I Коринфлилеге 1:10 - Сыйлы Инжил бла Забур

¹⁰ Къарындашла, Раббийибиз Масих Иссаны аты бла сизге жалбарама, сиз барыгъыз да бирни айтыгъыз, арагъызда айырылыу болмасын, сиз бир ниетде эм бир акъылда бирлешигиз.

I Коринфлилеге 1:10 Iomraidhean Croise

Забур 133:1

Кечени заманында, Раббийни юйюнде тургъан, Раббийни битеу къуллары, энди Раббийге шукур этигиз.

Маттай 9:16

Бир киши да эски кийимге жангы къумачдан жамау салмайды; нек десегиз жангыдан тигилген жамау эскини жыртыр, жыртыгъ’а андан да уллу болур.

Марк 2:21

Бир киши да эски кийимге жангы къумачдан жамау салмайды. Алайсыз жангы жамау эскиден жыртылып кетер, жыртыкъ андан да уллу болур.

Марк 3:24

Патчахлыкъ кеси-кесинде юлешиннген эсе, ол патчахлыкъ чыдаяллыкъ тюйюлдю.

Ахия 10:19

Бу сёзледен дагъыда иудейлилени арасында даулаш болду.

Ахия 17:23

Мен алада, Сен да Менде болуп, ала толу бирликге жетсинле эмда Мени Сен ийгенинги эм Мени сюйгенинг кибик, аланы да сюйгенинги дуния билсин.

Ахия 7:43

Алай бла Иссаны юсюнден халкъда даулаш болду.

Ахия 9:16

Ол заманда фарисейледен бир къауумлары: «Ол Адам Аллахдан тюйюлдю; нек десегиз шабат кюнню тутмайды», – дей эдиле. Башхала уа: «Гюняхлы адам аллай илишанланы къалай эталыр?» – дей эдиле. Алай этип кеси араларында даулашдыла.

Ишлери 4:32

Ол ийнаннган кёп халкъны уа жюреклери да, жанлары да бир эди. Аладан бир киши да кесини мюлкюне кесимикиди демей эди; битеу болгъан затларын бирбирлери бла юлеше эдиле.

Римлилеге 1:13

Къарындашла, сизге билдирмей къояргъа сюймейме, башха миллетледе болгъаны кибик, сизде да хайырым болур ючюн, мен сизге келирге кёп кере ниет этгенме, алай а эндиге дери окъуна чырмаулагъа жолугъуп тургъанма.

Римлилеге 12:1

Алай бла, къарындашла, Аллахны мархаматлылыгъыны хатыры бла сизден тилейме, кесигизни Аллахха тири, сыйлы, Аны ыразы этиучю къурманнга беригиз. Анга тюз акъыл бла алай къуллукъ этерсиз.

Римлилеге 12:16

Кеси арагъызда бир акъыллы болугъуз. Уллу билимлилик этерге кюрешмегиз, алай а сабырлагъа нёгер болугъуз, кесигизни уллудан кёрмегиз.

Римлилеге 15:30

Алай болсада, къарындашла, мени бла бирге мени ючюн Аллахдан тилек этерге кюреширигизни, Раббийибиз Масих Исса бла эм Сыйлы Нюрню сюймеклиги бла сизден тилейме.

Римлилеге 16:17

Къарындашла, сизден тилейме, ол сиз юйреннген окъуугъа къарамагъанлай, сизни арагъызда айырылыула чыгъаргъанладан эм чырмау этгенледен кесигизни сакълагъыз эм аладан бир жанына туругъуз.

I Коринфлилеге 1:11

Нек десегиз, къарындашларым, сизни арагъызда даулашыула болгъаны, Хлойну юйдегилеринден манга билдирилгенди.

I Коринфлилеге 11:18

Нек десегиз, башындан башлап, сиз жамауатха жыйылгъан заманда, сизни арагъызда келишмей айырылыула боладыла деп эшитеме, анга уа бир жаны бла ийнанама.

I Коринфлилеге 12:25

Алай бла чархда айрылыкъ болмайды, алай а битеу санла бир-бирлерине бирча къайгъырадыла.

I Коринфлилеге 3:3

Не ючюн десегиз сиз алыкъа гюняхлы табийгъатыгъызгъа кёре жашайсыз. Сизни арагъызда зарлыкъ, даулашыула эм келишмеулюкле бар эселе, сора сиз гюняхлы табийгъатыгъызгъа кёре жашагъанла эмда адамланы адетлерин этгенле тюйюлмюсюз?

I Коринфлилеге 4:16

Ол себепден сизден тилейме: мен Масиххе эниклегеним кибик, сиз да манга эниклегиз.

II Коринфлилеге 10:1

Сизни арагъызда кесим уялчакъ болгъан, алай а сизден узакъда таукел болгъан мен Пауул, Масихни жууашлыгъы бла эм тёзюмлюк этиую бла сизге жалбарама:

II Коринфлилеге 13:11

Болсада, къарындашла, къууаныгъыз, жетишимли болугъуз, жапсарылыгъыз, бир акъыллы, жарашыулу болугъуз, сюймеклик эмда жарашыулукъ бериучю Аллах а сизни бла боллукъду.

II Коринфлилеге 13:9

Биз къарыусуз, сиз а кючлю болгъанда, биз къууанабыз эмда сиз тамамлы болур ючюн тилек этебиз.

II Коринфлилеге 5:20

Ол себепден биз Масихни аты бла келечилебиз, Аллах Кеси буйругъун бизни юсюбюз бла айтып ангылатхан кибик ангылатады. Масихни аты бла тилейбиз: Аллах бла жарашыгъыз.

II Коринфлилеге 6:1

Биз а, Аллах бла бирге урунуучулача, Аллахны шафауатын къабыл этгенигиз бошуна болмасын деп, сизге жалбарабыз.

Галатиялылагъа 4:12

Къарындашла, сизден тилейме, мени кибик болугъуз, нек десегиз мен да сизни кибикме. Сиз бир зат бла да мени жюрегими къыйнамагъансыз.

I Фесалоникачылагъа 5:13

Аланы ишлери ючюн сюймеклик бла алагъа бегирек да хурмет этигиз. Кеси арагъызда жарашыулу болугъуз.

II Фесалоникачылагъа 2:1

Сизден тилейбиз, къарындашла, бизни Раббийибиз Масих Исса бизни Кесини биргесине алыргъа келлигине ишек болмагъыз.

I Тимотейге 5:21

Аллахны, Раббий Масих Иссаны эмда сайланнган мёлеклени аллында сенден бек тилейме, бу буйрукъларымы, биреуге терс къарау бла неда жакъ басыу бла бир зат да этмей толтур.

II Тимотейге 4:1

Алай бла Аллахны аллында эм Кесини келген заманында Кесини Патчахлыгъында, саулагъа да, ёлгенлеге да сюд этерик Раббийибиз Масих Иссаны аллында санга буюрама:

I Петер 2:11

Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.