I Коринфлилеге 1:27 - Сыйлы Инжил бла Забур

²⁷ Алай а Аллах, акъылманланы уялтыр ючюн, бу дунияны акъылсыз деп айтханларын сайлагъанды. Аллах, кючлюлени уялтыр ючюн, бу дунияны къарыусуз деп айтханларын сайлагъанды.

I Коринфлилеге 1:27 Iomraidhean Croise

Забур 8:2

Бизни Раббий Аллахыбыз! Битеу жерни юсюнде Сени атынг къалай уллуду! Сени махтауунг кёкледен да бийикге жайылады!

Маттай 11:25

Ол заманда сёзюн бардыра, Исса: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып, гитче сабийлеге ачханынг ючюн, Санга шукур этеме.

Маттай 21:16

Эмда Анга: «Аланы не айтханларын эшитемисе?» – дедиле. Исса уа алагъа: «Хау! Сиз бир заманда да: „Къоюндагъыланы, эмчек ичген сабийлени ауузларындан Сен Кесинги махтатдынг“ дегенни окъумагъанмысыз?» – деди.

Маттай 9:9

Андан кетип бара, Исса, жасакъ жыйылгъан жерде олтургъан, Маттай атлы бир адамны кёрюп, анга: «Мени ызымдан кел», – деди. Ол да туруп, Аны ызындан тебиреди.

Лука 21:15

Нек десегиз Мен сизге сёзге усталыкъ да, акъылманлыкъ да берликме. Сизге къажау тургъанланы бири да жууап этерге, не къажаулукъ этерге болаллыкъ тюйюлдю.

Ишлери 17:18

Сора эпикурей эм стоик философладан бир къаууму Пауул бла даулашып башладыла. Аладан бир къаууму: «Бу фана сёзлю не айтыргъа кюрешеди?» – дей эдиле, башхалары уа: «Ол тыш къыраллы тейриледен ууаз бергеннге ушайды», – дей эдиле; нек десегиз ол алагъа Иссаны юсюнден эм тиргизилиуден Хайыр Хапарны билдире эди.

Ишлери 7:35

Ала къабыл этмей анга: „Сени бизге башчыгъа бла сюдюге ким салгъанды?“ деп айтхан ол Мусаны, Аллах, чыгъана терекде анга кёрюннген мёлекни юсю бла, башчы эм къутхарыучу этип ийгенди.

Ишлери 7:54

Бу сёзлени эшитгенлеринде, ала ачыудан къутура эдиле эмда Истефаннга къажау тишлерин къыжылдата эдиле.

I Коринфлилеге 1:20

Къайдады акъылман? Къайдады алим? Къайдадыла бу ёмюрню философлары? Аллах бу дунияны акъылманлыгъы акъылсызлыкъ болгъанын кёргюзтмегенмиди?

I Коринфлилеге 1:21

Нек десегиз Аллахны акъылманлыгъына кёре, бу дуния кесини акъылманлыгъы бла Аллахны танымагъаны себепли, Аллах ийнаннганланы, акъылсызлыкъгъа саналгъан хапар бла къутхарыргъа тап кёргенди.

I Коринфлилеге 2:12

Алай а, бизге Аллахдан берилген саугъаланы билир ючюн, биз бу дунияны нюрюн тюйюл, Аллахдан келген Нюрню къабыл этгенбиз.

II Коринфлилеге 10:10

Нек десегиз биреу: «Жазып ийгенлеринде ол къатыды эм кючлюдю, кеси болгъан заманда уа къолайсызды эм аны сёзге усталыгъы да жокъду», – деп айтады.

II Коринфлилеге 4:7

Бизде артыгъы бла болгъан кючню бизден тюйюл, Аллахдан келгени билинир ючюн а, ол хазнаны биз топуракъ сауутлада кесибизни чархларыбызда жюрютебиз.

Якъуп 2:5

Тынгылагъыз, сюйюлюннген къарындашларым: Аллах бу дунияны жарлыларын, ала ийман бла бай болуп, Аны сюйгенлеге берирге айтхан Патчахлыкъдан юлюшлю болсунла деп сайламагъанмыды?