I Коринфлилеге 1:30 - Сыйлы Инжил бла Забур

³⁰ Алай а сиз Аллахны болушлугъу бла Масих Иссадасыз. Масих а бизни ючюн Аллахдан келген акъылманлыкъ, тюзлюклюлюк, сыйлылыкъ эмда гюняхларыбызны тёлеген болуп къалгъанды,

I Коринфлилеге 1:30 Iomraidhean Croise

Маттай 1:21

Ол Улан табарыкъды, сен Анга Исса атны атарыкъса, нек десенг Ол Кесини халкъын гюняхларындан къутхарлыкъды», – деди.

Лука 11:49

Ол себепден Аллахны терен акъыллылыгъы да: „Алагъа файгъамбарла эм абустолла иерикме, аладан да бир къауумларын ёлтюрлюкдюле, башхаларын а къыстап иерикдиле“ деп айтханды;

Лука 21:15

Нек десегиз Мен сизге сёзге усталыкъ да, акъылманлыкъ да берликме. Сизге къажау тургъанланы бири да жууап этерге, не къажаулукъ этерге болаллыкъ тюйюлдю.

Ахия 1:18

Аллахны бир киши бир заманда да кёрмегенди; Атаны къучагъында болгъан жангыз Уланыды Аны танытхан.

Ахия 14:6

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Ахия 17:26

Сен Мени сюйген сюймеклик алада болсун, Мен да алада болайым деп, Мен алагъа Сени атынгы билдирдим эм дагъыда билдирликме», – деди.

Ахия 17:8

Нек десенг Сен Манга берген сёзлени Мен алагъа бергенме, ала да къабыл этгендиле; Мен Сенден чыгъып келгеними тюз ангылагъандыла эмда Мени Сен ийгенинге ийнаннгандыла.

Ахия 8:12

Исса дагъыда халкъгъа сёлешди эм: «Мен дунияны жарыгъыма; Мени ызымдан келген адам, къарангыда жюрюрюк тюйюлдю, алай а анда жашауну жарыгъы боллукъду», – деди.

Ишлери 26:18

Сен аланы кёзлерин ачар ючюн, ала къарангылыкъдан жарыкъгъа, шайтанны оноуундан Аллахха къайтышыр ючюн, Манга ийнаныу бла гюняхларындан кечгинлик алыр ючюн эм сыйлы болгъанла бла бирге юлюшлю болур ючюн сени энди алагъа иеме“ деп айтханды.

Римлилеге 1:17

Хайыр Хапарда Аллахны тюзлюклюлюгю, Китапда: «Тюзлюклю ийманы бла жашарыкъды», – деп жазылгъаны кибик, ачыкъ этиледи. Тюзлюклюлюк жаланда ийман бла болады.

Римлилеге 11:36

Нек десегиз хар неда Анданды, Аны юсю блады эмда Аны ючюндю. Ёмюрледе да махтау Анга болсун. Амин.

Римлилеге 12:5

Биз да кёп эсек да, Масихде бир чарх къурайбыз, башха-башха уа бирибиз-бирибизге санлабыз.

Римлилеге 16:11

Мени жууугъум Иродийоннга салам айтыгъыз. Наркисни юйдегилеринден Раббийде болгъанларына салам айтыгъыз.

Римлилеге 16:7

Мени жууукъларым эм мени бла бирге тюрмеде болгъан, абустолланы арасында махтаулу болгъан эм Масиххе менден да алгъа ийнаннган Андроникге бла Юниягъа салам айтыгъыз.

Римлилеге 4:25

Исса уа бизни гюняхларыбыз ючюн къурманнга берилгенди эм бизни ариулар ючюн тиргизилгенди.

Римлилеге 4:6

Аны этген ишлерине къарамай, Аллах аны тюзлюклюге санагъан адамны насыплылыгъын Дауут да былай ангылатады:

Римлилеге 5:19

Бир адамны бой салмауу бла кёпле гюняхлы болгъанлары кибик, биреуню бой салыуу бла да кёпле алай тюзлюклю боллукъдула.

Римлилеге 5:21

Алай бла гюнях ёлюмню юсю бла бийлик этгени кибик, Аллахны шафауаты да, бизни Раббийибиз Масих Иссаны юсю бла ёмюрлюк жашау берир ючюн, тюзлюклюлюк бла бийлик этеди.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

Римлилеге 8:23

Эм жалан жаратылгъанла тюйюл, алай а биз кесибизде Сыйлы Нюрню биринчи хайырлары болгъанлай да, биз да, ичибизден ынчхап, Аллах бизни Кесине улан этерин, чархыбызны жулунурун сакълайбыз.

Римлилеге 8:9

Алай а Аллахны Нюрю сизде жашай эсе, сиз гюняхлы табийгъатыгъызны тюйюл, Нюрню оноуундасыз. Масихни Нюрю анда болмагъан адам а Масихни тюйюлдю.

I Коринфлилеге 1:2

Аллахны Коринфде болгъан жамауатына салам! Сизге – Масих Иссада сыйлы этилип, сыйлы болургъа чакъырылгъанлагъа эм хар жерде барыбызны Раббийи Масих Иссаны атын айтып тилек этген битеу адамлагъа –

I Коринфлилеге 1:24

Алай а Масих, иудейлиледен да, греклиледен да чакъырылгъанланы кеслерине Аллахны кючюдю эмда Аллахны акъылманлыгъыды.

I Коринфлилеге 12:18

Алай а Аллах, санланы хар бирин чархха жарашдырып, Кеси сюйгенча къурагъанды.

I Коринфлилеге 12:27

Сиз да Масихни чархысыз, башха-башха уа санларысыз.

I Коринфлилеге 12:8

Биреуге Нюрню юсю бла акъыл сёз бериледи, башхасына ол Нюрден билим сёз бериледи.

I Коринфлилеге 4:15

Нек десегиз сизни Масихни жолунда минг устазыгъыз бар эсе да, аталарыгъыз а кёп жокъду. Сизге Хайыр Хапарны билдириуюм бла Масих Иссада сизни мен туудургъанма.

I Коринфлилеге 6:11

Сизден да бир къауумла аллайла эдиле; алай а жууулгъансыз, сыйлы этилгенсиз, Раббийибиз Масих Иссаны аты бла эм Аллахыбызны Нюрю бла ариуланнгансыз.

II Коринфлилеге 12:2

Масихни болгъан бир адамны таныйма, ол онтёрт жыл мындан алда – чархы бла болгъан эсе да билмейме, чархсыз болгъан эсе да билмейме, Аллах биледи – ючюнчю кёкге дери кётюрюлгенди.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

Галатиялылагъа 1:4

Атабыз Аллахны буйругъуна кёре, Масих, бу эндиги огъурсуз ёмюрден бизни къутхарыр ючюн, бизни гюняхларыбыз ючюн Кеси-Кесин бергенди.

Галатиялылагъа 3:13

Ибрахимге берилген ыразылыкъ Масих Иссаны юсю бла башха миллетлеге да жайылыр ючюн эм Аллах берирге айтхан Сыйлы Нюрню биз ийманыбыз бла алыр ючюн,

Эфеслилеге 1:10

Заман толгъанда, Ол, муратына кёре, кёкледе эмда жерде болгъанланы барысын да Масихни башчылыгъы бла бирлешдирликди.

Эфеслилеге 1:14

Сыйлы Нюр а, Аллахны халкъыны жулунуруна дери, бизге къаллыкъ затланы ышандырыр шартыды; алай бла Аллахны аламатлыгъына махтау салынсын.

Эфеслилеге 1:7

Ол хар тюрлю акъылманлыкъ бла эм ангылаулукъ бла бизни артыгъы бла саугъалагъан шафауатыны байлыгъыны хайырындан,

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Эфеслилеге 4:30

Эмда Аллахны Сыйлы Нюрюн жарсытмагъыз. Ол сизни гюняхларыгъыздан азат болур кюнюгюзге мухурлагъанды.

Эфеслилеге 5:26

Масих Жамауатын суу бла жуууп, Аллахны сёзю бла тазалап сыйлы этер ючюн,

Колослулагъа 1:14

Аллахны Уланында уа Аны къаны бла бизге жулунуу, гюняхларыбыздан кечилиу барды.

Колослулагъа 3:16

Масихни сёзю сизде битеу байлыгъы бла жерлешсин. Хар тюрлю акъылманлыкъ бла бир-биригизни юйретип акъыл беригиз. Зикирле, гимнле эмда Сыйлы Нюр учундургъан назмула айта, жюреклеригизде Раббийге шукур этип зикир айтыгъыз.

I Фесалоникачылагъа 5:23

Ырахатлыкъ бериучю Аллах а Кеси сизни толусунлай сыйлы этсин эм сизни нюрюгюз да, жаныгъыз да, чархыгъыз да, Раббийибиз Масих Иссаны келиуюнде къыяусуз болур ючюн, битеу саулай сакълансын.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 9:12

Текелени эм бугъаланы къанлары бла тюйюл, алай а Кесини къаны бла сыйлы жерге бир кере кирип, бизге ёмюрлюк къутхарыу алгъанды.

Якъуп 1:5

Сизде акъылманлыгъы жетишмеген адам а барысына да гурушхасыз чомарт бериучю Аллахдан тилесин, анга берилир.

I Петер 1:2

Нюрден сыйлыланыу бла, сёзге тынгылаугъа эм Масих Иссаны къаны бла бюркюлюуге, Аллах Ата алгъындан билип сайлагъанлагъа: сизге шафауат бла ырахатлыкъ кёп болсун.

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

I Ахия 5:6

Ол суу бла эм къан бла Келген Масих Иссады. Жангыз суу бла тюйюл, алай а суу бла эм къан бла келгенди. Анга шагъатлыкъ этген Нюрдю; нек десегиз Нюр хакъ кертиди.

Билим Ачханы 14:4

Бу адамла кеслерин къатынла бла харам этмегенледиле; нек десегиз ала таптаза адамладыла. Ала, Къозу къайры барса да, Аны ызындан баргъанладыла. Ала, Аллахха бла Къозугъа тюнгючлеча, адамланы арасындан сатып алыннгандыла.

Билим Ачханы 5:9

Эмда жангы зикир айтадыла: «Сен тийишлисе китапны алыргъа эм аны юсюнден мухурларын ачаргъа; нек десенг Сен союлгъанса эм Кесинги къанынг бла хар тукъумдан эм хар тилден, хар халкъдан эм хар миллетден бизни Аллахха жулугъанса