапарны адамлагъа билдириу къуллугъуму – къууанч бла этип бошагъа эдим анса.

Ишлери 22:18

Раббийни кёрдюм. Ол манга: „Мычыма, Иерусалимден терк чыкъ, нек десенг мында Мени юсюмден сени шагъатлыгъынгы къабыл этерик тюйюлдюле“ деди.

Ишлери 23:11

Ол кече Раббий, Пауулгъа кёрюнюп: «Таукел бол, Пауул! Сен Манга Иерусалимде шагъатлыкъ этгенинг кибик, Римде да алай шагъатлыкъ этерге керексе», – деди.

Ишлери 28:23

Сора анга келир кюнлерин болжал этдиле эмда ол кюн андан да кёпле ол тургъан юйге келдиле. Ол а эрттенден ингирге дери Аллахны Патчахлыгъыны юсюнден окъууну ангылатып, анга шагъатлыкъ этип турду. Мусаны Таурат Китабындан да, файгъамбарланы китапларындан да Иссаны юсюнден жазылгъанланы кёргюзтюп аланы ийнандырыргъа кюреше эди.

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

II Коринфлилеге 12:12

Абустоллугъуму шартлары сизни аллыгъызда хар тюрлю тёзюмлюлюк бла, илишанла бла, сейирликле бла эм къудуретли ишле бла кёргюзтюлгендиле.

Галатиялылагъа 3:5

Сизге Сыйлы Нюрню берген эм сизни арагъызда къудуретли ишле этген Аллах, быланы Тауратны фарызларын тутханыгъыз ючюнмю, огъесе сиз Хайыр Хапаргъа тынгылап анга ийнаннганыгъыз ючюнмю этеди?

II Фесалоникачылагъа 1:10

Быланы бары да Раббий Кесини сыйлы халкъында махтаулу болургъа эмда битеу ийманлыларын сейирсиндирирге келген кюнюнде боллукъду. Сиз а ийманлыласыз; нек десегиз бизни шагъатлыгъыбызгъа ийнаннгансыз.

I Тимотейге 2:6

Ол, битеу адамланы жууар ючюн, Кеси-Кесин къурманнга бергенди, кезиуюнде этилген шагъатлыкъ буду.

II Тимотейге 1:8

Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

Билим Ачханы 1:2

Ол да Аллахны сёзюне эм Масих Иссаны шагъатлыгъына эм не кёргенине шагъатлыкъ этгенди.

Билим Ачханы 1:9

Масих Иссаны азап чегиуюне, патчахлыгъына эм тёзюмюне сизни бла къатышхан мен, Ахия къарындашыгъыз, Аллахны сёзю ючюн эм Масих Иссаны шагъатлыгъы ючюн Патмос атлы айрыкамда тутмакъ эдим.

Билим Ачханы 12:11

Ала Къозуну къаны бла эм кеслерини шагъатлыкъ сёзлери бла аны хорлагъандыла, ала жанларын аямагъандыла эмда ёлюмден артха турмагъандыла.

Билим Ачханы 12:17

Сора аждагъан къатыннга къутуруп къалды эм Аллахны фарызларын сакълагъан эмда Масих Иссагъа шагъатлыкъ этиуню бардыргъан, ол къатынны урлугъундан болгъан башхала бла къазауат этерге кетди.

Билим Ачханы 19:10

Мен, анга сежда этер ючюн, аны аякъларына аудум; алай а ол манга: «Къара, этме алай! Мен да сени кибик эм Иссагъа шагъатлыкъ этиуню бардыргъан къарындашларынг кибик Аллахны къулума. Сежданы Аллахха эт, нек десенг Иссагъа шагъатлыкъ этиу файгъамбарлыкъны нюрюдю», – деди.

Билим Ачханы 6:9

Къозу бешинчи мухурну ачхан заманда, къурман этилиучю жерни тюбюнде Аллахны Сёзю ючюн эм кеслерини этген шагъатлыкълары ючюн ёлтюрюлгенлени жанларын кёрдюм.