I Ахия 4:9 - Сыйлы Инжил бла Забур

⁹ Аллах бу дуниягъа Кесини жангыз Уланын, биз Аны юсю бла жашау алыр ючюн ийгени бла, Аллахны сюймеклиги бизге ачылгъанды.

I Ахия 4:9 Iomraidhean Croise

Забур 2:7

Белгиленнгенни билдирейим: Раббий Манга: «Сен Мени Уланымса, Мен Сени бюгюн туудурдум.

Марк 12:6

Бахчаны иесини бек сюйген жангыз бир уланы бар эди. Ахырында, „Уланымдан уялырла“ деп аны да алагъа ийгенди.

Лука 4:18

«Раббийни Нюрю Мени юсюмдеди; нек десегиз Ол Мени жарлылагъа хайыр хапар берирге майлагъанды эмда Мени жюреклери сыннганланы сау этерге, жесирлеге азатлыкъны, сокъурлагъа кёзлерини ачыллыгъын билдирирге, унукъдурулгъанланы эркинликге бошларгъа,

Ахия 10:10

Гудучу жаланда урлар, ёлтюрюр эм жояр ючюн келеди; Мен а адамланы жашаулары болур ючюн эм жашаулары артыгъы бла болур ючюн келгенме.

Ахия 14:6

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Ахия 3:16

Нек десенг Аллах дунияны алай бек сюйгенинден, Кесини жангыз Уланын, Анга ийнаннган хар адам, жоюлмай, ёмюрлюк жашаулу болур ючюн бергенди.

Ахия 3:18

Анга ийнаннганнга сюд этилмейди, ийнанмагъаннга уа сюд этилип бошалгъанды, нек десенг Аллахны жангыз Уланыны атына ийнанмагъанды.

Ахия 5:23

Атагъа хурмет этгенлери кибик, бары да Уланына хурмет этер ючюн алай этгенди. Уланнга хурмет этмеген адам Аны ийген Атагъа да хурмет этмейди.

Ахия 6:29

Исса алагъа жууапха: «Ол Кимни ийген эсе, Анга ийнанмакълыкъ, ма буду Аллахны иши», – деди.

Ахия 6:51

Кёкден тюшген, жашау бериучю ётмек Менме. Бу ётмекден ашагъан ёмюрге жашарыкъды. Мен берлик ётмег’а Мени чархымды; аны уа Мен дуниягъа жашау берир ючюн берликме», – деди.

Ахия 6:57

Мени жашау бериучю Атам ийгени, Мен да Атамы кючю бла сау жашагъаным кибик, Мени ашагъан да Мени кючюм бла сау жашарыкъды.

Ахия 8:29

Мени Ийген Мени биргемеди; Ата Мени жангызлай къоймагъанды; нек десегиз Мен хар заманда да Ол ыразы болгъан затланы этеме», – деди.

Ахия 8:42

Исса алагъа: «Аллах сизни Атагъыз болса эди, сиз Мени сюер эдигиз, нек десегиз Мен Аллахдан чыгъып келгенме, Мен Кесим-Кесимден келмегенме, алай а Мени Ол ийгенди.

Ахия 9:3

Исса алагъа: «Не кеси, не аны атасыанасы гюнях этмегендиле, алай а аны юсюнде Аллахны ишлери кёрюнюр ючюн, ол сокъур туугъанды.

Римлилеге 8:32

Кесини Уланын да аямай, алай а Аны бизни барыбыз ючюн берген Аллах Аны бла бизге хар нени да къалай бермез?

Чюйютлелеге 1:5

Нек десегиз Аллах мёлеклени кимине къачан: «Сен Мени Уланымса, Мен Сени бюгюн туудурдум», – эм дагъыда: «Мен Анга ата боллукъма, Ол Манга Улан боллукъду», – деп айтханды?

I Ахия 3:16

Биз сюймекликни не болгъанын Масих бизни ючюн Кесини жанын бергенинден ангылайбыз. Биз да къарындашларыбыз ючюн жаныбызны аямазгъа керекбиз.

I Ахия 4:10

Аллахны биз сюймегенбиз, алай а бизни Ол сюйгенди эм бизни гюняхларыбызны кечдирген къурманнга Кесини Уланын ийгенди; сюймеклиг’а ма олду.

I Ахия 4:16

Биз да Аллахны бизге болгъан сюймеклигин билгенбиз эм ол сюймекликге ийнаннганбыз. Аллах сюймекликди, сюймекликде жашагъан адам Аллахда жашайды, Аллах да ол адамда жашайды.

I Ахия 5:11

Бу шагъатлыкъ мындан болады: Аллах бизге ёмюрлюк жашау бергенди, бу жашау а Аны Уланындады.

I Ахия 5:13

Мен быланы сизге, Аллахны Уланыны атына ийнаннганлагъа, Аллахны Уланына ийнаныуугъуз бла, сизни ёмюрлюк жашауугъуз болгъанын сиз билир ючюн жазгъанма.